ەەڭ جاڭا مازمۇندار
ايماق ءتارتىپ تەكسەرۋ،باقىلاۋ-تەكسەرۋ قىزمەتى ءماجىلىسىن اشتى
قىزمەتتى تياناقتاندىرۋدى كۇشەيتىپ،ناقتى تياناقتانىپ،ناتيجە جاراتۋىنا كەپىلدىك ەتەيىك
شاعانتوعاي اۋدانىنىڭ اۋىل-قىستاق تاس جول قۇرىلىسى نىسانى جاپپاي جۇمىسىن باستادى
«قوپارعىش شەبەرى» يۇي حۋاحۋ
لي چيميڭ: قوعام حاۋىپسىزدىگى مالىمەت قىزمەتى ءۇشىن بۇكىل ءومىرىن ارنادى
كاسىپورىندار اتتانىسقا كەلىپ،ءوندىرىس جابدىقتارى ىسكە قوسىلىپ،ەكونوميكا جاندانا ءتۇستى
ساۋان اۋدانى: جوعارى ولشەمدى ەگىنجاي قۇرىلىسى نىسانى جاپپاي قايتا باستالدى
ىندەتتەن ساقتانۋدى بوساڭسىتپاي، قىزمەت وتەۋدى جاقسارتتى
مالشىلاردىڭ كوشى-قون جۇمىسىنا شىنايى كەپىلدىك ەتتى
شاعانتوعاي: سالىنىپ بىتپەگەن نىساندار
جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ءماجىلىس اشتى
شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، لاستانۋدان ساقتانۋ جانە ونى جونگە سالۋدان قامال الۋ شايقاسىن تاباندىلىقپەن باتىلدىقپەن ويداعىداي جۇرگىزەيىك
سەنىمدى بەكەمدەپ، قيىنشىلىققا قارسى اتتانىپ، وڭاي - وسپاق قولعا كەلمەگەن تاماشا جاعدايدى بەكەمدەپ، كەڭەيتىپ، تۇتاس جىلداعى دامۋ نىسانالارىن، مىندەتتەرىن قۇلشىنا جۇزەگە اسىرىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ ك
2020-جىلى 3-ايدىڭ 31-كۇنى 61-سان
كەستەشىلىكپەن كىرىستى ارتتىردى
توقاش-پراندىك جاساپ كەدەيلىكتەن ارىلدى
ءدوربىلجىن اۋدانىنداعى قارتتار ءۇيىنىڭ ىرگەسىنەن كىرىسىن ارتتىردى
تۇرعىنداردىڭ جۇمىستانىپ،كىرىستەرىن ارتتىرۋىنىڭ دانەكەرى
قوبىقسارى اۋدانىنىڭ تۇڭعىش توپتاعى كەدەيلەردى سۇيەمەلدەۋ نىساندارى جۇمىس باستادى
كوكتەمگى ەگىس جۇمىسىنا كۇش ۇستەپ،قيىن ماسەلەلەردى شەشتى
«كەدەيلەردى سۇيەمەلدەۋ جايما ورنى» كىرىستى ارتتىرۋعا دەم بەردى
وزدەرى كوشەت جەتىلدىردى
شي جينپيڭ 20 ەل توبى باسشىلارىنىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ جونىندەگى ەل باسىلارى ەرەكشە كەڭەسىنە قاتىناستى ءارى ماڭىزدى ءسوز سويلەدى
2020-جىلى 3-ايدىڭ 30-كۇنى 60-سان
ساياسي - زاڭ قىزمەتىنىڭ وسىزاماندانۋ ورەسىن ۇزدىكسىز جوعارىلاتىپ، اناعۇرلىم جوعارى ورەدەگى تىنىش شينجياڭ، زاڭمەن جونگە سالىناتىن شينجياڭ قۇرايىق
2020-جىلى 3-ايدىڭ 28-كۇنى 59-سان
2020-جىلى 3-ايدىڭ 27-كۇنى 58-سان
ماسەلەنى باعدار ەتۋگە تاباندى بولىپ،رەتتەۋ-تۇزەتۋدى باتىل تياناقتاندىرىپ،كەدەيلىكتەن ارىلتۋدان قامال الۋ مىندەتىن دەر كەزىندە جوعارى ساپامەن ورىنداۋعا شىنايى كەپىلدىك ەتۋ كەرەك
ىندەتتەن ساقتانۋ-تىزگىندەۋ قىزمەتتەرىن زاڭ-ءتۇزىم ارناسىندا ءبىر تۇتاس جوسپارلاپ ىلگەرىلەتىپ،جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرىپ،تياناقتاندىرىپ،ستراتەگيالىق ىرىقتى شايقاستىڭ جەڭىسىنە جەتەيىك
ايماقتىق اۋرۋدىڭ الدىن الۋ-تىزگىندەۋ ورتالىعى: ساقتانۋ-تىزگىندەۋ مەن داعدىلى قىزمەتتى بىردەي مىقتى يگەردى

مەن كىشكەنتاي ءبىر ساۋلەگە قامالدىم

جولدانعان ۋاقىتى : 2017/3/8 17:13:11

ەركەجان بەيسەنباي قىزى

  مەزگىلدەردىڭ اقىماعى
مالىنىپ گۇل قىزداردىڭ كولگە ەتەگى،
ولاردى دا ساعىنىش مەڭدەتەدى.
اقىل كىرىپ قالعانداي بۇل كوكتەمگە،
اقىرىن سامالىمەن تەربەتەدى...

جايلاۋداعى جاز مەزگىل از بەدەلدەي،
كولدىڭ بەتىن قاڭقىلمەن قاز كومەردەي.
اق پاراققا ەنتەلەپ اۋىل قونار،
مەنىڭ جارقىن جانىمدى جاز دەگەندەي. 

ەرنىمدە ەسىمى ءجۇر ءبىر اتالماي،
قۇمنان شىققان مەن جالعىز قۇبا تالداي.
جاپىراق قىپ جانىمدى توسەپ تۇرام،
كۇز اسپانىن جىلاعان جۇباتا الماي.

سونسوڭ مەنىڭ جانىما قىس كەلەدى،
قاناتى اپپاق ماڭايدى قۇس كومەدى...
شىرىن-شىرىن قيالمەن كوزىڭدى ىلسەڭ،
ىرىڭ-جىرىڭ وتكەنىڭ تۇسكە ەنەدى...

شەشەم باپپەن قىمىزىن ساپىرادى،
قىزى ويعا قالامىن باتىرادى.
ءتورت ماۋسىمى جايعاسىپ ءتورت جاعىندا،
توردە اكەم اڭگىمە ايتىپ وتىرادى... 
مەزگىلدەردىڭ مەن جالعىز اقىماعى... 

            ەگەردە
«قاپالاق قاپالاق قار جاۋعان دەيدى،
جامان قاتىن دا قىز تۋعان»،-
جۇرتتىڭ ءبارى ايتىپ ساندالعان دەيدى،-
«ۇل تۋعان جانعا كۇن تۋعان».

مەن سولاي قىز بوپ جاراتىلعانمىن،
انام دا مەنىڭ جاقسى ادام.
مىڭ جىگىتىڭنەن دارا تۋعانىن،
ماقتانا ايتىپ تاستاعان... 

ءاي،ءبىراق جىگىت بولا العان قايدا، 
ۇمىتكە كۇدىك جالعانىپ،
ۇشىرعام تالاي بالا ارماندى ايعا،
ون جاسىما دەيىن الدانىپ...

اسىق ويناۋشى ەم ۇل دوستارىممەن،
تەمىر شاڭعىم دا بار ەدى.
شەشەم ءبىر كۇنى گۇلدى استارىمەن،
كويلەك كيگىزدى ادەمى…

كويلەكتىڭ سول ءبىر كۇيىگى ىشتەن،
بىقسىپ ءبىر ءالى جانبايدى-اق.
مەزگىلسىز مەن دە ءۇزىلىپ تۇسكەم،
مايىسقاق گۇلدەن اۋماي قاپ.

كوزىنەن قىزدىڭ كۇن جاسار ەدىم،
الاتاۋعا ۇقساپ ايبىنى.
اساۋ جامباسقا ءبىر باسار ەدىم،
ەرجىگىت بولسام قايعىنى… 
        ۇسىنىس 
ءبىر كۇنى ۇشار كەۋدەمىزدەن جان عايىپ،
ساعىندىم دەپ ايتقىم كەلدى،بار ما ايىپ؟ 
جاپىراققا ەندى ايتا بەرگەندە،
ءوز دەرتىمەن كەتتى بايقۇس سارعايىپ.

ول،ول ەمەس،مەن بايقۇسپىن ءاسىلى،
ادامزاتتىڭ سەن دەپ ەدىم اسىلى.
جۇرەكتەردە تۇز قايناسا ءتىل قاتپاس، 
مىناۋ عاسىر «جالعىزدىقتىڭ» عاسىرى…

«جۇرتقا جايار وسەكشى عوي ولەڭىم»،
كوز جاسىممەن كىرپىگىمدى كومەمىن.
ءتاتتى-ءتاتتى ءسوزدىڭ ءبارىن تاۋىسىپ،
قاتتى-قاتتى قۇشاقتاسام دەپ ەدىم...
قيال سيعان سيامىن با قۇشاققا،
كەلشى بەرى ارمانىمنىڭ قۇسى اپپاق.
جولى بولعىر قايسى بىرەۋ ايتتى ەكەن،
قۇداي ءوزى جار بولار دەپ ءىسى اققا.

جۇلدىز تولى اسپانىم-اي اڭساعان،
تىنباي ساعان پەندەلىكپەن قول سوزام. 
بۇل تىرلىكتىڭ اتى جالعان ەندەشە،
وكپە ارتپايمىن الدادى دەپ مەن ساعان.

كىربەڭ عۇمىر كەشىرمەدى كىم ونداي،
سەن دە،مەن دە شارشادىق-اۋ كۇن الداي.
سابىرعا كەل،كەلىپ قايتشى مەندەگى
ساعىنىشتىڭ ەس-اقىلىن شىعارماي… 
        *   *   *
جالعىزدىق نە دەپ سۇراما كۇنىشىم،
ەشكىمگە ايتپاي كوز جاسىڭمەن ۋ ءىشۋ.
ايلار بويى جالعىز ءوزىڭ مەكەندەۋ،
ات شاپتىرىم بولمەلەردىڭ بۇرىشىن.

قۇلپىرادى قيالىڭنان ءسوز گۇلدەي،
قالتىراتۋ سۋىعىنا توزدىرمەي.
قىرىن قاراپ جاتا بەرۋ قىرشىلىپ،
قىرى كەتكەن بۇل ءومىردى كوزگە ىلمەي.

ادام جالعىز تۋىندىسى عالامنىڭ،
مەن كىشكەنتاي ءبىر ساۋلەگە قامالدىم. 
ءولىم جايلى ويلانۋى ەكەن ول
بۇل ومىرگە قاتىسى جوق ادامنىڭ.
           *   *   *
قىلىعىڭنان العان دەيسىڭ حان ۇلگى،
قايراتىمدى قايدان ءبىلدىڭ جانۋدى.
الاۋ وتپەن الاستادىڭ،نۇر قۇيدىڭ،
ماحابباتپەن تازارتتىڭ دا جانىمدى.

كىمدەر توزبەك دەيمىن مەندىك تاعدىرعا،
ايعايلادىڭ مەن بارمىن دەپ ءدال مۇندا.
جارتىسىن قاق بولىسۋگە كەپ تۇرسىڭ،
جازىعىمدى جاراتقاننىڭ الدىندا.

ال وندا ءبىز ساپار شەكتىك الىسقا،
كوزىڭدى جۇم،ساناڭدى اسقاق،ساق ۇستا.
ايرىلىپ بارا جاتساڭ قولىمنان،
ايبار شەگىپ قوي مەندەگى نامىسقا.

قايدا كەتتىڭ دەپ سۇراما اقىن قىز،
كوكىرەكتەن كول بوپ ەرىپ جاتىر مۇز.
ماحابباتتىڭ قادىرى جوق قالادان،
ماڭ دالاعا قاشىپ بارا جاتىرمىز.
    *   *   *
سۇيەمىن دەدىڭ،ويلاندىم،
ەركەسى مەن دەپ اسپاننىڭ.
شاتتىعىندا جايلاۋدىڭ
شاشىلىپ جاتتى شاشتارىم.
 
ادەمى كوزىڭ قاراعان،
ادەبىممەنەن ۇيالدىم.
جادىراپ كۇلدى بار ادام،
مەيىرى ءتۇسىپ قۇدايدىڭ.

حابارسىز كەتتىڭ ءبىر كۇنى،
قابىرعام شىپ-شىپ قايعى جاس.
ىزدەدىم سەنى كۇن-ءتۇنى،
بۇلتتارعا ەرىپ قاڭعىباس.

ەرتىسىم تىنىپ تۋلايدى،
جىلاتپادىم دەپ ءاي كىمدى.
ءولىم دە ۇمىتتىرمايدى،
ومىردە كەشكەن قايعىمدى.

ءبىر جىلاپ بىردە كۇلەم مەن،
كۇن كۇلە بەرسە،جەرىپ اي.
ارتيست قىلىپ جىبەرگەن،
ادىرا قالعىر ءومىر-اي... 

 
رەداكتورى: ارداق  كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn