ەەڭ جاڭا مازمۇندار
دۋتاي اۋىلى بىتىراندى جەرلەردى بىرىكتىرىپ، «ىرىستى القاپقا» اينالدىردى
ارناۋلى رەتتەۋ-وڭاۋدى تاباندىلىقپەن بۇلجىماي مىقتاپ يگەرىپ، شىنايى يگەرىپ، ويداعىداي يگەرىپ،
2019-جىلى 8-ايدىڭ 16-كۇنى 188-سان
«ىنتىماقتاسۋ، ءوزارا كومەكتەسۋ _ پارتياعا دەگەن ەڭ جاقسى العىس»
ۇدەرە العا تارتىپ، جاراسىمدى، ەكولوگياسى كوركەم، جانعا جايلى قالا قۇرايىق
الۋان تۇسكە بولەنگەن جازدىق دەمالىس تۇرمىسى
2019-جىلى 8-ايدىڭ 15-كۇنى 187-سان
2019-جىلى 8-ايدىڭ 12-كۇنى 186-سان
اۆتونوميالى رايون قۇربان ايت مەرەكەسى شاي ءماجىلىسىن وتكىزدى
2019-جىلى 8-ايدىڭ 10-كۇنى 185-سان
اۆتونوميالى رايون باسشىلارى قۇربان ايت مەرەكەسى قارساڭىندا ساقا باسشىلارعا، ساقا جولداستارعا امانداسا باردى
2019-جىلى 8-ايدىڭ 9-كۇنى 184-سان
2019-جىلى 8-ايدىڭ 8-كۇنى 183-سان
قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن رەتتەۋ-تۇزەتۋ قىزمەتىنىڭ ناقتىلى ونىمدىلىگىنە قول جەتكىزۋىنە شىنايى كەپىلدىك ەتتى
«ەكىدەن تارىقتىرماۋ، ءۇشتى قامتاماسىز ەتۋ» دەگى كورنەكتى ماسەلەلەردى بار كۇشپەن شەشىپ،قايتپاس قايسارلىقپەن شايقاسقا اتتانىپ، كەدەيلىكتەن ارىلتۋدان قامال الۋ مىندەتىن باتىل ورىنداۋ كەرەك
2019-جىلى 8-ايدىڭ 7-كۇنى 182-سان
شيحۋ قالاسى: حور جارىسىنا دايىندالىپ، مەملەكەت مەرەكەسىن قارسى الماقشى
تولى: شارلاپ تەكسەرۋ، رەتتەۋ-تۇزەتۋدە «ءبارىن اۋىزبەن تىندىرۋدان» قاتاڭ ساقتاندى
پاكتىك تاربيەسى قيمىلىن ورىستەتتى
2019-جىلى 8-ايدىڭ 6-كۇنى 181-سان
قىستاقتاعى ورىس ۇلتىنىڭ سالت-سانا كوشەسى
ارميا مەن حالىق ەتەنە قاتىناس ورناتتى
جالپى حالىقتىق دەنە شىنىقتىرۋعا ات سالىسايىق
پارتيا ورتالىق كوميتەتىنىڭ، اۆتونوميالى رايوندىق پارتكومنىڭ شەشىمدەرىن، ورنالاستىرۋلارىن باتىل دايەكتىلەندىرىپ،
2019-جىلى 8-ايدىڭ 5-كۇنى 180-سان
كوڭىلىندەگى قاھارماندار ءۇشىن قابىرلارىن 36 جىل كۇزەتتى
ءدوربىلجىن: گۇلدەنۋ جولىن اشىپ، باقىت داستانىن جازدى
قۋانىشتى حابار! تارباعاتايداعى 12 اقى الۋ پۋنكتىندە ۋيچاتتا ەكىلىكتى جايمالاپ، اقى تولەۋگە بولاتىن بولدى!
«پارتيانىڭ قامقورلىعىنا العىسىمىز شەكسىز»
كوپشىلىك اتتانىسقا كەلسە، ورتامىز كوركەيە تۇسەدى

ءومىر دەگەن ۇمىتپاۋ

جولدانعان ۋاقىتى : 2017/2/23 16:58:54

ءابىلقايىر اقباي

  ىستىق ۇعىم

بويىمدا باقسى ءومىردىڭ شالىعى بار،
جان دەرتىن جان ەمەسپىن شالا ۇعىنار.
جەر ءجۇزى سوعىسىنان كەم سوقپايدى،
جاسالعان سۇلۋلىققا شابۋىلدار.
 
سۇلۋلىق _ رۋح كوزى،ءتان تۇراعى،
سۇلۋلىق تۇرعان جەردە ءمان تۇرادى.
ول باردا قاراڭ ەمەس،ەڭ اۋەلى،
حان تاقسىر تاقتان ءتۇسىپ قالتىرايدى.
 
سويلەسەم قيىپ تۇسەر قىلىش ءتىل بوپ،
ساقالدان لاۋلاپ جانار قىل ۇستىندە وت.
سۇلۋلىق ءومىر ءسۇرىپ تۇرعان جەردە،
مەنىڭشە،ءومىر بويى تىنىشتىق جوق.
 
كورمەگەن قۇبىلىسقا قاناعات قىپ،
جىگىتتەر بالپاڭ باسقان «بالا» قارتتى ۇق.
بايبىشە-اۋ،بار ما ەسىڭدە،الگى ءسوزدى
قاي جەردە،العاش رەت قالاي ايتتىق؟!
 
كەز بولعان سال-سەرىگە كەنەت اناۋ،
ەي،ءومىر،ارۋمىسىڭ ءوڭى وت الاۋ.
اي استى ءۇپ ەتكەن جەل و نە دەسەم،
سۇلۋدىڭ بەتكە تيگەن دەمى ەكەن-اۋ.
 
باسسا دا كوككە شىرقاپ قىستىعۋىن،
ساڭعىرعان اڭسايدى ەكەن قۇس تۇعىرىن.
سۇلۋلىق سۇتپەن ءبىتىپ،سۇيەك جارعان،
مەن ءۇشىن بارىنەن دە ىستىق ۇعىم.
 
كۇزگى كۇبىر

اق جولىڭدى باسىپ شاڭ،
كەتتىڭ ۇزاپ كوزىڭدە وت.
ساعىنىشتان اشىقسام،
سولدەنەمىن سەزىم جەپ.
تولىپ ەدى پىكىرگە ءىش،
تولقىپ بارىپ اي باتتى.
ازايسا دا مىقىن كۇش،
قارتتىڭ ميى قايراتتى.
تاسقىن سوقسا ىرگەسىن،
كوك جارتاستان شىعادى ءۇن.
سەن جىراقتا جۇرگەسىن،
قالىڭدايدى شىدامىم.
دامەڭدى ءىشىپ ءدارى قىپ،
زارىعۋمەن كەش ءومىر.
سوندا ساعان كارىلىك،
كەلەرى حاق كەشەۋىل.
كوڭىل _ تىرنام سەن قايتپا،
اياقتاماي التىن كۇز.
جەمىس پىسقان سول باقتا،
جولىعارمىز بالكىم ءبىز.
سوكپە اقىندى ايتتى دەپ،
مۇمكىندىگى جوق ءىستى.
مەنىكى تەك اق تىلەك،
جىرعا تولسىن جەر ءۇستى!
 
بۇلداعى ءبىر كەز
       
جۇعىمسىز دا جۇعىمدى،
ەستىدىڭ عوي ازداپ سىن.
جەتپىستە اقىن جىرىڭدى،
ەندى قالاي جازباقسىڭ.
تاعدىرىڭمەن دويبى وينا،
تارتىس جولىڭ _ «ۇزىن ءۇي».
جەڭەر بالكىم وندايدا،
قيالىڭنىڭ قىزى ءبي.
تۇڭىلىگىن كوڭىلدىڭ
توبەسىنەن اشىپ قوي.
جابىعىنان ءومىردىڭ
تۇسەر مە ەكەن عاشىققا وي.
ەندى ارۋدى ءسۇيۋ مۇڭ،
تەك سىنىققا سىلتاۋ ەت.
كەر سامال بوپ سۇلۋدىڭ،
سامايىنان سيپاپ ءوت.
بۇلدىر-بۇلدىر دۇنيە،
بۇلداعى ءبىر كەز شىعار.
قىزعالداقتىڭ نىلىنە،
قيىر شەتتەن كوز سۋار.
اق ساقالىڭ جەلپىلدەپ،
جاستارمەن باس قوسىپ قال.
جىر تويىندا مولتىلدەپ،
كوتەرىلسىن توستتار!
بولسىن ويدا ءبىر كەزىڭ،
كەلەر كۇننەن تۇڭىلمە.
كەزدەسىپ ەڭ كىمگە ءوزىڭ،
كوگالانىڭ① تۇبىندە.
بيىل تاعى قۇس كەلدى،
ەگىزكولگە قونعالى.
باستان وتكەن ىستەردى،
ەسىڭە الساڭ بولعانى.
ءومىر دەگەن بيىك تاۋ،
ۇلان-قايىر بوكتەرلى.
ءومىر دەگەن ۇمىتپاۋ،
ولە-ولگەنشە وتكەندى.
سولارعا ايتار سىر قىمبات،
جاستارمەن باس قوسىپ قال.
جىر تويىندا سىڭعىرلاپ،
كوتەرىلسىن توستتار!
كوشىپ جاتىر كۇزەكتەن،
قىس وتارى _ قۇمعا اۋىل.
بوز قىراۋدىڭ سىزى وتكەن،
كەزى ەكەن عوي بۇل دا ءبىر.
 
بەس ساۋساق

مي شارىمدى تارپىسا ارتىق ءبىر وي،
  تۇپكە جەتپەس كەي ءسوزدى ايتىپپىن عوي.
الاقاننان تاراعان بەس ساۋساعىڭ،
بولا الادى ءوزارا قايتىپ بىردەي.
كەيدە الاساڭ بەرمەيدى بيىككە ەسە،
ءبىر شال بولماس جيىلىپ قىرىق كوسە.
شاپالاققا شارت ەتكەن قالاي توتەر،
جۇدىرىق بوپ بەس ساۋساق بىرىكپەسە.
 
شابىت جوقتا شاپپايدى جىر قاقپانى،
التاۋ الا بولسا ەگەر جىن قاپتايدى.
بەس ساۋساقتىڭ بىرىنە اقاۋ تۇسسە،
تورتەۋىڭ دە تۇگەل بوپ جىرعاتپايدى.
 
ءومىر جولى _ جىر جولى جارىسقان جول،
ەسىڭدە مە ايتقان سەرت،الىسقان قول.
ءدال سونداعى وسى جەر ءبىر-بىرىنە
ەكى الاقان ورتەنىپ جابىسقان جەر.
 
بىرەۋىڭ نۇر بولعاندا،بىرەۋىڭ گۇل،
كىمنەن بۇلتقىپ قالماعان قۋ ءومىر بۇل.
جالعىز شاردى امانداپ جاسا ادامدار،
ساۋساق بولەك بولعانمەن بىلەگىڭ ءبىر.
 
 شوقتىڭ ءيىسى

ويلاسام ءالى ءدىر ەتەم،
ويانا كەلسەم ءتۇن ءىشى.
مۇرنىمدى جارىپ تۇر ەكەن،
قىپ-قىزىل شوقتىڭ ءيىسى.
 
ءتۇتىنسىز تازا اق جالىن،
اربادى مەنى جىراقتان.
شولپاننىڭ قورشاپ جان-جاعىن،
كەلەدى كوكتەن قۇلاپ تاڭ.
 
قىپ-قىزىل ىستىق قانعا اۋناپ،
شوقتى يىسكەپ شومبال قالدى جەر.
شولپاندى ۇرلەپ ماڭدايلاپ،
قوڭىرلاي سوقتى تاڭعى جەل.
 
جىمدە شابىت لىقسىپ تۇر،
تابىلدى جىردىڭ ءجىپ ۇشى.
وسىلاي مەنى تۇمسىققا ۇر،
قىپ-قىزىل شوقتىڭ ءيىسى.
 
    تۇنگى تىركەستەر

تۇبىنە قۇلاعىڭنىڭ توسەپ جۇرەك،
تۇسىمدە جاتىر ەكەم ەسەڭگىرەپ.
ءبىر جۇلدىز قۇس جولىنان ءسوندى دە ەرتە،
لاپ بەردى تاس وشاقتان كەشەڭ ءبىر وت.
 
قۇيعاندا تۇنگى بۇلتتان قيال _ جاڭبىر،
قۇلپىرىپ سالا بەردى قۋارعان جىل.
سول مەزەت پىسقىرىنىپ جولعا شىقتى،
تاعاسىن تاس قاجاعان قۇلانجال جىر.
 
سەكىلدى قاراعانىن اساعان نار،
ايىرعا② اي ازىراق جاسادى ايال.
بەسىكتىڭ سىقىرىنا كەتتى ويانىپ،
اجەمنىڭ جولىن قۋعان جاس انالار.
 
ءتۇن بەينە تۇگى قالىڭ اسىل جىبەك،
تەرىپ ال تۇنگى اسپاننان شاشۋدى كوپ.
ءتۇبى جوق ءتۇن دەگەنىڭ قارا تەڭىز،
ءتىلى جوق ءتۇن دەگەنىڭ عاشىق جۇرەك.
 
العاندا كوز شىرىمىن قالقىعان شار،
بويالدى قىزىل قانعا قانجىعام ءسال.
بۇل ءتۇننىڭ حيكمەتى سول ەمەس پە،
ەكى الىپ بيگە شىقتى «الجىعان» شال.
 
ساراي ەمەس ىشىندە كۇركەشەنىڭ،
جاتادى سالىپ اقىن جىر توسەگىن.
شۇبىرعان قاراڭعىدا ءتۇن كەرۋەنى،
وسىلاي ماڭگى وزىڭمەن تىركەسەمىن.
 
  ① كوگالا -بارلىق تاۋىنىڭ ءبىر بيىگى
  ② ايىر -تاستىنىڭ تاعى ءبىر بيىگى
 
رەداكتورى: جازيرا قاجىكەن قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.


مسالى: «تارباعاتاي اقپارات تورابىنان» الىندى.
 


 
powered by IlgharCMS 3.2 www.ilghar.cn