ۇسىنىس ەتىلگەن ءتىلشى سۋ گاڭۋي
2016-جىلى 27-جەلتوقسان تۇستەن كەيىن ساۋان اۋداندىق قوعام حاۋىپسىزدىگى مەكەمەسى «ۇرلىق، توناۋشىلىق، الدامشىلىق» قىلمىسىنا ارناۋلى سوققى بەرۋ قيمىلىن ورىستەتىپ،ارام ولجانى يەسىنە قايتارۋ ءماجىلىسىن اشىپ،«9-جەلتوقسان» سەنىمدى امانات-قارىز كارتۋچكاسىن ۋاكلاتان ءبىتىرۋ الدامشىلىق دەلوسىنداعى قايتارىلىپ اكەلىنگەن 25500 مىڭ يۋان اقشانى 23 زياندالۋشىعا ناق مايداندا قايتارىپ بەردى.
ۇعىسۋعا قاراعاندا،وتكەن جىلى 9-جەلتوقساندا ساۋان اۋداندىق ساقشى جاق ارت-ارتىنان مىڭ xx، جيە xx قاتارلى 6 زيانكەستىككە ۇشىراعان بۇقارانىڭ مالىمدەگەن دەلوسىن قابىلداعان،مۇندا ولار باسقالاردىڭ «بانكەنىڭ جوعارى سومالى سەنىمدى امانات-قارىز كارتۋچكاسىن» ءبىتىرىپ بەرەم دەگەن سىلتاۋمەن وزدەرىنەن 500 يۋاننان مىڭ يۋان ارالىعىندا ۇقساماعان ءراسميات اقىسىن الىپ، ۋاقىتىن سوزىپ بىتىرمەي قويعاندا بارىپ الدانعاندارىن بىلگەن ەكەن.
دەلونى قابىلداعاننان كەيىن ساۋان اۋداندىق قوعام حاۋىپسىزدىگى مەكەمەسى قىلمىستىق ىستەر ساقشى ۇلكەن اترەتى دەرەۋ ىسكە كىرىسىپ، كوپ جەرلەردى ارالاپ ىلگەرىندى-كەيىندى بۇل دەلوعا قاتىسىتى الدانعان 23 زياندالۋشىنى جانە الدانعان اقشادان 25500 انىقتاپ تەكسەرىپ شىققان.
2016-جىلى 15-جەلتوقساندا ساقشى جاقتىڭ تىنباي ىزدەنىس جاساۋىنىڭ ارقاسىندا، قىلمىس كۇماندىسى شياۋ xx، ۋىن xx تەر ىلگەرىندى-كەيىندى قولعا تۇسكەن ءارى 2016-جىلى ناۋرىز ايىنان ماۋسىم ايىنا دەيىنگى «بانكەنىڭ جوعارى سومالى سەنىمدى امانات-قارىز كارتۋچكاسىن» ۋاكلاتان ءبىتىرىپ بەرۋ اقىسىن الۋدى سىلتاۋراتىپ،زياندالۋشى مىڭ xx،جيە xx قاتارلىلاردى الداعان قىلمىستىق ىستەرىن تاپسىردى.
ارام ولجانى قايتارۋ ءماجىلىسى ناق مايدانىندا «9-جەلتوقسان» دەلوسىنداعى 23 زياندالۋشى بۇقارا ىلگەرىندى -كەيىندى حالىق ساقشىسىنىڭ قولىنان الدانعان اقشالارىن تاپسىرىپ الدى ءارى ولارعا «دەلونى تەز انىقتاپ، حالىق ءۇشىن قىزمەت وتەدى» دەگەن جازۋ جازىلعان قامقا تۋ ۇسىنىپ، حالىق ساقشىلارىنىڭ ۋاعىندا كومەكتەسىپ ەكونوميكالىق زياندارىن قايتارىپ بەرگەن ىزگى ىستەرىن القادى ءارى راقىمەت ايتتى.
ۇعىسۋعا قاراعاندا،2016-جىلى ءساۋىر ايىندا «ۇرلىق،توناۋشىلىق، الدامشىلىق» قىلمىسىنا ارناۋلى سوققى بەرۋ قيمىلى ورىستەتىلگەننەن بەرى ساۋان اۋداندىق قوعام حاۋىپسىزدىگى مەكەمەسى بەلسەندى ورنالاستىرۋلار جاساپ،مال-مۇلىككە سۇعاناقتىق جاساعان ءتۇرلى قىلمىستى ىستەرگە قاتاڭ سوققى بەرۋدى ۇزبەي جالعاستىرىپ، زاڭعا قايشى قىلمىستىق ىستەرگە سوققى بەرۋدىڭ تەگەۋرىندى كۇيىن ساقتاپ،بارلىق ساقشىلار زەيىن-زەردەسىن شوعىرلاندىرا وتىرىپ بىرلىكتە كۇرەسكەن.
2016-جىلى جەلتوقسان ايىنىڭ ورتا شەنىنە دەيىن ۇرلىق،توناۋشىلىق،الدامشىلىق ىستەۋ سياقتى ءتۇرلى دەلولاردان 416 سىن انىقتاپ،زيانعا ۇشىراۋشى بۇقارانىڭ ءبىر ميلليون 325 مىڭ 800 يۋان زيانىن قايتارىپ بەرىپ،116 قىلمىس كۇماندىسىن تۇتقىنداپ،ءتۇرلى زاڭعا قايشى قىلمىستى ىستەرگە پارمەندى سوققى بەرىپ،قوعامنىڭ جاقسى باعاسىنا يە بولدى.
رەداكتورى:جازيرا قاجىكەن قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.