ەەڭ جاڭا مازمۇندار
2018-جىلى 7-ايدىڭ 20-كۇنى
شارۋالاردى كەدەيلىكتەن قۇتىلدىرۋعا كۇش سالدى
ماماندارى قىستاق تۇرعىندارىنىڭ دەنساۋلىعىن تەكسەردى
ستۋدەنتتەر باتىل ءۇن قاتىپ، ايقىن پوزيتسيا ءبىلدىردى
اۋلا شارۋاشىلىعىن دامىتىپ اۋقاتتاندى
قيىنشىلىعى بارلارعا كومەك كورسەتتى
جازدىق استىق ساتىپ الۋ جۇمىسى باستالدى
باس نىسانانى ارقاۋ ەتىپ، «كەشەندى شارالاردى» تياناقتاندىرۋدىڭ اتويشىسى بولامىن
ورنىقتىلىقتى قورعاۋ شارالارىنىڭ تياناقتانىپ، تامىر تارتۋىن باتىل ىلگەرىلەتەمىن
جاۋاپكەرشىلىك ارقالاۋعا باتىل بولىپ، بولشەكتەۋشىلىككە قارسى كۇرەستە ونەگە بولامىن
سابان تويىن تويلادى
« اعا-باۋىرلىق قاتىناسىمىزدى ماڭگى ساقتايمىز»
ساڭىراۋقۇلاق ەگىپ، تىڭ كاسىپتىڭ كوزىن اشتى
قىزمەت اترەتى قىرقىمعا كومەكتەستى
«اتا مەكەنگە ماحاببات» كورەرمەندەرمەن قايتا جۇزدەستى (2)
ۇلى پارتيا
تۋىسىم
شياۋلي دوسىما
«اتا مەكەنگە ماحاببات» كورەرمەندەرمەن قايتا جۇزدەستى (1)
ۇلى ارمان ارقالاعان ىزگى نيەتتى جۇبايلار
ايماقتىق ساقا عىلىم-تەحنيكا قىزمەتكەرلەرى قوعامى قۇرىلدى
«تاعى ءبىر بالام كوبەيدى»
از ۇلتتار ءداستۇرلى دەنە تاربيە جينالىسى ءوتتى
سەلبەستىكتى كۇشەيتىپ، اۋىل شارۋاشىلىعىنىڭ دامۋىن جەبەدى
قىزمەت اترەتتەرىنىڭ ەرشىمدى ەڭبەگى
«ءۇش ءتۇرلى كۇشپەن»، «ەكىبەتكەيلەرمەن» باتىل تۇردە سوڭىنا دەيىن قاندى شايقاس جۇرگىزەمىن
باس نىسانانى جۇزەگە اسىرۋدىڭ اتقارۋشىسى جانە قورعاۋشىسى بولامىن
قوعام ورنىقتىلىعى مەن باياندى تىنىشتىقتى قورعاۋعا ۇلەس قوسامىن
ايماق 20-رەتكى پارتيا ستيلى، پاكتىك قۇرىلىسى تاربيە ايى قيمىلىن باستادى
اكىمشىلىك مەكەمەسى 2018-جىلعى 17-رەتكى پارتگرۋپپا (كەڭەيتىلگەن) ءماجىلىسىن جانە 2018-جىلعى 15-رەتكى ۋاليلەر قىزمەت ءماجىلىسىن اشىپ ءماجىلىس رۋحىن ۇيرەنىپ، ءتۇيىندى قىزمەتتەردى ورنالاستىردى

ايدىنداعى اسەم ءبي

جولدانعان ۋاقىتى : 2017/3/7 18:43:26

ايدىنداعى اسەم ءبي
  جۋىق جىلداردان بەرى ەكولوگيالىق ورتانى قورعاۋدىڭ جاقسارۋىنا ىلەسىپ، شينجياڭداعى بايىنبۇلاق اققۋ تابيعي قورىق رايونىنان باسقا دا جەر- جەردە اققۋ كەلىپ قىستاپ قايتاتىن، قىسقا ۋاقىت ايالداپ مەكەندەيتىن وڭىرلەر بىرتىندەپ كوبەيىپ كەلەدى.
  
  وسى قاتاردا ءار جىلى قاراشانىڭ باسىنان كەلەسى جىلى اقپاننىڭ سوڭىنا دەيىن قۇلجا اۋدانى جاڭاتام اۋىلىنىڭ  ىلە وزەنى بويىنداعى شاعىلىق دەگەن قىستاقتاعى قاراسۋ كولىنە كەلەتىن  اققۋدىڭ سانى بىرتىندەپ كوبەيىپ، 200 گە تايادى. قازىر بۇل جەردى قۇلجا اۋدانى         « اققۋدى قورعاۋ رايونى» ەتىپ بەلگىلەپ، قورعاۋ، ساياحاتشىلاردى باسقارۋعا ارناۋلى ادام جاۋاپتاندىرىپ، قىس مەزگىلىندە اققۋلارعا جەم ءشاشىپ بەرەدى ەكەن. ءسويتىپ بۇل جەر اققۋلى كول، گاككۋلى كول بولىپ ساياحاتشىلاردى باۋراپ وتىر. سونىمەن بىرگە، بۇل ارا فوتو اۋەسكەرلەرىنىڭ ءار دايىم ات باسىن بۇرىپ، اققۋدى تاقىرىپ ەتكەن جەلىلەس تۋىندىلاردى جاراتۋىنا   ءتيىمدى وراي بەردى. سايتتاردا جاريالانعان كوپتەگەن اۆتورلاردىڭ تۋىندىلارى كولدەگى اققۋدىڭ الۋان قيمىلدارىمەن تىرلىك تىنىسىنان ءوز الىنشە، ءار ءتۇرلى ورەدە ءتۇسىرىلىپ، وقىرمانداردىڭ كوز مەيىرىن قاندىرىپ كەلەدى. بۇگىن ءبىز جاريالاپ وتىرعان   « ايدىنداعى اسەم ءبي» دەگەن مىنا جەلىلەس تۋىندىدا اۆتور اققۋلاردىڭ بەيعام، تىنىش،  تىنىستى ورتادا ەكى- ەكىدەن جۇپتاسىپ، سىڭارىنا ىنكارلىق باعىش ەتە ءوبىسىپ، كول بەتىندە بالەت ءبيىن بيلەپ جۇرگەندەي  رومانتيكالى، وبرازدى قيمىلىن ءار قىرىنان بايقاپ، كەلىستى ارەكەتتەرىن قاس قاعىمدا ءداپ باسىپ كارتيناعا تۇسىرگەن. وسى ءبىر گرۋپپا تۇرعىسى مەن نۇردان پايدالانۋى  تاماشا، رەڭدىك بوياۋى كوز تارتقان  فوتو تۋىندىلار سەزىمىڭىزدى ەرىكسىز جەلپىندىرىپ، ويىڭىزدى شەكسىز قيال الەمىنە شارىقتاتادى.

  -رەداكتوردان

  ايدىن كولدىڭ ارۋى دەپ سۋرەتتەلەتىن اققۋ سۇلۋ سىمباتىمەن دە، سىرلى تابيعاتىمەن دە قۇس اتاۋلىنىڭ قاستەرلىسى. ول باسقا قۇس شىعا المايتىن بيىكتە سامعاپ، كوك   ءجۇزىن نايزاعايداي ءتىلىپ، زەڭگىر كوكتەگى قاقاعان سۋىققا ءتوزىپ، دۇلەي داۋىلمەن   الىسىپ العا تارتىپ، قۇرلىقتاردى اتتاپ    ءوتىپ، جاراتىلىسىنداعى وزگەشە تالعامىمەن ماۋسىمدار بويىنشا مەكەن الماستىرىپ، سەرى تىرلىك كورەدى ەكەن. وسى قايسار قاناتتى تىرلىك يەسىنىڭ نازىك سەزىم تابيعاتىنا كوڭىل اۋدارار بولساق، ونىڭ شىنايى ۇلىلىعىن   سەزىپ، وعان قۇرمەت ەتىپ، دارا قاسيەتىنە سۇيىنبەي تۇرا المايسىڭ. اققۋدىڭ ايرىقشا  ەرەكشەلىكتەرى  ءمالىم بولعاندىقتان، اتام زاماننان بەرى حالقىمىز ونى توتەم تۇتىپ، ەرەكشە قاستەرلەگەن. ويتكەنى اققۋ ءارقاشان ەكىدەن جۇپتاسىپ جۇرەدى. ەگەردە قاپەلىمدە جۇبىنان ايرىلىپ قالسا، سىڭار اققۋ زار يلەپ جوقتاۋ ايتقانداي جىل بويى سۇڭقىلداپ، سىڭارىن ىزدەپ، سودان باستاپ جالعىز   وتەدى ەكەن.

  مىنە، بۇل ۇزاق تاريحتان بىزگە جەتكەن اۋىز ادەبيەتىمىزدەگى عاشىقتىق داستانداردا، ولەڭ- جىرلاردا، اققۋ وبرازى كورنەكتى سومدالىپ، پاك ماحابباتتىڭ، ادالدىقتىڭ، سۇلۋلىقتىڭ سيمۆولىنا بالاپ، قاسيەتتى   بەينەدە بەرىلىپ كەلگەن ەل نازارىنداعى       «كيەسى».

  ولاي بولسا، ىلە وزەنى بويىن مەكەندەگەن اققۋلاردىڭ كول بەتىندە جىلجىعان كەرىم تۇلعاسى مەن ولاردىڭ مۇز ۇستىندە بالەت ءبيىن بيلەپ بارا جاتقان كونكي تاققان ارۋداي قۇبىلعان اسەم قيمىلىنان تۇسىرىلگەن مىنا ءبىر توپ فوتو سۋرەتكە نازار سالساڭىز،  ايدىندا قالىقتاعان ارۋدىڭ قاس  سۇلۋ سىمباتىن، تەكتى تابيعاتىن اڭعارۋ قيىن ەمەس.
 
ماقالاسىن جازىپ، سۋرەتتەرىن تۇسىرگەن باقىتبەك ءجۇمادىل ۇلى
 
رەداكتورى: جازيرا قاجىكەن قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.


مسالى: «تارباعاتاي اقپارات تورابىنان» الىندى.