ەەڭ جاڭا مازمۇندار
جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى
اۋلا شارۋاشىلىعىن دامىتۋ،كەشكى بازار ەكونوميكاسىنىڭ ومىرشەڭدىك كۇشىن قاۋلاتۋ،نان كاسىبىنىڭ اناعۇرلىم جاقسى،اناعۇرلىم تەز دامۋىن كۇش سالا ىلگەرىلەتۋ كەرەك
2020-جىلى 7-ايدىڭ 2-كۇنى 136-سان
كاسىپ قۇرىلىمىن رەتتەپ،كىرىستىڭ ارتۋىن جەبەدى
تارباعاتاي كاسىپتىك تەحنيكا شۋەيۋانى ۆيۋەسكا ءىلدى
شينجياڭ جۇڭتاي توبى ۋاكىلدەر ۇيىرمەسى ايماعىمىزدا تەكسەرۋ جۇرگىزدى
ايماق ورگاندار پارتيا قۇرىلىسى قىزمەتى ءماجىلىسىن اشتى
ءدوربىلجىن اۋدانىنداعى قىستاق تۇرعىندارى شارۋاشىلىق قۇرۋ،جۇمىستانۋ جاعىندا كوپ تيىمدىلىككە كەنەلدى
جۇمىستانۋعا تاربيەلەۋ تەحنيكالىق شەبەرلىكتى جوعارىلاتتى
جەردى قورعاۋ ورتاق جاۋاپكەرشىلىگىمىز
شاعانتوعاي 3900 اۋىل-قىستاق تازالىق دارەتحاناسىن سالىپ،قونىس ورتاسىن جاقسارتپاقشى
اۋەلگى ماقساتتان اينىماي،بورىش ارقالاپ،ماڭگى كۇرەس جۇرگىزەمىز
اۋەلگى ماقساتتان اينىماي،بورىش ارقالاپ،ماڭگى كۇرەس جۇرگىزەمىز
2020-جىلى 7-ايدىڭ 1-كۇنى 135-سان
پارتيانىڭ مەيىرىن جىرلاپ،اۋەلگى ماقساتتان اينىمادى
شي جينپيڭ تاسقىننان ساقتانۋ،اپاتتان قۇتقارۋ قىزمەتى جونىندە ماڭىزدى نۇسقاۋ بەردى
قول ۇستاسا وتىرىپ ۇكىمەت،بانكە،كاسىپورىن سەلبەستىگىنىڭ ۇلگىسىن قالىپتاستىرىپ،سەلبەستىك ورناتىپ،ءوزارا پايدا جەتكىزىپ،تەڭ يگىلىككە كەنەلۋدىڭ جاڭا پاراعىن بىرگە جازۋعا كىرىستى
پارتيالى كادرلار قىستاق تۇرعىندارىنىڭ ماقسارى گۇلىن تەرۋىنە كومەكتەستى
بوس تۇرعان اۋلا كىرىس باقشاسىنا اينالدى
پارتيا مۇشەلەرى مەن كادرلار ۇزدىكتەردەن ۇيرەنىپ، ىشكى قوزعاۋشى كۇشتى تاسقىنداتتى
پانجياجۋاڭ قىستاعى ۇشقىشسىز ۇشاقپەن ءدارى شاشىپ،ەڭبەككۇش پەن ۋاقىتتى ۇنەمدەدى
جابايى كەندىردى وتادى
باعىمشىلىقپەن شۇعىلدانىپ اۋقاتتانۋ جولىنا ءتۇستى
تاماعىنا سۇيەك تۇرىپ قالعان بالانى شۇعىل قۇتقاردى
جالپاق شاپتولدىڭ حوش ءيىسى اڭقىپ،شارۋا وتباسى شاتتىققا شومدى
«1-شىلدەنى» قارسى الىپ،پارتيانىڭ مەيىرىن جىرلاپ،اۋەلگى ماقساتتان اينىمادى
بال اراسى اۋىل شارۋاشىلىق وندىرىسىنە كومەگىن تيگىزدى
ەركىن تۇنياز ايماعىمىزدا تەكسەرۋ-زەرتتەۋ جۇرگىزدى
اۆتوكولىك تۇتىنۋىن ورنىقتى ۇلعايتايىق
جاڭا نۇسقاداعى سالىق جيناۋ تيىمدىلىك ساياساتى باعدارناماسى جاريالاندى!

تۋلاپ جاتىر جەر استىندا ءبىر جۇرەك

جولدانعان ۋاقىتى : 2017/2/9 19:47:47


 
    جۇڭگو جازۋشىلار قوعامىنىڭ مۇشەسى،كورنەكتى اقىن،بەدەلدى ادۆوكات زاداقان قاۋما ۇلى مىڭبايەۆ 1939-جىلى قارا ەمىل بويىندا ءومىر ەسىگىن اشقان. 2017-جىلى 24-قاڭتاردا جۇرەك سىرقاتىنان ومىردەن وزدى. اقىن قازاسى ەلىمىز قازاق ادەبيەتى ءۇشىن ۇلكەن جوعالتۋ بولدى. ەر قازاسى ەلگە ورتاق. ەسىل  اعانى  ەسكە  الىپ،قالامداستارى جازعان شىعارمالاردى ارنايى بەرىپ وتىرمىز.
 
  ەي، جاراتقان، جەبىرەيىلىڭ
                  جەتىپ كەلسە جاقىننان،
  جان الۋعا پارمەن قىلساڭ
                   جازۋشى مەن اقىننان.
  زاداقانعا مۇرسا بەر دە
         وزگەمىزدى اقىرەتكە ايداي بەر،
  بارىمىزدەن ارتىق ەدى ول
                    پاراسات پەن اقىلدان.
  توبىمىزعا ءتونىپ كەلگەن
        «سولشىلداردىڭ» نايزاسىن
                   ۋ تىلىمەن جاپىرعان.
  ارتىق ەدى ول دەرت توگۋگە،
               جان ساۋعا مەن قارپىسقا،
  تاي كۇنىندە باسقا ۇرىلعان _
                  كەم تۇسەتىن تارتىسقا.
  بۇيىرعان جوق ءالى كۇنگە
    ارزان-قىمبات ماراپات پەن سيلىقتار
                       كەلسە داعى الپىسقا.
  ەي، سۇم اجال،
  كەم اقىلدى، اۋسار مىنەز بۇل قازاقتىڭ
  التىن دىڭگەك اقىنىنان
                 قۇرىعىڭدى تارتا ۇستا.

  «جاراتقانعا جالىنۋ» دەگەن بۇل ولەڭىم   2014-جىلى 14-اقپاندا زاداقان مىڭبايەۆ سىرقاتتاندى دەپ ەستىگەندە توگىلىپ تۇسكەن جۇرەك ءمولدىرىنىڭ بۇكپەسىز تىركەستەرى ەدى.
 
*   *   *
 
  زاكەڭ اياق استىنان كەڭ سابالى كومەيىنەن قوڭىراۋلاتىپ تەلەفون شالا قالدى، بار ايتقانى:

  -تاياۋدان بەرى ءبىر ەنتىك پايدا بولدى،ۇرىمجىدەگى شيپاگەرلەردىڭ ايتقانى جۇرەگىڭدە اقاۋ بار، سونىڭ ەنتىگى، جاقىندا ىشكەرىدەن باس بىلگى مامان كەلەدى، سوعان دايار تۇر،- دەپتى. سىر مىنەزدى ادامعا:

   -كەشەگى ۋىز ەت بۇگىن تارامىسقا اينالعان، سول توزعان ۇلپەرشەكتى قانداۋىرلاتىپ قايتەسىڭ، كارىلىك قۇدا تۇسكەن شىعار، كەشەگى سەكسەن، توقسانعا بارعان، ءوزىمىزدىڭ كوزىمىز كورگەن ۇلكەندەر سونداي بولىمسىز ىلگىشىن ەپتەپ سۇيرەلەپ جۇرە بەرۋشى ەدى عوي، ءبىرىمىز ەنتىگىپ، ءبىرىمىز سىلتي باسىپ-اق كارىلىككە كونە بەرگەنىمىز ءجون شىعار،- دەپ شىنىمدى ايتتىم.

  ارادا ون كۇن وتەر-وتپەستە   اۋەلدە وپەراتسيا توسەنىشىنەن امان شىققان سەكىلدى بولعان زاداقان سىندى جۇڭگو قازاق پوەزياسىنىڭ التىن دىڭگەگى وپىرىلىپ قۇلاپ ءتۇستى.

  شەتەلدە سەيىلدە جۇرگەم، قابىرعامدى سوككەن توسىن قايعى ەل-جۇرتقا الىپ ۇشتى. امال نە، اقىرعى مينۋتتاردا ءتىل قاتا الماي قالدىق. باقيلىققا بەتىن بۇرعان اعايىن-دوستار ىشىندە جانىما سىزات  تۇسىرگەن ءزىلدى جوعالتۋدىڭ ءبىرى وسى بولدى.

  عاسىرعا جۋىق ارتقى تۇستاعى بۇكىل كىناراتسىز، تازا تابيعاتتا ادام اتاۋلىنىڭ عايىپقا كەتپەگەنى كەمدە-كەم  شىعار.  مىڭبايەۆ ەكەۋىمىز سول ەندى قايتىپ  جارالمايتىن ەسىل جارالمىشتىڭ شەتىن كوردىك. كەزىندە ارعى جاعالاۋىنا كوزىڭ ارەڭ جەتەتىن، ال، قازىر قوس ومىراۋى سولىپ بىتكەن  قارا ەمىل مەن سارى ەمىلدىڭ تۇنىعىنان سۋسىندادىق. ءوز اكەسى ءبىلىمدى، ساۋاتتى، ءبىر زاڭگى ەلدىڭ مولداسى بولعان قاجى، ەل-جۇرت اتۋەرلەپ قاۋما اتاندىرىپ كەتكەن ەڭگەزەردەي، زور داۋىستى، بەت ءپىشىنى قارا جىلتىر مويىل وڭدەس كىسى، ءبىزدىڭ اۋىلدان قىز العان كۇيەۋ جىگىت  ءبىر بەلدىڭ استىنان قاشان قالىڭدىقتى بوساعاسىنا اتتاندىرعانشا جەدەلدەتىپ، قايىنىنىڭ ءيتىن مەزگىلسىز ۇرگىزىپ مازا بەرمەسە كەرەك.  ءتۇن جارىمى، قارا قىستاۋدىڭ الدىنداعى شوق تالدا بايلاۋلى تۇرعان اتىن قالىڭمالعا  كوڭىلى  تولماعان ءبىزدىڭ جىگىتتەر سىرىمتالاپ ولجالاپ كەتىپ،  تاڭ الدىندا اتتىڭ ەسەسىن قالىڭدىقتان قايتارعان كۇيەۋدىڭ جاياۋ قايتاتىنى بار.  زاداقان ماعان قالجىڭداپ، «ىزدەۋسىز، سۇراۋسىز كەتكەن اكەمنىڭ اتىن تولەپ بەر» دەۋشى ەدى.

  سويتكەن كۇيەۋ ءبىزدىڭ اۋىلعا قادىرلى بولعان سەكىلدى. ولاي بولاتىنى مەنىڭ ەس بىلەتىن شاعىمنان تارتىپ، بەرتىنگى بۇكىل مال-جان تايقازانعا تۇسكەن تۇسقا دەيىن جازعى جايلاۋ ۇستىندە از عانا ءتۇتىن بيەت اۋىلى، سونىڭ ىشىندە ءوز ايراندىعى وزىندە بولعان ءبىزدىڭ ءۇي قاۋما مولدانى قوناققا شاقىرىپ كۇتىپ جاتۋشى ەدى. مەن زاداقاندى سونداي ارالاستىق، قۇرالاستىق ۇستىندە ءوزىنىڭ تۋعان اعاسى ماقاجاننىڭ ۇيىندە كەزىكتىردىم. ەسىمە ەندى ءتۇستى 1950-جىلدارى 700 وقۋشى، 50 دەن ارتىق مۇعالىمى بار ءدوربىلجىن ورتا مەكتەبىندە ماتەماتيكا ساباعىنىڭ اسا قيىن تۇيىندەرىن ساباق وتۋشىمەن بىرگە شەشىپ بەرەتىن، اتى سونىمەن شىققان، تورسىق شەكە، بۇركىت قاباق، شۇيدەسى سىرتىنا تەپكەن، كوز شۇڭەتى اسا ويلى كەلگەن بالا جىگىت زاداقان جيەنىمىز بولىپ شىقتى. ءتىل تابىستىق. شىنىمدى ايتسام بولاشاق، ەرتەڭگى جاستىق ءومىردىڭ بىلايعى بەتالىسى تۋرالى مۇمكىن مولدا كىسىنىڭ بالاسى، ياكي تۋما العىرلىعىنان بولار، مەنەن كوش ىلگەرى سەزىمتال كورىندى. ورتالاۋ مەكتەپتى تاۋىسقاندا ءبىر قاۋىم شەتەل قالامگەرلەرىنىڭ سىلەكەيىن جۇتقان سەكىلدى بولعانىممەن، قىستاۋلىق،   كۇزەۋلىك،  جايلاۋلىعى، ەگىنشىلىك مايدانى بولعاننىڭ ۇستىنە اكەمنىڭ شولاق قورا قويى، ءبىر-ەكى ءۇيىر ءىرى قاراسى بار اكە داۋلەتىن مىسە تۇتا باستاعان، ءبىلىم جايلى ىلگەرى اتتاپ باسۋعا تابان تىرەي قويماعان مەنىڭ قولتىعىما مولدانىڭ ۇلى سۋ بۇرىكتى. بىرەر كۇنگى ءۇيىر-شۇيىردەن كەيىن سىلكىندىم، ون بەستەگى وتاۋ يەسى، وتباسىنىڭ ۇلكەنى بولعان سوڭ ماعان تاۋەلدەپ يكەمدەي باستاعان الگى شارۋاشىلىقتى، ءتىپتى، ەپتەمەلەپ ءسوز سىرالعىسى بولا باستاعان اياق القاۋدى... وزگەنىڭ بارلىعىن قايىرىپ تاستادىم. زاداقان ءۇرىمجى ينستيتۋتىنا قانات سەرمەدى. ال، مەن تارباعاتاي ايماقتىق گيمانەزيانىڭ ەسىگىن اتتادىم. زاداقان جايلى قايران قالام، ءۇرىمجى سىندى ۇلكەن ورتاعا سۇعىنىپ كىرە سالىسىمەن باي-مادەنيەتتى وسكەن ەل-جۇرتى، ساۋاتتى ورتا، ءبىلىمدى اكە-شەشەدەن دارىعان بويىنداعى تالانتتىڭ بۇلاعى بۇرق ەتىپ اتىلىپ شىقتى. «ىنىمە» دەگەن سونىڭ اتىنداعى شاعىن جيناق قولىما ءتيدى. جيناقتاعى تۇنىپ تۇرعان بالالىق سەزىم وقۋشىسىن بىردەن-اق باۋراي جونەلدى. اۋىلدا، قالادا «ەلەكتر» ءانى شىرقالىپ جاتتى. بىردەن-اق زاداقان مىڭباي سىندى جاس پوەزيامىزدىڭ العاشقى قارلىعاشى وتكەن عاسىردىڭ 50-جىلدارىنىڭ سوڭعى تۇسىندا قىرعي قيمىلدى، ىزدەنگىش سارابدال اقىن نۇرساپا امانجولوۆپەن بىرگە سول تۇستىڭ وزىندە-اق توتە سارىن بايقاتىپ ۇلگىردى. ارادا استاڭ-كەستەڭ جىلدار ءوتتى، 1978-جىلى سارىنى باسەڭ، ارناسى شولىركەگەن ەمىلدىڭ رىزدىعى، ءدام-تۇزى تارتقان مىڭبايەۆ ەكەۋىمىزدىڭ تۋعان توپىراققا تابانىمىز ءتيدى. مەن مادەنيەتى ەرتە تولىسقان   شاۋەشەك   قالاسىندا،قاۋسىلقان، ومارعازى، راقىمەتوللا سىندى ادەبيەتىمىزدىڭ الدىڭعى بۋىن ءىرى تۇلعالارى بوي كورسەتكەنىمەن، ءوز تاريحىنان بەرى ءبىر ادەبي جۋرنالعا جۇكتى بولىپ كورمەگەن بۇل وڭىردە تۇڭعىش رەت «تارباعاتاي» جۋرنالىنىڭ كەرەگەسىن جايدىم. ارينە، ىرگەدە، دوربىلجىندە تارىم وزگەرتۋ الاڭىنان كەلگەن بەتى بوران-شاشىن اتاۋلى كۇلدىرەۋىشىن ساي-سالاعا شاشىپ جىبەرگەن مىڭبايەۆتار  شاڭىراعىنىڭ  سول  عانا اشاباقان تىرەۋى بولعان اقىنمەن كومەكەي كورسەتىپ، ءتىل ايقاسىپ تۇردىم. تاباندى قارىعان تارىمنىڭ قىزىل قۇمى بۇكىل تۇلعاسىن ۇزاق قاقتاپ سىرىلەگەن، قىرىقتىڭ قىر جوتاسىنان ەندەي  بوي  كورسەتكەن ازامات جۋان-جۋان شويىننان اۋىر كوك شۇبار تاستى ىرگەدەگى بەتكەيدەن كوتەرىپ اكەلىپ، اۋەلى، اقسۋ سۋ بوگەنىنىڭ تاعانىن قالاستى. ءبىر كۇنى ول دا كەزىندە  سول ەمىل توڭىرەگىندە بەلگىلى اقىن بولعانىمەن، قالامنان قوجىراعان سول سۋ قويماسىنىڭ تەمىر ۇستاسى دۇيسەنباي شاۋەن ۇلى ماعان:

  -ەي، جۇماباي، تاس كوتەرۋدەن تايدىرىپ، وتىنعا سالعان مىنا زاداقان مەنىڭ بالعا-توسىمنەن شىققان، تاسقا تيسە جۇزىنە سىركە تۇسپەيتىن كەتپەنشى مەن 150 ازامات تاماقتاناتىن اسحاناعا قوزى كوش جەردەگى شاتقالدان كۇنىنە ەكى مارتە تۇيە ارقا جاس ۇشقاتتى جاياۋلاپ ارقالاپ ءۇيىپ تاستايدى دا جابىعىنان جەل ساۋلاعان ءوزىنىڭ جەر قوپىن ۇياشىعىندا ءباتيما مەن بالالارىنىڭ ەسكى قومىتىن ۇستاپ تاستاپ، ءوزى تەرى شالبارىنا اياعىن تىعىپ قويادى دا الاكولەڭكە ماي شام تۇبىندە تىزەسىنىڭ ۇستىنە ءار نەدەن قاعىپ-سوعىپ قولعا تۇسىرگەن قاعازىن جايىپ قويىپ ولەڭ جازادى. اقىلىڭدى ايت، ول شىركىندى ءبارىمىز جازعامىز، ءبىر ۋاق جانى جاي تاپسىن،- دەگەندە مەن دۇيسەنبايعا:

  -تاعدىردىڭ وعان سيلاعان جان ساقتار قورۋىلى، بار بايلىق، ماقسات، مۇراتى سول. زاداقان پوەزياسىنا جاراتۋشىنىڭ ءوزى دە كوز الارتا قويماس،- دەدىم.

  شىنىندا ول ونەردىڭ وسى دەرتتى الەمى ءۇشىن قارا جانىن سىرىق باسىنا شانشىعان، تەك سونىڭ عانا ادال شايىتى، قارا لاعى بولا ءبىلدى. وڭالا باستاعان زامان ونىڭ اتاق-ابىرويىن قايتا جاڭعىرتتى. ەدەنى سىز، توبەسىنەن توپىراق ساۋلاعان اقسۋداعى جەر قوپىننان ەكى بۋدا جالبىر-جۇلبىر توسەنىشى مەن ەرنەۋى كەتىك شىنى-اياعى جانە ءبۇيىرى قابىسقان سوناۋ تارىمنان ارقالاپ كەلگەن قولا شاۋگىمدى، كىسى كۇلەرلىك شاعىن توعاناقتى الدەكىمنىڭ شارقىش ارباسى قالاعا كوشىرىپ اكەلدى. اۋەلدە وڭكەي شيكى وكپە بالالى توپتى جان ءبىر تۋىسىنىڭ بوس تۇرعان سارايشاسىنا كەلىپ ءتۇستى.  جاڭاشا تىرشىلىك جاساۋدىڭ قامىن كوردى. اۋدان اكىمى ورازموللادان شاعىن قوراجايلىق جەر سۇراپ الدى. ولەڭ-جىر ولكەسىندە بار قۋات-قايراتىمەن قالاي ادۋىن قيمىلداسا، قارا جۇمىسقا دا سولاي سوقتىعاتىن سوم دەنەلى  ەركەك  بالتىرىن ءتۇرىپ تاستاپ لاي يلەدى، كەرپىش قۇيدى، بولاشاق جانۇيانىڭ ىرگەلىگىن قالادى. ءسويتتى دە اينالاسى ءۇش ايدىڭ ىشىندە سول عۇمىرىندا تۇڭعىش رەتكى قىستىق، جازدىق پاناسىنىڭ قاڭقاسىن، ءوز كەزىندە پالۋان اتانعان ول داعى تارىمنىڭ سور ءدامدى سۋىن زاداقانمەن بىرگە ۇرتتاعان جالەل سىندى كوڭىل جەتەرلەرىنىڭ سەپتىگىمەن قالقيتىپ الدى. ءبىر رەتتە ءالى تولىق ءبىتىپ بولماعان كۇركەشەسىنە قۇتتى بولسىن ايتىپ كەلە قالدىم، سونىڭ عانا توبەسى جايىلعان كىلەت ۇيدە ءبىر ءۇيلى جان تۇنەپ شىقتىق. زاكەڭ يىعىنا قوندىرىپ الىپ كەلگەن وڭتۇستىكتىڭ اق تورعايى ءتورت بالامەن ۇيلىعىپ ءبىر بۇرىشتا، ءبىر كورپەنىڭ ىشىندە. ال، تاڭ الدىندا كوزىمدى اشسام  زاكەڭ ەكەۋىمىز جامىلعان كورپەنى سىرىپ تاستاپ، تەرەزە الدىنداعى تىگىن ماشيناسىنىڭ تار ەندى، بولىمسىز تاقتايشاسىنا سىڭار بىلەگىن جايىپ تاستاپ ولەڭ جازىپ وتىردى. باسىمدى بۇركەپ عانا كۇيسىز جۇيرىككە قايرانداپ تاڭ-تاماشا جاتقان ۇنسىزدىگىمدى جانە زاكەڭنىڭ سورعالاپ قۇيىلىپ تۇرعان شابىتىن سالدىر-كۇلدىر ەستىلگەن سىرتقى ءبىر ءدۇبىر بۇزىپ جىبەردى. قالامىن قاقپاعىنا سۇعۋعا شاماسىز اقىن اتىلىپ دالاعا شىقتى، مەن داعى ەرە جونەلدىم، سويتسەك ءۇي توبەسى قارا لايىنىڭ سىرتىن قاپتاعان ماي قاعازدىڭ جاپسارىنا قاتتى كيلىككەن قارا جەل كەۋلەپ كىرىپ، سىپىرىپ اكەتۋدىڭ قامىندا ەكەن. ەكەۋىمىز جان دارمەندە قورادا شاشىلىپ جاتقان سىرعاۋىل، ياكي كەرپىش، تاس سەكىلدىلەرمەن توبەنى باستىرىپ ۇلگەردىك.

  الىپ تۇلعالى اقىننىڭ جان كەشتىلىگى سول، تەرەزەگە جارىق تۇسە بەرە-اق كوز قيىعىمدى توڭكەرۋگە باتىلىم بارماعان ايقىش-ۇيقىش سىزات قورشاۋ قىمتاعان ولەڭ جولدارىن سيراعى شيقىل شىعارعان  ەسكى اعاش ورىندىققا وتىرا قالىپ، قايتا بۇيدالاپ جەتەلەي جونەلدى، ولەڭنىڭ اياعىن قايتا جالعادى. مىنە پوەزيامىزدىڭ اعا سۇلتان اقىنى مىڭبايەۆتىڭ شىن بەرىلگەن ولەڭگە قۇشتارلىعى وسىلاي ەدى. زاكەڭ قارتايعاندا سەرىگى سارانىڭ كۇتىمىندە كوڭىلدى كۇندەر وتكىزدى.

  زاداقان مىڭبايەۆتى قازىرگى زامان جۇڭگو قازاق پوەزياسىنىڭ اعا سۇلتانى دەپ وتىرعانىم، ول تۋرالى مولىنان جازىلعان قىرۋار عىلمي تۇجىرىمدار مىنانى سىپاتتادى. بىرىنشىدەن، زاداقان مىڭبايەۆ ويشىل  اقىن،ونىڭ ءيىرىمى شۇڭەت تۇجىرىمدارى سەنى تالايعا دەيىن بۇلدىر ءبىر الىسقا  بۇيدالاپ الىپ ۇشىپ، ءبىر مەزەت قاماپ تاستاپ، ارەڭ دەگەندە ارعى تۇستان ءبىر ساۋلەنىڭ سىنىعىن بايقاتىپ، سوڭىندا ەسىڭە كەلتىرەدى. ەكىنشىدەن، زاداقان مىڭبايەۆ ۇلت ءومىرىنىڭ ارعى-بەرگىسىن، اداميلىق كوڭىل كۇي مەن زاماندىق قۇبىلىستى، ءوڭى تەرىس اينالىپ بارا جاتقان اسىل ءداستۇر مەن ازعىنداۋدىڭ تۇپكى سەبەپ-سالدارىن سۋىرتپاقتاپ كەلىپ،بەزبەن تارازىسىنا تاستاپ بەرەتىن فيلوسوف اقىن.

  ز. مىڭبايەۆ جيناقتارىنا كەشىندە كوز تۇندىرساڭ ءتۇننىڭ جارىمىنا دەيىن ءبىر قاۋىم ۋاقىت كەشكەن عۇمىرىڭنىڭ ول جاق، بۇل جاعىنا ءوزىڭدى الىپ ۇشىپ، كەيدە ازاپتاپ، تەنتىرەتىپ بارىپ سوڭىندا  اسا ءتاتتى ءبىر جۇمساق بال سەزىممەن سۋسىنىڭدى قاندىرادى. ءوز باسىم قارا ءدۇرسىن پروزانىڭ جالاۋىن ۇستاعان اداممىن. دەسەدە، جۇڭگو قازاق ادەبيەتىنىڭ قازىرگى زامان ۋاكىلى رەتىندە زاداقان مىڭبايەۆ شىعارمالارىنىڭ اسا تەرەڭ شۇڭەتىنە، تۇپكى يىرىمىنە وزىمشە تۇجىرىم جاساي وتىرىپ، ونى جۇڭگو قازاق پوەزياسىنىڭ اعا سۇلتانى دەۋگە ابدەن لايىق دەپ ءبىلدىم.

  ءسوز سوڭىندا ءدوربىلجىن اۋدانىنىڭ جەتەكشىلەرى مەن  قاتىستى  تاراۋلاردىڭ ەسىنە سالارىم جۇڭگو جازۋشىلار وداعى 9-قۇرىلتايى سايلام الدى ءتوراعالار القاسىنىڭ جوراسى جانە قۇرىلتايدىڭ قۇرمەتتى جوراسى سيپاتىممەن قالاشىقتاعى ورتالىق كوشەسىنىڭ بىرىنە زاداقان مىڭبايەۆتىڭ اتىن شەگەلەپ، مارقۇمنىڭ ءمۇسىنىن تۇرعىزۋدى قولعا الۋ كەرەك سەكىلدى. زاداقان مىڭبايەۆ ولگەن جوق، انە سارى ەمىلدىڭ ساعاسىنان ادام ۇلپەرشەگىنىڭ تامىر سوعىسى بايقالدى.

  تۋلاپ جاتىر جەر استىندا ءبىر جۇرەك...

 
   رەداكتورى: جازيرا قاجىكەن قىزى

 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.
 

 
 
 
 
 
 
 
 
 
 
 
powered by IlgharCMS 3.2 www.ilghar.cn