ساي كاڭيۇڭ
كوپتەگەن ۇيدە پيانينو بار بولعانىمەن،يگىلىگىن كورىپ ءلاززاتتانا المايدى. ولار ءۇشىن پيانينو دەگەن تەك قانا مۇلىك،كورمەگە قويعان بۇيىم سەكىلدى،ۇيىندە مۋزيكانىڭ ءۇنى جوق،تۇرمىسىنا دا اسەر ەتپەيدى.
كوپتەگەن بايلار ايگىلى سۋرەتتەردى ساقتايدى،ءبىراق ودان ءلاززات الا المايدى. جيناعان ايگىلى سۋرەتتەرى جوعارى جىكتەگىلەردىڭ قاتارىنا قوسىلۋىنداعى «مۇشەلىك كۋالىگى»، بايلىق باسەكەسىنىڭ مەدالى ەسەپتى، الايدا سۋرەتتىڭ كوركەمدىگى ولاردى تەبىرەنتە المايدى، ولارعا تىڭ شابىت سيلامايدى.
قولىندا بار دۇنيەنىڭ قادىرىنە جەتپەۋ دەگەن وسى.
ال، وسىعان قاراما-قارسى ماندەگى مىسالدار جوق پا؟ تولىپ جاتىر.
ءبىز اۋادان يگىلىكتەنگەنىمىزبەن وعان يە بولا المايمىز.
ءبىز كەي كەزدە قاراداي الجاسىپ، كۇن نۇرى،اۋا،سۋ،جەر،ەنەرگيانىڭ ءبارى وزىمىزگە تاۋەلدى سياقتى سەزىنەمىز. سونىمەن ويىما كەلگەنىمىزدى ىستەپ،ءبارىبىر اقشا الىپ جاتقانى جوق دەپ،كەندى تاۋسىلعانشا قازىپ،اۋا مەن سۋدى بارىنشا لاستاپ،كۇن نۇرىن ادامدى زاقىمدايتىن جاعدايعا تۇسىرگەندە بارىپ،وسى ومىرگە ەڭ ءزارۋ نارسەلەردىڭ ءبارى وزىمىزگە تاۋەلدى ەمەس ەكەنىن،تەك قانا يگىلىكتەنە الاتىنىمىزدى سەزىنەمىز. بۇل دۇنيەلەردى وزىمىزگە تاۋەلدى دەپ قاراعانىمىز ءۇشىن بەتالدى بۇزىپ-شاشىپ ىستەتكەنبىز.
ءبىز دوستىق پەن تۋىستىقتان كەنەلگەنىمىزبەن،سول دوستارىمىز بەن تۋىستارىمىزدى وزىمىزگە تاۋەلدەپ الۋعا ەش امالىمىز جوق.
سول سياقتى ءبىز بىرەۋدىڭ ماحابباتىنا قول جەتكىزگەنىمىزبەن،سول ادامدى يەمدەنىپ الۋعا دارمەنسىزبىز.
يگىلىكتەنۋدى ءبىل، يگىلىكتەنۋ يەمدەنىپ الۋدان الدەقايدا باعالى. ءومىردىڭ شۇعىلالى ساتتەرى وسىندا جاتىر،ءدام-تۇزىڭ تاۋسىلعاندا كوز الدىڭنان جارىق ەتىپ ءبىر كورىنىپ بۇلبۇل ۇشادى.
بۇل بەتتەگى ماقالالاردى اۋدارعان، قىستىرما سۋرەتىن سىزعان _ گۇليا ورالبەك قىزى
رەداكتورى:جازيرا قاجىكەن قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.