لي جيۋان
ءبىر كۇنى گەرمانيالىق ايگىلى ليريك اقىن حەيني ۇستەل ۇستىندە شىعارماشىلىقپەن شۇعىلدانىپ وتىرعانىندا،ءۇي قىزمەتكەرى ەسىك قاعىپ كىرىپ،ءبىر سالەمدەمە اكەلىپ بەرەدى. بۇل سالەمدەمەنى دوسى مەي-ير مىرزا جولداعان ەدى. حەيني جازۋعا دەن قويا كىرىسكەندە ويىن جول ورتادان ءۇزىپ تاستاعانى ءۇشىن، سالەمدەمەنىڭ وراۋىن ناراۋ اشادى. سالەمدەمەنى اشسا نەشە قابات وراما قاعاز شىعادى. ايتەۋ،ەڭ سوڭعى كىشكەنە قاعاز ورامانىڭ ىشىنەن دوسىنىڭ جازعان حاتىن بايقايدى،حاتقا مىناداي ەكى-اق اۋىز ءسوز جازىلعان ەكەن: «سۇيىكتى حەيني،دەنىم ساۋ،كوڭىلدى ءجۇرىپ جاتىرمىن. حال-جاعدايىڭدى ۇعىسايىن دەگەنىم. ءوزىڭنىڭ مەي-ير دوسىڭ».
حەيني حاتتى كورگەن سوڭ قارقىلداي كۇلە جونەلەدى،الگىندەگى كوڭىلسىزدىكتەردىڭ بارلىعى سەيىلگەن بۇلتتاي تاراپ كەتەدى. البەتتە،ول مەي-يردىڭ ءوزىن وسىلايشا بوستان-بوسقا اقىماق ەتۋىنە جول بەرگىسى كەلمەيدى، سونىمەن مەي-يرگە قايتا سالەمدەمە سالىپ جىبەرەدى.
ول سالعان سالەمدەمەنىڭ سالماعى اۋىر. مەي-ير سالەمدەمەنى قابىلداعان سوڭ،ارنايى ادام جالداپ ارقالاتىپ الىپ كەلەدى،ۇيىنە بارىپ سالەمدەنى اشقاندا ۇلكەن تاس سالىپ قويعانىن بايقايدى.تاستىڭ ۇستىنە: «سۇيىكتى مەي-ير سەنەن كەلگەن حاتتى كورىپ، جۇرەگىمدەگى مىنا زىلدەي تاس ارەڭ جەرگە تۇسكەندەي بولدى. وزىڭە دەگەن سۇيىسپەنشىلىگىمنىڭ ماڭگىلىك ەستەمەسى بولسىن دەپ مۇنى ساعان جولدادىم» دەگەن ءسوز جازىلعان قاعازدى جاپسىرىپ قويعان ەكەن.
رەداكتورى:جازيرا قاجىكەن قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.