ەەڭ جاڭا مازمۇندار
يۋانشياۋ مەرەكەسىن بىرگە قۇتتىقتادى
ايماق كەدەيلەردى سۇيەمەلدەۋ، وركەندەتۋ باسشىلىق گرۋپپاسى ءماجىلىسىن اشتى
ايماقتىق پارتكوم مۇشەلەر (كەڭەيتىلگەن) ءماجىلىسىن اشتى
قىراعىلىقتى ارتتىرىپ، دۇرىس پەن بۇرىستى ايىرىپ، ءار ۇلت حالقىنىڭ كورىكتى مەكەنىن بىرلىكتە قورعايىق
الەۋمەتتىك اۋماق كادرلارى مەن اۋىلعا قايتقان ستۋدەنتتەر بىرلىكتە تاڭيۋان جاسادى
تۋىسىنا تاڭيۋان ۇسىندى
تۋىسىمەن بىرگە اشەكەيلى شامدى تاماشالادى
تاڭداۋلى زات دايارلاپ، يۋانشياۋ مەرەكەسىن قارسى الدى
تاڭيۋان ساتىپ الىپ،مەرەكەگە دايىندالدى
تولى اۋدانىنىڭ كەدەيلەردى سۇيەمەلدەۋگە ارنالعان فوتوۆولتتىق نىسانى بۇقارانىڭ تۇرمىسىنا شۇلەن نۇرىن توگەدى
شىراق جۇمباعىن شەشىپ، يۋانشياۋ مەرەكەسىن شاتتىقپەن قارسى الدى
تۋىسىممەن بىرگە تاڭيۋان جەدىك
شيحۋ قالاسى: ءتۇرلى فورمامەن يۋانشياۋ مەرەكەسىن قارسى الدى
ساياحاتشىلاردى وزىنە باۋرادى
قىسقى مەيىر جەتكىزۋ قيمىلى حالىقتى سۇيىسپەنشىلىككە بولەدى
شيحۋ قالاسى تاعى 50 جاڭا ەنەرگيالى اۆتوبۋز ەنگىزدى
2019-جىلى 2-ايدىڭ 19-كۇنى 43-سان
جىلجىمالى ساباقحانا قارسى الۋعا بولەندى
مايداندى بەكەمدەپ، ورنىقتىلىقتى قورعاپ، ۇلتتار ىنتىماعىن امالياتتا ايگىلەۋشى بولۋعا كۇش سالامىن
زاڭ ۇگىتىن اۋىل-قىستاققا جەتكىزدى
جول قاتىناس ۇگىتىن جۇرگىزىپ، حاۋىپسىزدىككە كەپىلدىك ەتتى
شەكارا قورعانىس جاۋىنگەرى وتان ءۇشىن كۇزەتتە
«مۇز قورعان» قارسى الۋعا بولەندى
اراق ىشكەن جىگىت حالىق ساقشىسىن ياناتتاپ 15 كۇن قامالدى
ايماعىمىزداعى 60 مىڭعا جۋىق پارتيالى كادر ءبىلىم تولىقتادى
كوكتەم مەرەكەسىندە نەگىزگى ساتىنى ارالاپ، وتباسىلارىنا شاتتىق جەتكىزدى
تۋىسىنا امانداسا باردى
پارتيا ورتالىق كوميتەتىنىڭ ءتۇرلى رەفورما ورنالاستىرۋلارىنىڭ ناقتى تياناقتانۋىن تاباندىلىقپەن ىلگەرىلەتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا قوزعاۋشى كۇش جانە ومىرشەڭدىك كۇش قوسايىق
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ،ساياسي قۇرىلىستى بۇلجىماي باسشىلىققا الىپ، پارتيا قۇرىلىسىن جان-جاقتى ىلگەرىلەتۋ كەرەك
«بۇل ساباقتى بارلىعىمىز ۇناتتىق»

جاس سۋرەتشىنىڭ جارقىن ىزدەرى

جولدانعان ۋاقىتى : 2017/3/13 18:27:26

جاس سۋرەتشىنىڭ جارقىن ىزدەرى
ساعىنبەك رابات ۇلى
      « سۋرەت ــ ءتىلسىز ادەبيەت، ادەبيەت ــ بوياۋسىز سۋرەت» دەيدى ۇلىلار. تابيعاتتاعى جاندى، جانسىز زاتتاردىڭ، قۇبىلىستاردىڭ، قوعامدىق ءومىردىڭ قۇپياسىن جانە كوركەمدىگىن جۇرەگىمەن سەزىنىپ، ونى قىل قالامىمەن ءتىلسىم بەينەلەپ، ادامدارعا كوركەمدىك، شاتتىق، شىنايى ءلاززات باعىشتاۋ   ەكىنىڭ ءبىرىنىڭ قولىنان كەلە بەرمەيتىنى شىندىق. انە سول كوپتەگەن ادام سەزىپ بىلە بەرمەيتىن سىرلارعا جانىمەن ءۇڭىلىپ، الۋان ءتۇرلى بوياۋمەن ورنەكتەپ جۇرگەن ازاماتتارىمىزدىڭ ءبىرى بۋرىلتوعاي اۋدانى باتىس قالا رايونى جاتاقتى مەكتەبىنىڭ اسەمونەر مۇعالىمى،كوممۋنيستىك پارتيا مۇشەسى، ورتا مەكتەپتىڭ اعا وقىتۋشىسى، شينجياڭ سۋرەتشىلەر قوعامىنىڭ مۇشەسى جەكەن ءمۇپتي ۇلى.

   1972-جىلى تامىزدا ءومىر ەسىگىن اشقان  جەكەن باستاۋىش، ورتالاۋ مەكتەپتە وقىپ جۇرگەن شاعىنان باستاپ، زاتتاردى بەينەلەپ سىزۋ، كوركەم جازۋ سياقتى ونەرگە ەرەكشە قىزىقتى. ول كەزدە  اۋىل-قىستاق مەكتەپتەرىندە اسەمونەر ساباعى اتىمەن جوق بولسا دا، بالاۋسا بالا ءوز اۋەستىگىمەن سۋرەت سالىپ، قاجىرلىلىقپەن جاتتىقتى. 

   ورتالاۋ مەكتەپتى ۇزدىك ناتيجەمەن بىتىرگەن جەكەن 1987-جىلى التاي ايماقتىق  پەداگوگيكا مەكتەبىنە قابىلداندى. ول ءاسىلى اسەمونەر كاسىبىن وقىماق بولعان ەدى، سول جىلى اسەمونەر كلاسى اشىلمادى. سونىمەن جالپىلىق ءپان كلاسىنا تۇسكەن ول ىزدەنىسىن جالعاستىرىپ، مەكتەپتىڭ اسەمونەر وقىتۋشىلارى تابىس، زايرا مۇعالىمدەردەن سىرتتاي ساباق الىپ، كلاستىڭ قابىرعا گازەتىن شىعارۋ   سياقتى جۇمىستارىنا ات سالىسىپ، ونەرىن ۇشتاي ءتۇستى. 3 جىلدىق وقۋىن ءبىتىرىپ، قوعام تابالدىرىعىن اتتاعان جەكەن ۇستازدىق ساپارىنىڭ     العاشقى قادامىن كوكاعاش اۋىلىنىڭ كوپبەرگەن قىستاعى باستاۋىش مەكتەبىنەن باستادى. وقۋ-وقىتۋ شارت-جاعدايى تومەن، وقىتۋشى تاپشى جاعدايدا، اپتاسىنا 20 دا 24 ساعات ساباق وتە ءجۇرىپ، سۇيگەن كاسىبى سۋرەت سالۋدى، حاتكەرلىكتى ۇزدىكسىز جالعاستىردى.

   1993-جىلى ەمتيحان بەرىپ، ىلە وقۋ-اعارتۋ ينستيتۋتىنىڭ اسەمونەر كلاسىنان ءبىلىم تولىقتاۋ   ورايىنا يە بولۋدى زور عانيبەت ساناپ، كۇندى تۇنگە جالعاپ تالماي تالاپتانعان جەكەن سول كەزدەگى ۇستازدارى ەربول بيداقىمەت ۇلى مەن عاليا اقىمەر قىزىنىڭ سىزعان تۋىندىلارىنان مول ءنار   الىپ،سۋرەتشىلىك ونەرىنىڭ نەگىزىن بەرىك قالاۋعا بارىنشا قۇلشىندى. وسى 2 جىلدىڭ العاشىندا باسقا ساباقتاستارىنان ۇيرەنسە، وقۋ بىتىرەردە ساباقتاستارىنىڭ ۇيرەنۋ ۇلگىسىنە اينالىپ،«كەشكى شاپاق»، «كوش» قاتارلى 5 پارشا تۋىندىسىن ءساتتى سىزىپ، وقۋ ءبىتىرۋ كورمەسىندە ۇستازدارى مەن كورەرمەندەردىڭ جاقسى باعاسىنا يە بولدى. 1995-جىلى شىلدەدە كۋرستى ۇزدىك ناتيجەمەن ءبىتىرىپ، كوكاعاش ورتالاۋ مەكتەبىنىڭ بىردەن-ءبىر تىرەكتى اسەمونەر وقىتۋشىسى بولدى. 

   جەكەننىڭ ەڭبەگى جونىندە توقتالعان    بۋرىلتوعاي اۋدانى باتىس قالا رايونى جاتاقتى مەكتەبىنىڭ اسەمونەر وقىتۋشىسى تاسقىن ارالبەك ۇلى: « بيىككە شىققانىڭدى ەل كورەدى، ءبىراق بيىككە قالاي شىققانىڭدى ءوزىڭ عانا بىلەسىڭ دەگەندەي سۋرەت سالۋ ونەرى   قاراماققا وڭاي كورىنگەنىمەن،  ونىڭ شاش-  ەتەكتەن جاپا-ماشاقاتىن سول كاسىپپەن اينالىسقان ادام عانا جاقسى بىلەدى. وعان قاجىماس قايرات، مىزعىماس تاباندىلىق كەرەك بولۋدان سىرت، قاجەتتى ماتەريال ساتىپ الۋعا كەتەتىن قىرۋار قارجىنىڭ ءوزى ءبىر ماسەلە. ماردىمسىز ەڭبەكاقىسى وسى قاجەتتى قاناعاتتاندىرا المايتىنىن سەزگەن جەكەن مۇعالىم 1999-جىلدان باستاپ  اۋىل ورتالىعىنان اسحانا اشىپ، قىزمەتتەن سىرتقى ۋاقىتتارىندا ساۋدامەن شۇعىلدانىپ، ودان تۇسكەن اقشامەن سۋرەت سالۋعا قاجەتتى فوتو اپپارات جانە سۋرەت ماتەريالدارىن ساتىپ الىپ، ونەرىن ۇزدىكسىز دامىتتى.  جەكەن مۇعالىمنىڭ ەڭبەكشىل،  قاجىرلى رۋحىن وزىمە ۇلگى ەتەمىن» دەدى.

   ءبىلىم بىلگەن سايىن قىزىق، بىلگىسى كەلەتىن ادامعا ءورىس كوپ قوي. ول 2006-جىلى ناۋرىزدان 2008-جىلى ناۋرىزعا دەيىن 2 جىل شينجياڭ پەداگوگيكا ۋنيۆەرسيتەتىنىڭ اسەمونەر كاسىبىنەن جالعاستى ءبىلىم اسىرۋ  بارىسىندا ەلىمىزگە تانىمالى سۋرەتشى ۇستازدارى ۋاڭ جيان-ۋ، ۋاڭ يىنشىڭداردان ساباق الىپ، ءوزىنىڭ سۋرەتشىلىك ونەرىن ءتىپتى دە ۇشتاي ءتۇستى. 2008-جىلى كۋرستى تامامداپ اۋىلىنا ورالعان جەكەن وقىتۋشىلىق قىزمەتىن تىنباي جالعاستىردى ءارى ءبىر جاعىنان سۋرەت سالۋمەن شۇعىلدانىپ، 2010-، 2011-، 2013-جىلدارى شينجياڭ  سۋرەتشىلەر قوعامى ۇيىمداستىرعان كورمەگە قاتىناسىپ،        5 تۋىندىسى ماماندار مەن كورەرمەندەردىڭ جاقسى باعاسىن الدى. 

   بۋرىلتوعاي اۋدانى باتىس قالا رايونى   جاتاقتى مەكتەبىنىڭ ورىنباسار باستىعى قادىلبەك نۇراقىمەت ۇلى: «اۋىلداعى ورتالاۋ مەكتەپتەر قالاعا شوعىرلانعان 2009-جىلى جەكەن  مۇعالىم جاڭادان شاڭىراق كوتەرگەن وسى مەكتەپكە تاڭدالىپ، اسەمونەر   وقىتۋشىسى بولدى. بۇل مەكتەپتىڭ بۇگىنگىدەي كوركەيىپ-گۇلدەنۋىنە ايانباي كىرىسكەن جەكەن مۇعالىم مەكتەپ قاقپاسىنىڭ ۆيۋەسكاسىنان تارتىپ، ءار كلاستىڭ ماڭدايشالىعىن، جيىن زالىن جانە وقىتۋ عيماراتىنىڭ ءىشىن بەزەندىردى. جەكەن مۇعالىم ءبىر جاعىنان، ساباق ءوتىپ، ءبىر جاعىنان، مەكتەپتەگى سۋرەت سالۋعا قىزىعاتىن جاس جەتكىنشەكتەردىڭ   دارىنىن كورە ءبىلدى ءارى تىنباي باۋلىدى. ‹شاكىرتسىز ۇستاز ــ تۇل› دەگەندەي، جەكەن  مۇعالىم تاربيەلەگەن وقۋشىلاردان ءبىرتالايى ۇستازدارىنىڭ ءىزىن باسىپ، قوعامدا ءوز رولدارىن ساۋلەلەندىرۋدە. بۇلاردان ايبەك  بىعاي ۇلى،    ۇمىتبەك سادىق ۇلى، ءمانيرا جىلقايدار قىزى،     ءماۋىلتاي سامەت قىزى قاتارلى شاكىرتتەرىن اتاپ وتۋگە   بولادى» دەدى.

   كاسىپكە شوگەل ءارى قاجىرلى جەكەن   قازىرگە دەيىن مەملەكەت دارەجەلى 8، اۆتونوميالى رايون دارەجەلى 11، ايماق دارەجەلى 3، اۋدان دارەجەلى 22، اۋىل دارەجەلى 18 سيلىقتىڭ يەسى بولىپتى. ۇلتىمىزداعى كەنجە ونەردىڭ قامىن جەگەن جەكەننىڭ بەرگەنىنەن بەرەرى كوپ دەپ بىلەمىز. 








رەداكتورى: ارداق  كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

مسالى: «تارباعاتاي اقپارات تورابىنان» الىندى.