ەەڭ جاڭا مازمۇندار
2019-جىلى 10-ايدىڭ 18-كۇنى 241-سان
حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ جونىندەگى اڭگىمە ماجىلىستە سويلەنگەن ءسوز
ءوزارا سەنۋ، ءوزارا كومەكتەسۋ، ءوزارا پايدا جەتكىزۋ پرينسيبىن ۇستانىپ، دۇنيە جۇزىندەگى ءار ەل حالىقتارىن تەڭىز-مۇحيت ەكونوميكاسىنىڭ دامۋ جەتىستىكتەرىنەن بىرگە يگىلىكتەندىرەيىك
«مەيىرىم ساتراشحاناسى» قارتتاردىڭ كوڭىلىنەن شىقتى
ەكسكۋرسيالاپ، ۇيرەنىپ، پارتيالىلىق جاقتان شىنىقتى
حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ جونىندەگى
باتىس قالاماڭى الەۋمەتتىك اۋماعى شىنايى سۇيىسپەنشىلىكپەن حالىقتىڭ مۇڭ-مۇقتاجىن شەشىمدەدى
اۋەلگى ماقساتتى، بورىشتى ەستە بەرىك ساقتاپ، نەگىزگى تاقىرىپتىق تاربيەنى تىڭعىلىقتى ورىستەتىپ، ورنىقتىلىق،
قابىر كۇزەتۋشى جاڭ چيۋلياڭ حۋ شيانجىن قۇرباننىڭ تۋىس-تۋعاندارىن ىستىق ىقىلاسپەن قارسى الىپ الدى
زۇيجياڭحۋ وزگەشە ءدامدى قۋىرماشتارى
2019-جىلعى سۋ يگىلىگى ارقىلى شينجياڭعا كومەكتەسۋ قىزمەتى ءماجىلىسى ۇرىمجىدە اشىلدى
قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن جانە قوقىر-قوقسىقتى تۇرگە ايىرۋ قىزمەتىن اقىلداسىپ ورنالاستىردى
«تۇرمىسىم كۇن سايىن جاقسارىپ كەلەدى، ولارعا شىنايى العىس ايتامىن»
اكىمشىلىك مەكەمەسى القاسى «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەنىڭ 2-رەتكى توپتىق ۇيرەنۋ، زەرتتەۋ-تالقىسىن ورىستەتتى
شىبارجيدە جاڭا رايونى دارىلەۋ ۆانناسى مەن ىندەتتىڭ الدىن الۋ ورنىن سالىپ، ەگىنشى-مالشىلارعا قولايلىلىق جاراتتى
تۇرعىنداردىڭ مادەني تۇرمىسىن بايىتتى
2019-جىلى 10-ايدىڭ 17-كۇنى 240-سان
جين شين: بۇقارانىڭ ءىسىن كوكەيىمدە ساقتايمىن
قۇرباننىڭ تۋىس-تۋعاندارى كەلىپ ازا ءبىلدىرىپ، 46 جىلدان كەيىن اقىرى «جۇزدەستى»
2019-جىلى 10-ايدىڭ 16-كۇنى 239-سان
جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، تياناقتاندىرىپ، نازاردى باس نىساناعا شوعىرلاندىرىپ، جاراسىمدى، ەكولوگياسى كوركەم، قونىستانۋعا جايلى تارباعاتاي قۇرايىق
«ەكىدەن تارىقتىرماۋ، ۇشتە قامتاماسىز ەتۋ»دى تىعىز ارقاۋ ەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە تاباندىلىقپەن، باتىلدىقپەن قول جەتكىزەيىك
بالا كۇنىنەن اتويشىلداردان ۇيرەنىپ، ەسەيگەندە اتويشىل بولىپ، ۇلتتىڭ گۇلدەنۋى ۇلى مىندەتىن ارقالاي الاتىن ءداۋىردىڭ جاڭا ادامى بولىپ ەسەيىپ-ەرجەتۋگە قۇلشىنايىق
قىزمەت اترەتى ۇيرەنۋدى مال شارۋاشىلىق رايونىنداعى ساقا پارتيا مۇشەلەرىنىڭ وتباسىنا جەتكىزدى
اۋەلگى ماقساتتى ۇمىتپاي، بورىشتى ەستە بەرىك ساقتاپ، نەگىزگى تاقىرىپتىق تاربيەنىڭ ناقتى ناتيجەلەرىن ايگىلەپ، ايماقتىڭ ورنىقتىلىق، دامۋ قىزمەتتەرىنىڭ تاعى دا تىڭ ساتىعا كوتەرىلۋىن جەبەيىك
جوعارى مەكتەپ ەمتيحانى قاقپاسىن قايتا اشۋ
عىلىمنىڭ كوكتەمى
ۇلى بۇرىلىس
ەكونوميكالىق ەرەكشە رايون قۇرۋ
شيحۋ قالاسى: شارۋالاردىڭ كۇزگى جيىن-تەرىن جۇمىسىنا كومەكتەستى

مەيىرىڭنىڭ ءىزى جاتىر اق قاردا...

جولدانعان ۋاقىتى : 2017/2/14 17:46:16

ارزىگۇل ابدەش قىزى
  كامشات تاعى دا  حات  جازۋعا  كىرىستى، ادەمى  حاتىرەلەرگە  ءوز  كوڭىل كۇيىن تۇرتە  ءجۇرۋ  ونىڭ بالا  كۇننەن  كەلە  جاتقان  كادۋەلگى   ادەتى. بالا    كەزىندە   ءوزىنىڭ «وگەيلىك» جايلى  جىلاي جازعان ەستەلىگى باسقالار  جاعىنان وقىلىپ،  ءۇي  ءىشىن كوڭىلسىزدىك جايلاعانى  ءالى  ەسىندە. سوسىن دا  ول  بۇدان كەيىن كوڭىلسىزدىكتى  سۋعا  نە  اۋاعا جازسام عانا  ءجون سەكىلدى  دەپ كوپ  قامىققان-دى...  ەسەيە   كەلە   تاعى  «كوڭىلسىزدىك  جىرتىق كويلەك ىسپەتتى، ونىمەن  سىرتقا  شىعۋعا  بولمايدى» دەيتىندى  ءتىپتى  دە  تۇسىنە تۇسكەندەي،  سوسىن دا  ول  ومىرگە  كۇلە  قاراۋدى ۇيرەنىپ كەلەدى. ومىرگە  ۇمىتپەن،  قۇشتارلىقپەن قاراعان سايىن وزىنە دەگەن ءتىپتى  كوپ  سەنىمدەر  مەن  ۇمىتتەر  مەنمۇندالايتىنىن  بايقادى... قۇلشىنعان  سايىن  ونىڭ قاتارىندا  سونشاما  كوپ  قولداۋشىلار  تۇراتىنىن ءتىپتى دە  ۇعىنا  بەردى.

  ءار  قۇبىلىستى  وزىنشە  باعامدايتىن  كامشات ءۇشىن بيىلعى قاڭتار ايى «اق  مىلتىق»  بورانىمەن  ەمەس، اق ۇلپا  قارىمەن  ەستە  قالاتىنداي،  اپپاق قارداي مامىق  مىنەزدى   سول ءبىر جاندى ساعىناتىن دا تۇراتىن، تىم  -تىم  كىرشىكسىز بەينە  عوي ول.   سول اق مامىق  قۇشاعىندا الديلەگەن  بايتاق دالاعا  كوز تاستاعان  ساتىندە  تىرشىلىكتىڭ  قىم-قۋىت  كۇيبەڭىنەن ادا،  تىنىشتىققا  شومىلا كەتەتىن. بەينە  ءوز ساعىنىشىنىڭ  ءۇنىن  تىڭداعانداي،  سىرلاسقانداي، اسەم  اۋەنىنە دەن قويعانداي  بولاتىن،ءتىپتى،   بارلىعىن  دا  ۇمىتىپ، ونىڭ   سىر تۇنعان  قوڭىر  كوزدەرىنە قادالعانداي كۇي كەشەتىن. ءيا، كامشات العاش رەت  پاراسات  تۇنعان سول  قوڭىر  كوزدەردى  كورگەننەن  بەرى بەس جىلعا تاياپتى. قىزمەت  جايىمەن  تالايلاعان جاقسى  -جايساڭداردى  كورگەنى بار.  كوپتەگەن   بىلىكتى جانداردىڭ  بىلىمىنە ، مىنەزىنە  ءتانتى  بولىپ   شىن قۇرمەتتەۋگە  لايىق كىمدەر  ەكەنىن  دە  تاني  تۇسكەن –دى.  سول  جىلى شىلدە  ايى،  قىزمەتتىڭ  ەڭ ءبىر  قىزۋ  قاربالاس تۇستارى، كامشات تا  ءوز مىندەتىن  العان  قىزمەت  ورنىنا  ەرتەمەن  جايعاسىپ،  «كەرەكتى  كەيىپكەرىن»  كۇتىپ وتىرعان.  ەسىمىن ازداپ ەستىگەنى بولماسا  تانىس  ەمەس، قىزمەتىمە  الدەقالاي  سىن ايتار ما  دەپ الاڭداپ تۇرعان-دى.  مىنەكي ءتۇس الەتىندە  ول دا  جەتتى،  ەڭ الدىمەن  اسا  ءبىر تابيعي  قالىپپەن،  بايسالدىلىقپەن  ءوزىن كۇتكەندەرگە  تەگىس  سالەمدەسىپ   شىقتى دا: «كۇن ىستىق ەكەنى  راس، ءبىراق  قاراپايىم بۇقارادان بولەكتەنبەي-اق قويالىق،  ءبىز قىزمەتكەرلەر دە  بۇل شاتىردى  قولدانبايىق،  كۇنقالقانىڭ  قاجەتى  جوق» دەپ  كۇلىمسىرەپ قويىپ،« ءسىز  قالاي  قارايسىز؟» دەدى كامشاتقا  قاراپ.  مۇمكىن  ونداعى  جالعىز  قىز سول  بولعاسىن  ازىلگە  سۇيەگەنى  بولار... ءىم،  ەشكىمگە  ۇقسامايدى  ەكەنسىڭ –اۋ  دەپ ىشتەي  تۇيگەن كامشات، «بولادى» دەپ جىميىپ قويدى.... اراعا  ايلار  سالىپ، تاعى  ءبىر  ويدا  جوق  كەزدەسۋدە ەكەۋىنىڭ دە  ءبىر كىتاپتى  قۇمارتا  وقىپ  جۇرگەنى  بەلگىلى  بولدى. بۇل عاجاپ تا كامشات  جۇرەگىنە  ونى جاقىنداتا تۇسكەندەي،  ونىمەن ازدا  بولسا  ۇقساستىق تاپقانىنا ىشتەي ءماز...

  مىنە،  سونان بەرى قاراپايىمدىلىق،  كىشى پەيىلدىلىك،  كىسىلىك،  مەيىرىمدىلىك  دەيتىن ۇلاعاتتى  ۇعىمداردى  كامشات  تەك سول ءبىر جاننىڭ  بويىنان  كەزدەستىرگەندەي.  ونىڭ  بىلىمگە  قۇشتارلىعى،  كومەككە مۇقتاج جانداردىڭ  ەشقايسىسىنىڭ دا  قولىنان  قاقپايتىنى،  قولىنان كەلگەنىنشە  جاقسىلىقتىڭ  نۇرىن سەۋىپ كەلەتىنى، ىزدەنگىش، ونەر  سۇيگىشتىگى ءوز الدىنا  ءبىر توبە. 

  كۇن  وتكەن سايىن وزىنە  تابىندىرىپ،  ساعىندىردى  دا  قويدى. كىم بىلەدى،  قانشا  الىس  جۇرگەن سايىن، جۇرەككە  سونشا  تەرەڭ تامىر  تارتاتىن  جاندار بولا ما ءوزى؟!  كامشات  جۋىقتان  بەرى  ادەمى  ءتۇس كورەتىن-دى.   تاۋعا  شىعۋدى  كوپ ارمانداعاننان  با  ەكەن، تۇسىندە  ىلعي ونىمەن  بىرگە تاۋدا جۇرەتىن،  الدەبىر  كۇنى تۇسىندە، جاسىل شالعىندى دالا  توسىندە ەكەۋى  عانا  ەكەن،  كوڭىلىندە  ەلەۋرەگەن  جاس  تىلەك، ىنتىق جۇرەكتەن  وزگە زارەدەي تۇيتكىل جوق،  كوپتەن بەرى  ءوزىن بالاسىنىپ  كەلگەن،  وعان ەركىن  قۇشاق جايعان،تىم –تىرىس  وڭاشالىق پەن سىبىرلاعان  ءۇن  عانا.  ول ويانىپ كەتتى،  وكىنگەندەي، قايتا  ۇيىقتاي  سالار  قۇدىرەتى  جوق  -اۋ، بولماسا  سول  قۋانىش باقىت  قۇشاعىنداعى  ءتاتتى  ءتۇسىن بۇزباس  تا ەدى...

  اپتا  سوڭى،  كامشات  بۇگىن  دالا توسىندەگى  تابيعات  اياسىندا،  اق مامىق  قۇشاعىنداعى  قار شاڭعى  الاڭىندا ەدى، الدەبىر تىنىشتىققا  اسىققانداي كوڭىل كوتەرىپ  سەرگۋگە كەلگەن  ادامدار  مۇندا  دا  مولىنان كەزدەسەدى، تىنىشتىقتى تاۋدان  ىزدەيدى ەكەنبىز  -اۋ دەدى  ول  ىشتەي  كۇبىرلەپ،  مەيلى  جايناعان  جاز،  قىراۋلى قىس  بولسىن تىنىشتىق وسى  دارقان  تاۋدا  ەكەن عوي. ال،  كوڭىل تىنىشتىعىن  سيلاي  الاتىندار دا  سول  تاۋ پەيىلدى، تاۋ  مىنەزدى،  ءور تۇلعالى  جاندار  ەكەن -اۋ دەدى  ول  تاعى  ءوز ويىن ءوزى  ماقۇلداي. كامشاتتىڭ  ويىنا  ونىڭ  كەي  ساتتە  كوزىن جۇمىپ عانا  باسقالاردىڭ ءسوزىن  مۇقيات  تىڭداپ،  قۇپتايتىنى ورالا  بەردى.  سونىڭ ءوزى  كىسىنىڭ جان  پەرنەسىن سويلەتەر  ويشىلدىعى  ەمەس پە،  ءسوز بەرسەڭ، باسقا، كوزگە  توپەلەپ،  دالاعا  لاعىپ  كەتەتىندەر  بارشىلىق قوي،  سولار  مەنىڭ «ساعىنىشىمدى» ءبىر  كورسە  اتتەڭ، ءوز مىندەرىن تۇسىنەر مە  ەدى،  شىركىندەر دەدى تامسانا.

  «ءيا،  كۇللى  عالامنىڭ  ءمانىن  سيلاستىق دەپ باعالاپ كەتكەن ەكەن  بابالارىمىز،- دەپ تەرەڭ  پايىممەن  اڭگىمەسىن  باستاعان-دى  ول ءبىر  كۇنى،- مىناۋ  عالامدا،  كۇللى  اقىل –پاراساتتىڭ يەسى  ادامزاتتىڭ  ءبىر  ماقساتى ءوزارا  قاۋىمداسىپ،  قاۋقىلداسىپ،  ءبىر  -بىرىمەن  جاقسى  قارىم  -قاتىناستا  بولىپ،  ىزگىلىكپەن  ءىز  قالدىرۋ،  سوسىن دا  ەگەر قۋاتىڭ جەتسە،  ءاربىر پەندەگە جىلى  قاباق تانىتىپ،  جاقسىلىق  جاساي ءبىلۋ، كەي ادامداردىڭ تابىسقا  جەتۋىندە،  ارينە، ۇزدىك  جانداردىڭ  جەتەلەپ دەمەۋى، ىقپال ەتۋى  دە  ايرىقشا  قاجەتتى. سوسىن دا  تاعىلىمدى  وي ايتقان اقىلماندارىمىز ‹ادام ادامنان ءتالىم الادى› دەپ كەتكەنى بار» دەدى  كامشاتقا  قاراپ. كامشات ءۇنسىز  قالدى.

  بۇگىن  مىنە   وعان ايتار  ويلارىن تەك وسى  حاتى  ارقىلى  عانا  جەتكىزۋى  كەرەكتىگىن ۇعىندى  دا اعىل –تەگىل باستاي  بەردى...

   «ءيا، اعا-اۋ،   كىمگە  قاراپ  بوي  تۇزەرىمىزدى  بىلمەي  جۇرگەندە،  كىمدى  ۇلگى تۇتامىز دەپ اداسا  جازداعاندا،  الدىمىزدان ءسىزدىڭ شىققانىڭىز قانداي  جاقسى،  جاستىق شاقتىڭ  ەڭ ءبىر البىرت تۇستارىندا،  قىمباتقا باعالاعان  بىرەۋ تىم  دۇنيەقور ەكەنىن كەيىن ءبىلدىم. ەندى بىرەۋلەر اقشانىڭ قۇلىنا  اينالدى،  ءتىپتى،  ادامگەرشىلىكتى  ۇمىتقانى  ۇمىتسىزدەندىردى،  ال، اتاعى  جۇرتقا  جايىلعان ايگىلى بىرەۋلەردىڭ ‹ساحنادان› سىرتقى  تىرلىگى ، اسىرەسە،  ونەردىڭ باۋراۋ قۋاتىمەن، ايگىلىلىگىمەن  تامساندىرسا دا سوعان ساي  ازاماتتىعىنىڭ جوقتىعى  جۇتاڭ كۇي  كەشىرىپ،   كىسىلىك، ادامگەرشىلىك،  شىنشىلدىقتىڭ كەمشىلدىگىنەن  سەنىمىنەن  ايرىلىپ، بار  باقىتتان  جۇرداي  جۇرگەنى ۇمىتسىزدەندىرگەن-دى، سولاردىڭ  ءبارىن  كوڭىل  كوزىمەن   بايقاپ،  اڭتارىلىپ،  ءومىردىڭ العاشقى  ساپارىن  قالاي  باستاۋدى  تۇسىنبەي  تۇرعاندا،   ساعىنىشىم بولساڭىز دا  سەنىم سيلاعان سىزگە  كەزدەسۋ   ۇلى باقىت  ەدى... ءسىز  ماعان ءومىردىڭ  گۇل  شىرايلى تۇستارىن  كوبىرەك كورسەتتىڭىز، كوبىرەك قۋانتتىڭىز،  كوبىرەك سەنىم ارتتىڭىز، سونىڭ ءبارى  -ءبارى  ۇيرەنۋ،  ءبارى  دە  ۇلگى، ءار  قادامىڭىز، ءار لەبىزىڭىز، ءتىپتى،  ءار  جىميىسىڭىز، ءار  ۇنسىزدىگىڭىز دە تالاي  ويلارعا   باستايدى  ەكەن...  مىنەكي، تاعى ءبىر جاڭا  جىلدىڭ اق تاڭىنا قادام تاستاعان ساتتەرىمدە  اق قارداي  اپپاق كوڭىلىڭىزدى  ويلاپ،  الىستاعى  سىزگە  ساعىنىشتى  سالەم جولدادىم،  اق قاردا دا ءسىزدىڭ تاپ  -تازا  مەيىرىم ىزدەرىڭىز جاتقانداي... قۋانىشپەن، ءسال جىميىسپەن  قارلى  دالاعا كوز تاستايمىن،  ءسىز مەنىڭ كىشكەنتاي  جۇرەگىمە  ۇلكەن  ءۇمىت  سيلادىڭىز... مەنىڭ ارمانىم - ساعىنىشىم بولدىڭىز».

  كامشات  ويىن وسىلاي  اياقتاتتى، ءبىراق ونىڭ ەسىنە «ساعىنىشىنىڭ» اڭىزعا  بەرگىسىز  تاعى  ءبىر اڭگىمەسى  ەلەستەپ وتىر، « قايىرىمسىز  بولسا، ول   باسقالاردىڭ  ءوز ءىسى، ول ءوز  كۇلىن  ءوزى   شاشىپ،  اقىرى  جامان اتقا  قالاتىنى انىق،   قازاقتىڭ جۇرتىنا  كەلگەن  جولاۋشىنى دا  نەسىبەسىز قالدىرمايتىن دارقان پەيىلىن بىلەتىن شىعارسىڭ؟» دەگەن  جۋىرداعى ءبىر سىرلاسۋىندا.  كامشات  باسىن شايقاپ،  ايتا  تۇسسە  ەكەن دەگەندەي، اڭگىمەگە  ىنتىق تانىتتى. ءيا،  مەن اۋىل بالاسىمىن، بالا شاعىمىزدا، جايلاۋ، كۇزەۋدەن كوشەردە اجەمىز قامىر يلەپ جەر وشاقتاعى قولامتاعا تاستاپ كەتەتىنىن كەيىن ءبىر سۇراعانىمدا، «بالا كۇنىمىزدە ءبىزدىڭ  شەشەمىز دە وسىلاي ىستەيتىن. جالپى قازاقتىڭ ءداستۇرى عوي، قازاق تاۋ- تاۋدىڭ قۋىسىندا وتىرعان ەل ەمەس پە، ‹وسى جەردە ءبىر ءۇي بار ەدى› دەپ تالىققان ءبىر جولاۋشى وزەگىن جالعاۋعا بۇرىلسا، قۇلازىپ جۇرتىڭ جاتسا، ول بەيشارا قايتپەك؟ كۇلشەنى سوعان بولا تاستايدى. وندايدا ەستى كىسى ەڭ الدىمەن جەر وشاققا بارادى. كۇلگە كومگەن ەشتەڭە جوق بولسا ‹كورگەنسىزدىڭ اۋىلى ەكەن› دەپ كۇلىڭدى شاشىپ كەتۋى مۇمكىن. ‹كۇلىڭ شاشىلماسىن› دەگەن سول عوي دەيتىن. بۇرىنعىلار ۇيىنە كەلگەن قوناقتى قويىپ، جۇرتىنا كەلگەن جولاۋشىنىڭ نەسىبەسىن قالدىرىپ كەتىپ وتىرعان عوي» دەپ  جۇپ- جۇمساق ساۋساقتارىمەن  كامشاتتىڭ  ماڭدايىن سيپاپ قويدى... «كوشكەن جۇرتىڭدا كۇلىڭ شاشىلماسىن» دەيتىن ءسوزدىڭ ءتۇپ تاعانىنا  تەك بۇگىن عانا  كوز جەتكىزگەن  ول تاعى  ءبىر تاعىلىمدى ساباق العانداي سەزىمگە كەنەلگەن-دى....  قالاي  قۇشتار  بولماسسىڭ،  ۇلتىڭدى،  رۋحىڭدى  بيىك باعالاپ، شىڭعا  جەتەلەپ بارا جاتقان وسىنداي  اسىل جانعا.  اق مامىق قار  كامشات  «ساعىنىشىنىڭ» ۇلپاداي  الاقانى  سەكىلدى ءجۇزىن ءۇنسىز   سيپاپ، اق ۇشقىن دالانىڭ سانىنە دە، انىنە دە اينالىپ بارادى، ول ءوزىن شەكسىز ساعىنىشقا،  ماحابباتقا  بولەگەن   كىرشىكسىز  وسىناۋ دالاعا   سۇيىنە  قارادى...

  رەداكتورى:جازيرا قاجىكەن قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مسالى: «تارباعاتاي اقپارات تورابىنان» الىندى.
 


 
powered by IlgharCMS 3.2 www.ilghar.cn