ەەڭ جاڭا مازمۇندار
2020-جىلى 4-ايدىڭ 8-كۇنى 67-سان
قىس ىزعارى قايتىپ، شىعىستان كوكتەم سامالى ەستى
كەدەيلىكتەن ارىلتۋدان قامال الۋدى جاپپاي تەكسەرۋ قىزمەتىن جوعارى ساپامەن ويداعىداي ىستەپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتكىزۋگە ساندى مالىمەتتىك نەگىز ازىرلەۋ كەرەك
شاعانتوعاي اۋدانى كوكتەمگى تۇقىم ءسىڭىرۋ جۇمىسىن ءدال ۋاعىندا باستادى
ساۋان اۋدانى جۇگەرى تۇقىمىن ءسىڭىرۋ جۇمىسىن باستادى
ۋان جينگاڭ: بورىشى ءۇشىن ءومىرىن ارناعان ادال قورعاۋشى
گۇڭچۇي سىلي: باقىتتى مەكەندى تاپجىلماي كۇزەتكەن قارلى تاۋ قىرانى
لي حۇڭجۋان: قانعا بويالىپ جىعىلسا دا توناۋشىنى قويا بەرمەدى
«ءبىر ءۇيلى جاندار ءوزارا كوڭىل ءبولىپ تۇرۋى كەرەك»
قىزىعا كىتاپ وقىپ،اقاۋسىز ەرجەتەيىك
«جەتىلىم بوگەلىسى كۇنى» ۇگىتىن ورىستەتتى
قالا تۇرعىندارى قاجەتىنە قاراي تارتىپپەن جانارماي قۇيدىردى
2020-جىلى 4-ايدىڭ 5-كۇنى 66-سان
2020-جىلى 4-ايدىڭ 4-كۇنى 65-سان
بۇكىل ەلدىڭ جەر - جەرىندەگى ءار ۇلت حالقى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە قازا بولعان قۇرباندار مەن قايتىس بولعان باۋىرلاستارعا قايعىلى ازا ءبىلدىردى
قازا بولعانداردى ساعىنىشپەن ەسكە الىپ، قايسارلىقپەن العا ىلگەرىلەيىك
تۇتاس رايونىمىزداعى ءار ۇلت كادرلارى مەن بۇقاراسى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە قازا بولعان قۇرباندار مەن قايتىس بولعان باۋىرلاستارعا قايعىلى ازا ءبىلدىردى
ءسوزسىز جەڭىسكە جەتۋ سەنىمىن بەكەمدەپ، حاۋىپ - قاتەردى ورايعا اينالدىرۋعا شەبەر، قامال الىپ قيىندىقتاردى جەڭۋگە باتىل بولىپ، تۇتاس جىلداعى ەكونوميكالىق، قوعامدىق دامۋ نىسانالارىن، مىندەتتەرىن جاپپاي ورىنداۋعا شىنايى كەپىلدىك ەتۋ كەرەك
جىڭ جۇڭحۋا: حالىق ءۇشىن باسىن ءباي تىككەن قاتەردەن قۇتقارۋشى قاھارمان
لي جۋەرۇڭ: حاۋىپتى ساتتە گراناتتىڭ پىلتەسىن تارتقان سودىرعا تاپ بەردى
سۇڭ بينشي: قىزىل قانىمەن ەسكەرتكىش ورناتتى
ءورت ءوشىرۋ،ورتتەن ساقتانۋ اۆتوموبيلى جولىنا بەلگى سىزدى
دۋ جۋان 13 ساۋداگەردىڭ 260 مىڭ يۋان ماياقىسىن كەشىرىم ەتتى
«قاتىسسىز ىسكە» ارالاسۋعا جانى قۇمار ساقا پارتيا مۇشەسى گۋ شىچىڭ
تۋىستاسۋدان تۋىنداعان تەرەڭ سۇيىسپەنشىلىك
 ىندەتتەن ساقتانۋ-تىزگىندەۋ جانە ەكونوميكالىق،قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، بيىلعى ەكونوميكالىق،قوعامدىق دامۋ نىسانالارىن،مىندەتتەرىن قايراتتانا جۇزەگە اسىرۋ كەرەك
حاۋىپسىزدىكتىڭ تومەنگى شەگىن ويداعىداي ساقتاپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن قامتاماسىز ەتەيىك سوتسياليستىك مەكتەپ باسقارۋ بەتالىسىنا تاباندى بولىپ، وقۋ - اعارتۋدىڭ وسىزاماندانۋىن جەدەل ىلگەرىلەتەيىك
پارتيا ورتالىق كوميتەتىنىڭ شەشىمدەرىن،اۆتونوميالى رايوندىق پارتكومنىڭ ورنالاستىرۋلارىن بۇلجىتپاي دايەكتىلەندىرىپ، دەڭگەيدى جوعارىلاتىپ،جاۋاپكەرشىلىك ارقالاۋدى كۇشەيتىپ،ءتۇرلى قىزمەتتىڭ ناقتى،ەگجەي-تەگجەيلى تياناقتانۋىن ىلگەرىلەتۋ كەرەك
اكىمشىلىك مەكەمەسى 2020-جىلعى 9-رەتكى پارتيا باسشىلىق گرۋپپاسى ءماجىلىسىن اشتى
اكىمشىلىك مەكەمەسى «تومەنگە بەرۋ،باسقارۋ،قىزمەت وتەۋ» رەفورماسىن ۇزدىكسىز تەرەڭدەتۋدى ىلگەرىلەتۋ ارناۋلى تاقىرىپتىق ءماجىلىسىن اشتى

ونەردى قاستەرلەپ، ونەگەلى شاكىرت باۋلىعان

جولدانعان ۋاقىتى : 2017/3/7 19:44:40

_ اۆتونوميالى رايون دارەجەلى «ۇزدىك باعبان» اينۇر نيازبەك قىزى تۋرالى

كامالبەك بوقان ۇلى

   2015-جىلى 15-تامىزدا  تارباعاتاي   ايماقتىق راديو-تەلەۆيزيا مەكەمەسىنىڭ «ونەر مىنبەسىندە» باي مازمۇندى، بوگەنايى بولەك، ونەگەلى ۇستاز، مايتالمان مۋزيكا وقىتۋشىسى اينۇر نيازبەك قىزىنىڭ 100 دەن استام ۇزدىك شاكىرتتەرىمەن بەرگەن ساۋىق كەشىنىڭ اسقاق ارياسى وسىناۋ  ءۇش  قۇلىستاي  اسپانىندا  دامىلسىز ءۇش ساعاتتاي قانات قاقتى. ساحنا تورىندە «اق تىلەگىم _ سامعاي بەر، اق   كوگارشىنىم،ءان كەشىنە قوش كەلدىڭىزدەر» دەپ جازىلعان جازۋلار القىزىل نۇر شاشىپ، ساحناعا  ءسان  قوسىپ، ونەر  كەشىنىڭ سالتاناتىن ءتىپتى دە اسىرعانداي، كوڭىل قۇسىمىزدى كوككە ۇشىردى.

   وسى كونسەرت كەشى تارباعاتاي ايماقتىق تەلەۆيزياسىندا تاراتىلعاننان كەيىن اينۇردىڭ ۇرپاقتار رۋحىنا سىڭىرگەن ەڭبەگىنە، ونەر  كەشىنە ءسۇيىنىپ، العىسىن  جاۋدىرعان جۇرتتىڭ تەبىرەنىسىندە شەك بولمادى. ءان سۇيەر، ونەر سۇيەر قاۋىمنىڭ  جۇرەگىنەن ءتىپتى دە تەرەڭ ورىن الىپ، ونەرلى قىزىنا  دەگەن قۇرمەتى ەسەلەپ ارتتى.

   1969-جىلى قۇتتى مەكەن، باي بارلىق باۋرايىندا دۇنيەگە كەلگەن اينۇر نيازبەك قىزىنا بارلىقتاي كيەلى تاۋدىڭ شاراپاتى ءتيدى مە، كىم ءبىلسىن؟قارشادايىنان اسەمدىككە، سۇلۋلىققا جانى قۇشتار  بولدى. ەسەيگەن  سايىن ەس كىرىپ،اينالاسىنداعى جىلت ەتكەن جاڭالىقتى قالت جىبەرمەي قاداعالاپ، جاڭا زامان وركەنى وزىنەن  وسىلايشا  تۋعان   ولكەسىنە ۇلكەن ءۇمىت كۇتتىرەتىن.

   ءاسىلى اينۇردىڭ شەشەسى شيپاگەر،ونىڭ ۇستىنە،اسا ساۋىق قۇمار ادام ەكەن. بيىل 75 جاسقا كەلگەن نۇرعيزا اپايىمىز اينۇردىڭ تالانت قۇدىرەتىن ەرتە سەزىنىپ،باستاۋىش مەكتەپتى وقىپ جۇرگەن سوناۋ 1970-جىلداردىڭ    اياعىندا جالعىز ەڭبەكاقىسىمەن تىرناشتاپ جيعان 180 يۋانعا ءبىر رويال الىپ بەرىپ، مۋزيكا ۇيرەنۋىنە جەبەۋشى بولادى. وسىلايشا، ءبىر ۇيدەگى ءتورت بالا دا قارا تالاسىپ،مۋزيكا ۇيرەنە  باستايدى. شەشەسى بۇكىل  اۋدان كولەمىنە  تانىمال  حالىق  اندەرىن  ناشىنا كەلتىرىپ ايتاتىن سول  زاماننىڭ ءانشىسى بولعاندىقتان، بەسىگىندە-اق كىشكەنتاي بوبەگىن «ءالدي» انىمەن تەربەتىپ، قۇلاعىنا ءتاتتى ولەڭنىڭ ىرعاعىن قۇيىپ،4 جاسىنان باستاپ ءان ۇيرەتىپ، ءار نارسەگە اۋەستەندىرە باستايدى. «بالاپان ۇيادا نەنى كورسە،ۇشقاندا سونى ىلەدى» دەگەندەي،بۇل كۇندە مايتالمان مۋزيكا وقىتۋشىسى انشىلىك ونەرىن اناسى  سولايشا  اق  سۇتىمەن  دارىتقان  سەكىلدى.

   1988-جىلى  تارباعاتاي  ايماقتىق    پەداگوگيكا مەكتەبىنىڭ گارمون كلاسىن تامامداپ، شاعانتوعاي اۋداندىق 4-باستاۋىش مەكتەپكە وقىتۋشى بولىپ ورنالاسادى. كەيىن 2 جىل ءبىلىم تولىقتىرعان ول قاجىر-قايراتىن، تالانت قۇدىرەتىن ۇلتىمىزدىڭ ونەرگە قۇشتار ۇرپاقتارىن جەتىلدىرۋگە ارناپ،قوعام تابالدىرىعىن اتتاعاننان باستاپ جاس ۇلانداردى كۇرمەۋى تىم كۇردەلى، مۋزيكاداي ءتىلسىم ونەردىڭ ءجىپ ۇشىن ۇستاتىپ، ونى ساناسىنا ءسىڭىرۋدىڭ ماشاقاتتى جولىنا ءتۇستى.

ەلىمىزدە  ەرەكشە  ءدۇمپۋ  قوزعاعان      «كورىكتى مەكەن» كينو فيلمىندەگى مايرا  رولىن سومداعان رانا باقىت قىزى اينۇردان تاربيە كورگەن ءتول وقۋشىسى،بالا ءبيشى ەدى. ال،«ناراتقا ماحاببات» فيلمىندەگى باس رولدى ويناعان التىناي ءادىلقان قىزى قاتارلى ونەر يەلەرى اينۇردىڭ العاشقى شاكىرتتەرى  ەدى.

   اينۇر قىزمەت قاجەتى بويىنشا 1998-جىلى شاۋەشەك قالالىق 6-ورتا مەكتەپكە اۋىسىپ كەلگەن سوڭ،وقىتۋشىلىق كاسىبىنەن تىس، ورەندەردىڭ قىزىعۋى مەن بەيىمىنە قاراي تاڭداپ،ونەر ۇيرەنۋ مەن وقىتۋدى تەڭ  ۇستاپ، مۋزيكا كۋرجەگىن قۇرادى. ۇزدىكسىز قۇلشىنىسىنىڭ ارقاسىندا وسى مەكتەپتىڭ    ساباقتان سىرتقى ءان-ءبي،مۋزيكا كۋرجەگىندەگى ونەرپازدار 2000-جىلدان قازىرگە  دەيىن شينجياڭ تەلەۆيزياسى جاعىنان وزدىرىلعان ءار جىلعى «1-ماۋسىم» حالىقارالىق بالالار مەرەكەسى ساۋىق كەشىنە ۇسىنىسپەن شاقىرىلىپ، مەرەي، ديدار، ءدىلنار،   قاستەر، ءمارمار قاتارلى ورەندەر كىشكەنتاي «ونەرپاز بالا» اتىمەن كورەرمەندەرگە ارناۋلى تانىستىرىلسا،ال،مەكتەپ ويىن-ساۋىق    ۇيىرمەسىندەگى  باسقا بالالار  ايماقتىق    تەلەۆيزيانىڭ «بال داۋرەن» ايدارىندا ۇزبەي كورسەتىلىپ تۇردى.

   2004-جىلى شينجياڭ تەلەۆيزياسى 8-ارنا «ءار الۋان ونەر» ايدارىنا ءبىر مايدان كونسەرت بەردى. كەلەسى جىلى شينجياڭ   تەلەۆيزياسى 8-ارناسىندا شاۋەشەك قالاسىنىڭ 8-باستاۋىش مەكتەبى ءار الۋان، اسا قىزىقتى 20 ءنومىر كونسەرت دايىنداپ، «بالالارعا   بازارلىق» رەتىندە تاراتتى.

   1990-جىلدىڭ باسىندا عانا شاڭىراق  كوتەرگەن قازاق باستاۋىش مەكتەبىنىڭ ولكە ورتالىعى ءۇرىمجى قالاسىندا قويعان كونسەرت نومىرلەرىن كورگەن كورەرمەندەر «قادامى   ءساتتى، جەمىسى  مول» دەپ  قاراپ،    ورەندەردىڭ ونەرىنىڭ ۇستەم بولا بەرۋىنە اق تىلەك  ايتىپ، العىستارىن  جاۋدىردى. اينۇر: «تاربيەلەگەن شاكىرتتەرىم اعالاپ العا شىعىپ، ونەرىن ايگىلەپ، كومبەگە جۇلدەگەر بولىپ كەلگەنىن كورگەنىمدە 3 اي بويى ىستەگەن جاپالى جۇمىسىم، شارشاپ-شالدىعۋىم كوڭىلدەن كوتەرىلىپ ۇمىت بولىپ كەتەدى» دەيدى ەرەكشە تەبىرەنىپ.

   2004-جىلى قاڭتاردا 5 جاسىنان باستاپ اينۇردىڭ باۋلۋىندا مەرەي نيعىمەت قىزى، 3 جارىم جاسىنان تاربيەلەنگەن ءدىلنار ەركىن  قىزى،ديدار، پاراسات قاتارلى 6 ورەن ۇرىمجىدە وزدىرىلعان «ونەر شوق جۇلدىزدارىنىڭ» شينجياڭ بويىنشا شەشۋشى جارىسىنا قاتىناسىپ،باس بايگەنى ەنشىلەگەن سوڭ،استانامىز بەيجيڭگە جولداما الدى. قىتىمىر قىس، جول ۇزاق، ۋاقىت تىعىز، نارتاۋەكەلگە بەل بۋعان  اينۇر مۇعالىم 6 بالانى ەرتىپ،استاناعا جول تارتتى. جول   بويىندا پويەزعا ءتۇسىپ-شىعۋ،جۇك كوتەرۋ دەگەنىڭ وڭايعا سوقپاعان،بالالاردان قاپيادا كوز جازىپ  قالماۋ ءۇشىن، اينۇر نەشە كۇن كوز شىرىمىن الماي، 6 بالانى قۇشاعىنان  شىعارماي، بالاپانىن قورىعان قىزعىشتاي قورعاپ، جانى سولاردىڭ ۇستىندە بولدى. ءوزىنىڭ  قاداعالاپ تاپسىرۋى بويىنشا بالالار دا ءبىرىنىڭ قولىنان ءبىرى ۇستاپ، 6 بالا بىردەي جۇمىلىپ  جۇبىن جازباي، وتە سەرگەكتىكپەن اينۇرعا سايكەسىپ وتىرعان.  وسىلايشا، اينۇر استاناعا 6 بالانى ءدىن-امان الىپ جەتكەن كۇنى مۇنداي ەرەكشە جاعدايدى ۇققان  باسقا ولكەدەن كەلگەندەر قايران قالىپ،«سوناۋ ەلىمىزدىڭ باتىس شەكاراسىنداعى  شاۋەشەكتەن قىس    ىشىندە جالعىز ءوزىڭ قالاي الىپ كەلدىڭ، مىنا 6 بالانى؟بۇلاردىڭ ازىقتانۋى، اماندىعى سياقتىلارعا قايتىپ كەپىلدىك ەتكەنسىڭ؟» دەپ بارلىعى ونىڭ  مىقتىلىعىنا، قاجىرلىعىنا ءسۇيىندى. سول جولعى ورەندەردىڭ كوركەمونەر بايقاۋىنا ەلىمىزدىڭ ءارقايسى ولكە، قالا،اۆتونوميالى رايوندارىنان 3000 شاباندوز كەلگەن، ولاردىڭ ءارقايسىسىنىڭ ارتىندا بىردەن ۇستازى، اتا-اناسى، اۋەل دەسەڭىز، كەيبىرەۋلەرىنىڭ سوڭىندا نەمەرەسىنىڭ ونەرىن ناق مايداندا، استانا ساحناسىندا تاماشالاۋعا اتاسى مەن اجەسى دە ەرە كەلىپتى. بۇلاردى كورگەن اينۇر كىشكەنتاي ورەندەرىنە: «قورىقپاڭدار، قۇلىندارىم، تەك ءوز ونەرلەرىڭدى تولىق ساۋلەلەندىرىپ، وزدەرىڭ  مىندەتكە العان كونسەرت نومىرلەرىن ءساتتى ورىنداساڭدار بولدى، ونىڭ ۇستىنە، باسقا ولكەدەن كەلگەن شاباندوزداردىڭ ارتىقشىلىقتارىن ۇيرەنىپ، استانا ساحناسىن كورىپ قايتۋدىڭ ءوزى دە ءبىر عانيبەت، مول    تاجىريبە الىپ قايتامىز، ءبىز  وسى رەتكى وزدىرىلعان ‹مەملەكەتتىك ونەر شوق جۇلدىزدارى› باسەكەسىنە قازاق ۇلتىنان تۇڭعىش رەت قاتىناسىپ وتىرمىز. مۇنىڭ ءوزى ءبىز ءۇشىن ءبىر باقىت ءارى ۇلكەن  ماقتانىش» دەپ  شاكىرتتەرىنىڭ رۋحاني كوڭىل كۇيىنە ۇلكەن شابىت بەرىپ،جىگەر وتىن مازداتا  تۇسەدى. وسىلايشا، ەلىمىزدىڭ  باتىس  شەكاراسى شاۋەشەكتەن بارعان ونەرپازدار جاستارى تىم كىشكەنە بولسا دا، ءوز ونەرلەرىن ەركىن شارىقتاتىپ، استانا ساحناسىندا 9 جاستاعى  مەرەي نيعىمەت قىزى ايگىلى اقىن اسەت   نايمانباي ۇلىنىڭ «قىسمەت» ءانىن شىرقاسا، ديدار التىنبەك قورازبايەۆتىڭ «بوزتورعاي»،  پاراسات «تۋىستار-اي» دى اسقاق داۋىسپەن شىرقايدى. 7 جاستاعى ءدىلنار «ارانىڭ  ىزىڭىن» ەلەكتروندىق رويالدىڭ سۇيەمەلدەۋىمەن ۇشىرادى. ءسويتىپ، استاناداعى «مەملەكەتتىك ونەر شوق  جۇلدىزدارى»  باسەكەسىندە    «اينۇردىڭ تاربيەسى مەن باپتاۋىنداعى ون تاڭداۋلى ونەرپاز» سيلىعىن ەنشىلەپ، نەشە مىڭداعان  كورەرمەندەردىڭ  نايزاعايداي  شاتىرلاعان شاپالاق ءۇنى ىشىندە ەرەكشە  ماراپاتتاۋعا يە بولادى.

   اينۇردىڭ وقىتۋ قىزمەتىندەگى جاۋاپكەرلىگىنىڭ وتە كۇشتى، ءبىلىم دەڭگەيىنىڭ جان-جاقتى، ونەر ءورىسىنىڭ كەڭدىگىنە،قاجىماي-تالماي تاباندىلىقپەن مىندەتىنە العان جۇمىستى ورىنداماي  تىنبايتىن  قاجىرلىعىنا  اسەرلەنبەي تۇرا المايسىز. اينۇر اڭگىمەسىنىڭ ءبىر كەزەگىندە:

   -مەن 2015-جىلى «اق تىلەگىم _  سامعاي بەر اق كوگارشىن» اتتى كونسەرت كەشىمدى وتكىزگەندە ونەرلەرى ۇستەم 100 دەن استام شاكىرتتەرىمدى  تاڭداپ الىپ، وقىتۋشىلار مەرەكەسىنە شاشۋ رەتىندە تارتىمدى كونسەرت نومىرلەرىن  تارتۋ  ەتسەم، ەكىنشىدەن، ونەرلى وقۋشىلارىمنىڭ ونەرىن جالپى جۇرتقا  شۇيىنشىلەي  كورسەتۋمەن بىرگە، ولاردى وسىنداي ۇلكەن ساحنانى كورسەتىپ، بولات  توپشىلارىن شىڭداپ، ونەرلەرىن ءتىپتى دە ۇشتاي تۇسۋلەرىنە دەم بەرۋ ماقساتىندا وتكىزدىم،-دەدى اپپاق قارداي اقشا ءجۇزى بال-بۇل جانىپ. 

   ءيا، شالعايداعى التىن التاي،اسەم قۇلجا، مۇنايلى قارامايلى،تارلان تارباعاتايدىڭ   ءارقايسى اۋدان، قالالارىنداعى جۇرت ونەر دەسە ىشكەن اسىن جەرگە قوياتىن ۇمىتكەر ۇل-قىزدارىن شاۋەشەكتەگى اينۇر مۇعالىمعا تاپسىرىپ بەرگەن. ونىڭ ىزگى ىستەرى ونىڭ ۇستازدىق ساپارىندا ۇنەمى قايتالانىپ،ادەتىنە اينالىپ كەتكەن. ءتىپتى، وتباسىندا قيىنشىلىعى اۋىر، ءبىراق ۇيرەنۋ ىنتاسى كۇشتى وقۋشىلاردىڭ وقۋ قاراجاتىن الماي، اۋەلى ءوز  گارمونىن دا سول وقۋشىعا بەرىپ، تاربيەلەگەن وقۋشىلارىنىڭ الدى قىزمەتكە شىعىپ، بۇل كۇندەردە ولاردىڭ  ءوزى دە قۇددى ءوزى سەكىلدى ۇرپاقتاردى ونەرگە تاربيەلۋدە.

   2005-جىلدان 2008-جىلدار ارالىعىندا  «قۋىرشاعىم»،«سابيلەر تىلەگى»، «ءبۇلدىرشىن»، «ءان سيلايىق»، «بالاقان»، «ءان شاشۋ» قاتارلى قازاق بالالارىنىڭ «كارا ok» ءان  تاسپاسىن ورتالىق ۇلتتار باسپاسىنان تۇڭعىش رەت قازاق تىلىندە شىعارىپ، بۇل ءان تاسپا بۇكىل شينجياڭ بويىنشا تاراتىلىپ، قازاق ورەندەرىنىڭ  ءوز انا تىلىندە  ءان شىرقاۋى ءۇشىن  مۋزيكامەن سۇيەمەلدەۋ قولايلىلىعىن جاراتىپ، تاماشا  وقۋلىق رەتىندە ونەرگە تالپىنعان ورەندەردىڭ قاجەتىنەن شىقتى. اينۇردىڭ جولداسى بولات ۇسەن ۇلى دا ءان نوتاسىن جازىپ،ديريجەر جانە وپەراتور بولىپ،كومەگىن تيگىزىپ، وقۋشىلاردىڭ جاس شاماسىنا قاراي داۋىسىنا سايكەسەتىن بالالار ءانىن جازىپ  كەلەدى. 

   2009-جىلى 26-قىركۇيەكتە ءوزى تاربيەلەپ جەتىلدىرگەن الدىڭعى، ورتا،   كەيىنگى بۋىن شاكىرتتەرىنىڭ ەڭ  ۇزدىكتەرىن  ۇيىمداستىرىپ، تارباعاتاي مادەنيەت ورتالىق الاڭىندا ءوزىنىڭ 20 جىلدىق وقىتۋشىلىق قىزمەتىنىڭ جەمىسى رەتىندە «سامعاي بەر اق كوگارشىن» اتتى كونسەرت نومىرلەرىن تارتۋ ەتتى. ءار ۇلت كورەرمەندەرى ونەرپاز ورەندەردى تاربيەلەپ  جەتىلدىرگەن  دارىندى  وقىتۋشىعا جوعارى قۇرمەت ءبىلدىرىپ،   اينۇردى گۇل شوقتارىمەن بولەي بەردى ءارى ۇستازدىق ەڭبەگىنىڭ جاپالى دا اسا داڭقتى  ەكەندىگىن  تاماشا  تابيعاتىمەن  ايگىلەي   ءتۇستى.

    29 جىلدىق ۇستازدىق ساپارىندا مەكتەپتە كۇندەلىكتى مۋزيكا،ءان،ءبي، كۇي ساباعىن وقىتۋدان سىرت، 52 رەت كۋرسى اشىپ، مىڭنان ارتىق شاكىرت تاربيەلەگەن. اينۇر 2015-جىلدان باستاپ ونەرگە تاربيەلەيتىن وقۋشىلارىنىڭ شارت-جاعدايىن جاقسارتىپ، ولاردىڭ قوسىنىن ءتىپتى دە كولەمدەندىرە ءتۇسۋ ءۇشىن، 12 مىڭ  يۋانعا  ارناۋلى مەكتەپكە جاقىن اراداعى عيماراتتىڭ ءبىرىنشى   قاباتىنان ءۇي مايلاپ الىپ، ءتىپتى دە بىلەك سىبانا كىرىستى. ونىڭ وقىتۋ كلاسىندا وقۋشىلاردىڭ ۇيرەنۋى ءۇشىن ارناۋلى ءوز قاراجاتىمەن العان 10 رويال بار، مۇنان سىرت، گارمون، دومبىرا، سكريپكا قاتارلى مۋزيكالىق اسپاپتارمەن بۇل كلاستىڭ ءتورت تۇرمانى  تۇگەندەلگەن.

   اينۇر ءار ماۋسىم اياقتاعاندا ەش اقىسىز وقۋشىلارىنىڭ سۇيەمەل مۋزيكا تاسپاسىن، تاعى باسقا دا پايدالانۋ ماتەريالدارىن قولىنا ۇستاتىپ،ولاردىڭ  قىستىق، جازدىق دەمالىستارىندا ءان ۇيرەنۋلەرىنە ءتىپتى دە قولايلىلىق جاراتىپ  وتىرعان. قازىر اينۇر 40 وقۋشىعا نوتا بويىنشا گارمون ۇيرەتۋدە. 2006-جىلى سىمبات،ءمارمار قاتارلى ونەرپاز ورەندەردى باستاپ، تاعى ءبىر رەت  استاناداعى بالالار كوركەمونەر  باسەكەسىنە قاتىناسىپ، جاقسى ناتيجەمەن ورالدى. اينۇر باۋلىپ جەتىلدىرگەن ونەرپاز  ورەن مەرەي نيعىمەت قىزى 2007-جىلى قازاقستاندا  وتكىزىلگەن مۇحتار اۋەزوۆ اتىنداعى فەستيۆالدا ساراپتاۋدان مۇدىرمەي ءوتىپ،ەلىمىزگە، شينجياڭعا، ايماعىمىزعا داڭق الىپ بەرسە، ءدىلنار ەركىن قىزى 7 جاسىندا بەيجيڭدە، 12 جاسىندا جىڭجوۋدا ەكى رەت ەلەكتروندىق رويالدىڭ ۇزدىك ورىنداۋشىسى بولىپ،مەملەكەتتىك سيلىقتى ەنشىلەدى. ەلجان جەتپىس ۇلى ءۇرتىس 2 جىل ايماقتىڭ وسپىرىمدەر ءان بايقاۋىنىڭ باس جۇلدەسىن السا، وسىداى كەيىن حاربيندە وتكىزىلگەن 28 مەملەكەتتى قامتىعان گارمون جارىسىندا باس جۇلدەگەرلىكتى جەڭىپ الدى. ال، شينجياڭدا تۇڭعىش رەتكى جاسىنا، بويىنا قاراپ 3 بالادان قۇرام تاپقان 3 داۋىستى «دورايمي» ونەر توبى   قۇرىلىپ، ءدىلنار ماحمۇت قىزى، ىنجۋ  بولات قىزى، ايگەرىم مادەن قىزى 2012-،2013-،2015-جىلدارى بەيجيڭدە، شاڭحايدا، حاڭجوۋدا اسەم ءان ورىنداۋ    باسەكەسىنە ءتۇسىپ، التىن جانە  كۇمىس مەدالداردى ەنشىلەپ،تابىسپەن ورالىپ وتىردى. قازىر اينۇردىڭ 3 وقۋشىسى قازاقستاننىڭ كۇلاش بەيسەيتوۆا اتىنداعى ونەر مەكتەبىندە وقۋدا  بولسا، ءبىر ءبولىم  شاكىرتتەرى   اۆتونوميالى رايوندىق مۇقام انسامبلىندە؛ شينجياڭ پەداگوگيكا ۋنيۆەرسيتەتىندە مۋزيكا كاسىبىندە، ايماعىمىزدىڭ كەيبىر اۋداندارىندا قىزمەت   ىستەيدى.

   ءارقانداي ونەردىڭ تۇعىرى _ ەڭبەك،  ونىڭ وننان ءۇش بولەگى عانا تالانت دەسەك، تالاپ پەن تالانتتىڭ وتى ۇشقىنداپ، جالعاستى لاۋلاي بەرۋى تاعى دا ەڭبەككە بايلانىستى.  ونەگەلى ۇستاز اينۇر نيازبەك قىزىنىڭ ەتكەن ەڭبەگى، توككەن  تەرى، 29 جىلدىق   ۇستازدىق قادامىنىڭ ءاربىر تابىسپەن وتكەن ساعاتى مەنمۇندالاپ، ءوز بيىگىنەن كورسەتتى. وتكەن عاسىردىڭ، ياعني 1989-جىلدان 2008-جىلعا دەيىن ايماق بويىنشا پيونەرلەر وترياتىنىڭ «ۇزدىك جەتەكشىسى»،قالا    كولەمىندە «ۇزدىك قىزمەتكەر»، «قاۋاشاق» ونەر باسەكەسىنىڭ «ۇزدىك باعبانى»،اۆتونوميالى رايون دارەجەلى «ۇزدىك باعبان»، اۆتونوميالى رايون دارەجەلى مۋزيكا وقىتۋشىلارىنىڭ  اشىق  ساباق ءوتۋ  باسەكەسىندە    «ۇزدىك وقىتۋ شەبەرى» سيلىعىنىڭ يەگەرى بولىپ،ءار جىلى ماراپات ساحناسىنىڭ تورىنەن تۇسپەي كەلەدى.



 
رەداكتورى: ارداق  كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn