ەەڭ جاڭا مازمۇندار
پارتيانى جاپپاي قاتاڭ جونگە سالۋدىڭ ۇزدىكسىز تەرەڭدەي دامۋىن ىلگەرىلەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋگە پارمەندى قامتاماسىزدىق ازىرلەۋ كەرەك
جاڭا دامۋ ۇستانىمىن ىشكەرىلەي دايەكتىلەندىرىپ، ەكونوميكانىڭ جوعارى ساپالى دامۋىن ىلگەرىلەتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن مىعىم نەگىز قالايىق
ايماعىمىز اۋىل-قىستاق بەيقۇت ءۇي ينجەنەرياسىن بار كۇشپەن ىلگەرىلەتتى
الىم ەكىنشى اتا مەكەنىنە قايتا ورالدى
سۋ قاينارى جەرىندەگى قوقىر-قوقسىقتاردى تازالاپ،قىستاق تۇرعىندارىنىڭ اۋىز سۋ ماسەلەسىن شەشتى
مىڭ ادام بىرلىكتە ۇلتتىق بيگە باستى
جول حاۋىپسىزدىگىن تەكسەردى
كوڭىلىڭە شاتتىق سيلاپ اينالاڭ،اسەم قۇستار باقشا ىشىندە سايراعان
”التىنى ورنىقتىرۋ“، ”التىنى قامتاماسىز ەتۋ“ مىندەتتەرىن بار كۇشپەن تياناقتاندىرىپ ىندەتتەن ساقتانۋ - تىزگىندەۋدى ۇدايىلاندىرۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ويداعىداي يگەرۋ كەرەك
ءتۇرلى شارالاردى قاتار اتقارىپ،جوعارى مەكتەپ تاۋىسقان وقۋشىلاردىڭ جۇمىستانۋىن بار كۇشپەن قامتاماسىز ەتتى
لين يۇيگاڭ جىگەرىن جاني ءتۇسىپ،اۋقاتتانۋ جولىندا قاتاردان قالمادى
شىنايى سۇيىسپەنشىلىكتەرىمەن جۇرت جۇرەگىن جەلپىندىردى
ءۇش فازالى ەلەكتر جەتكىزىپ،تۇرعىنداردى رازى ەتتى
مىڭ گۇيليڭ مەن ءۇش تۋىسىنىڭ ەتەنە قاتىناسى
ەنەرگيا ۇنەمدەپ،ىعىستىرۋ مولشەرىن ازايتۋ ۇگىتىن جۇرگىزدى
جاسىل ساپار،تومەن كومىرتەكتى تۇرمىس
بيڭتۋان مەن جەرلىك ورىن اۋقاتتانۋ تاجىريبەلەرىن ءوزارا ۇيرەندى
ريزۋان مامەتتىڭ «ءتاتتى كاسىبى»
2020-جىلى 7-ايدىڭ 13-كۇنى 145-سان
2020-جىلى 7-ايدىڭ 11-كۇنى 144-سان
پارتيا مەن حالىق ەڭ قاجەت ەتكەن جەردە جاستىق جالىنىن لاۋلاتتى
شاعانتوعاي اۋدانى ءتۇرلى شارالاردى قاتار قولدانىپ،جازعى استىق ساتىپ الۋ-ساقتاۋدى قامتاماسىز ەتتى
تالپىن ءۇي اشەكەيلەۋ جۇمىسىمەن شۇعىلدانىپ،اۋقاتتانۋ جولىنا ءتۇستى
ماقتا شىرپيتىن كەز كەلدى
نەگىزگى تاقىرىپتىق پارتيا كۇنى قيمىلى پارتيالىلىقتى سىننان وتكىزدى
قايتالاي جۇمىستانىپ،باقىتتى تۇرمىسقا تالپىندى
اسفالت جول سالىنىپ،جۇرت قۋانىشقا بولەندى
ورتالىق تەلەۆيزياسىنىڭ ساحناسىندا ونەر كورسەتىپ،ارماندارى جۇزەگە استى
2020-جىلى 7-ايدىڭ 10-كۇنى 143-سان
نەگىزگى زاڭدى ۇيرەنۋ ۇگىت-تاربيەسىن كۇشەيتىپ، ايماقتى زاڭمەن جونگە سالۋدى ىلگەرىلەتۋ كەرەك لاستانۋدان ساقتانۋ جانە ونى جونگە سالۋدان قامال الۋ شايقاسىنىڭ جەڭىسىنە باتىل قول جەتكىزىپ،ەكولوگيالىق ورتانى قورعاۋ كەرەك

اناعا ساعىنىش

جولدانعان ۋاقىتى : 2017/3/8 17:41:22

بەكمۇقان اكەشە ۇلى
 
   قايدان ۇمىتايىن اياۋلى انا مەيىرىن! «ەسەيىپ كەتسەمدە مەن ساعان ءسابيمىن» دەمەكشى،ءوزىم اكە بولىپ، ودان بۇگىن اتا بولىپ ۇلگىرسەم دە انامنىڭ ىستىق قۇشاعى، ومىراۋىنان شىققان تەر ءيىسى مۇرنىما كەلىپ،كوز الدىمدا كۇنى كەشەگىدەي ەلەستەگەندە كەڭسىرىگىم اشىپ، ساعىنىشتان كوزىمنەن اققان جاسقا ەرىك بەرەمىن. انانىڭ اق سۇتىنە ماڭگى قارىزدارمىن. مەن انامنان العان ەرلىك پەن  ادالدىقتى جانىما سەرىك ەتىپ،ءومىر ءۇشىن جانتالاسىپ كەلەمىن. بالا كەزدەگى  ەرتەرەك ازامات بولىپ، اتا-انامدى باقسام،سولارعا تۇرمىستىڭ راقاتىن كورسەتسەم دەگەن ارمانىما ەندى جەتتىم بە دەگەندە،ءومىر ءبىزدى زار جىلاتىپ،اتا-انامدى بۇل دۇنيەدەن الىپ كەتپەسى بار ما؟! اھ ۇراسىڭ، ارماندايسىڭ، ساعىناسىڭ... ءبارى بەكەر،ساعان قالاتىنى اتا-انانىڭ ارۋاعىنا كىر كەلتىرمەي،ارىن ساقتاپ، الا ءجىپ اتتاماي،اماناتىن ورىنداۋ،انا جولىن قۋىپ،ءوز ۇرپاعىڭدى جاقسى تاربيەلەۋ،   انامنىڭ ورنىن باسقان اسىل جارىڭا ادال   بولىپ،ولارعا اتا-انامىزدىڭ جاقسى ءداستۇرى بارلىعىن،تەكتىدەن تەكتى تۋاتىن،تەك تەكتى قۋاتىن قاسيەتتى ۇعىندىرۋ بولماق.

   انانىڭ ىستىق مەيىرى جانىمنان وشپەك  ەمەس. ۋاقىت وتكەن سايىن قادىرى ارتىپ، ۇلىلىعى  بيىكتەي بەرەدى. ءالى ەسىمدە ورتا مەكتەپ بىتىرگەن جىلى،سول كەزدەگى ۇيىمنىڭ تالابى بويىنشا جات بىرەۋدىڭ قولىندا تاۋ جايلاپ، الىس اعايازدىڭ وتارىندا ءۇش اي قوي باقتىم. ول كەزدە قازىرگىدەي حابارلاسۋ مۇلدە جوق. اندا-ساندا ويعا قاتىسقان ادامداردان ءۇيدىڭ بەرگەن سالەمدەمەسىن العاننان باسقا حابار-وشارسىز ءۇش ايدى وتكىزۋ مەن ءۇشىن ءۇش جىلداي سەزىلدى. انامنىڭ ىستىق قۇشاعىندا وسكەن مەن ازىپ-توزىپ،كوكتەمگى مال كوشىمەن بىرگە ويعا شىققانىمدا  اكەم الدىمنان كۇتىپ الدى. جىلاپ كورىسىپ، ايداپ كەلە جاتقان ءىرى قارا مەن ۇساق مالدى اكەمە تاستاپ، تۋرا ۇيگە تارتتىم. استىمداعى ارىق اتىمدى سابالاپ ءجۇرىپ ءۇيدىڭ توبەسى كورىنگەندە، انام كۇن سالىپ ەسىك الدىندا مەنى كۇتىپ تۇر ەكەن. كوز جاسىما ەرىك بەرىپ جىلاپ كەلەمىن. اتتان ءتۇسىپ انامدى قۇشاقتادىم، انام دا كوز جاسى مولتىلدەپ مەنى باۋىرىنا الدى. دامدەپ شايىن قۇيىپ، تاماعىن بەرگەن سوڭ كيىمىمدى شەشىپ، باسى-  كوزىمدى جۋىپ،ەسەيگەنىمە قاراماي شومىلدىرىپ، اق شاعي مامىق توسەككە جاتقىزدى. سول كەشكى ءتاتتى ۇيقىعا شومعان مەن   ەرتەسى تال تۇستە ۇيقىمنان وياندىم. كوزىمدى اشسام انام جانىمدا مەيىرمەن ماعان قاراپ   وتىر. قانداي راقات دەسەڭىزشى! ءدال قازىرگە دەيىن سول كۇنگى ءدامدى تاماق،جايلى  توسەك، بالداي ءتاتتى ۇيقىنى مۇلدە تابا الماي كەلەمىن. تۇرمىسىم قانشالىق جاقسى بولسا دا ءدال سول كۇنگى باقىت ماڭگى ماعان قايتىپ كەلمەي، جانىمدا ساعىنىش بولىپ قالا بەرمەك!

   قازىر ءجيى ءتۇس كورەمىن. بالكىم،اناما، بال بالالىعىما  دەگەن ساعىنىش بولار. تۇسىمدە سول باياعى بالالىعىم قالعان قىرداعى اعاش ۇيدە جۇرەمىن. اتا-انام بار ەكەن دەيمىن. انام باسىنا اق جاۋلىعىن سالىپ،قارا كازەكەيىن كيىپ،جانىمدا اق شايىن قۇيىپ بەرىپ وتىرادى. انامنىڭ باۋىرىنا تىعىلىپ،قۇشىرلانا يىسكەگىم كەلىپ ويانامىن. ويانام دا كوزىمە   ساعىنىش جاسى كەلەدى. قايران بالالىعىم-اي دەيمىن!

   ءالى ەسىمدە،قىسقى كانيكۋلدا وگىزبەن تاۋدان وتىن اكەلەتىنمىن. شامامنىڭ كەلگەنى سول تاڭداپ ەمەس،تابىلعان وتىندى سۋ،قۇرعاق دەپ تاڭداماي سۇيرەتىپ الىپ كەلدىم. انام باياعىسىنداي الدىمنان شىقتى. وزىمشە جۇمىس بىتىرگەن ادامداي بولىپ،ۇيگە كىرىپ كەتكەنمىن. انام ارتىمنان ۇيگە كىرمەگەن سوڭ قايتادان سىرتقا شىعىپ قاراسام،عاجاپ،اكەلگەن اعاشىمدى اياعىمەن تەۋىپ،ەرنىن شىعارادى. جاقتىرماي تۇرعانى بەسەنەدەن بەلگىلى. انامنىڭ قىلىعىنا قاراپ ەرىكسىز كۇلىپ جىبەردىم. سول ارالىقتا انام مەنىڭ بايقاپ تۇرعانىمدى كورىپ،قاتتى ىڭعايسىز كۇي كەشىپ،كۇلىپ كەلىپ مەنى قۇشاقتادى دا: 

   -ءاي، پەندەشىلىك-اي دەشى، كەشىر بالام جاڭاعى ابەستىگىمدى. سەنىڭ ىسكە جاراعانىڭا قۋانعاننىڭ ورنىنا رازى بولماي تۇرعانىمدى بايقاپ قالدىڭ-اۋ،-دەدى. كەيىن دە انام وسى قىلىعىن باسقالارعا جاسىرماي   ايتىپ،ءوزىن كىنالاپ وتىراتىن. ەندى ويلاسام سەن مەنەن ەرتەرەك ۇلكەن ءۇمىت كۇتكەن ەكەنسىڭ-اۋ،اناشىم! قايران كۇندەر تالاي قاتەمدى كەشىرىپ، بالالىقپەن سەندەرگە ارقالانىپ اشۋىمدى شىعارعان تەنتەكتىك كەزدەرىم كوپ بولدى-اۋ. قانشا قاجىپ، شارشاپ جۇرسەڭ دە،قۋ تىرلىكتىڭ كۇيبەڭىمەن قۋاتىڭ كەمىپ جۇرسە دە كىنامدى كەشىرىپ،سىرىمدى سىرتقا شاشپاعان تەك ءوزىڭ عانا ەدىڭ عوي،اياۋلى انا.

   انا قادىرى _ تىرلىك تاعدىرى. انا قادىرىن بىلمەگەن جان اكەنىڭ،تۋىس-تۋعاننىڭ، باۋىردىڭ،ءتىپتى،اينالاسىنداعى ەلدىڭ قادىرىن قايدان ۇقسىن. ونداي كەسىرلى جاننان قانداي ءبىر ءۇمىت،جاقسىلىق تىلەۋگە بولسىن. ول ەلگە جاقسىلىق ەمەس،اپات اكەلمەسىنە كىم كەپىل.

   ول كەزدەگى انالاردىڭ تۇرمىسى جاپالى بولسا دا جۇزدەرىنەن جان قينالىستارىن بىلدىرمەيتىن قايسار ەدى. تاڭ ازاننان تۇرىپ، مالىن قايىرىپ،سيىرىن ساۋىپ، ءسۇتىن پىسىرىپ، قاپ كوتەرىپ،تەزەك تەرىپ،ارقالاپ وتىن تاسىپ ءجۇرىپ وتباسىنىڭ تۇسكى،كەشكى اسىن ازىرلەپ،كەلگەن قوناعىن قاباق شىتپاي كۇتىپ قايتاراتىن. ارالىقتا ءوزى جاساعان ساقارلى قارا سابىنمەن كىرىن جۋىپ،  بالا-شاعاسىنىڭ كيىمدەرىن جاماپ،كورپە-جاستىق تىگىپ،ماي شايقاپ،قۇرت جايىپ، ءبىر بالاسىن الدىنا،ءبىر بالاسىن ارتىنا الىپ،تاۋ اسىپ،تاس باسىپ،كوشىپ-قونىپ ءومىر وتكىزسە دە وتاعاسى الدىنداعى،بالا الدىنداعى بورىشى مەن ادالدىعىنا اقاۋ تۇسىرمەگەن. 

   انالار تۋرالى دانالار ايتىپتى: «ويلاپ قاراساڭ،بيىكتەي بەرەدى. ۇڭىلە قاراساڭ تەرەڭدەي بەرەدى» دەپ. انانىڭ تىرشىلىكتەگى مەيىرى،ىزگىلىك پەن سابىرى،ءتوزىمى، جان كەشتىلىگى،ۇمىتكە تولى دارقان پەيىلى...   وسىنىڭ ءبارى ءبىر بويىنان تابىلاتىن ادال،ارلى انانىڭ ۇلىلىعىن شىرقاۋ بيىككە كوتەرمەي، قالاي باعالارسىڭ. ال،تەرەڭدىگى   تەڭىزدەي،شىپ-شىرعاسىن شىعارمايتىن سىر كوكىرەك اقىلدىلىعى،نامىسىن جات قولىنا بەرمەيتىن جاۋاپكەرلىگىنىڭ تۇبىنە جەتە الماس ەشكىم.

   اياۋلى انا،مەن سەنى اپا دەۋشى ەدىم. اپا،مەنىڭ بۇگىنگى جەتكەن بيىگىم،بۇگىنگى   ومىرگە ىڭكارلىعىم، اينالامداعى جاندارعا  دەگەن اقجارما جاقىندىعىم،نازىك سەزىمىم  وزىڭنەن قالعان سارقىت شىعار. 

   بار عۇمىرىن ۇرپاق ءۇشىن تارىك ەتىپ، ولمەيتىن سۇيىسپەنشىلىگىن،وشپەيتىن ماحاببات الاۋىن ۇرپاق جۇرەگىنە تاماشا تابيعاتىمەن دانا تاعىلىم ەتىپ قالدىرۋ تەك انانىڭ قولىنان  كەلمەك. انالار امان بولسىن!





رەداكتورى: ارداق  كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

مسالى: «تارباعاتاي اقپارات تورابىنان» الىندى.







رەداكتورى: ارداق  كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn