ءاز ناۋرىز جىل باسى،ءبيداي كوجە ءنىلدى اسى

اجەلەر شاشۋ شاشۋدا.

سار ءسۇرى قازاندا.

اۋىل قارتتارى تىلەۋ كوجە ىشۋدە.

ءبيداي تۇيۋدە.

اجەلەر قۇرت ەزۋدى ۇيرەتۋدە.

جەتى دامنەن قۇرالعانءبيداي كوجەنى قايناتۋدا.

بۇلاق كوزىن اشۋدا.

 

   ۇلتىمىز ەجەلدەن جىل باسىن كوكتەمنىڭ ءبىرىنشى ايىنان باستاپ ەسەپتەپ،سول ايدىڭ 1-كۇنىن ۇلىستىڭ ۇلى كۇنى دەپ قاراپ،ناۋرىز كوجە جاساپ،اۋىل-اۋىلدى ارالاپ قۇتتىقتايتىن سالت قالىپتاستىرعان ءارى ناۋرىز ايىنىڭ 1-كۇنىن كۇن مەن ءتۇننىڭ تەڭەلگەن كۇنى 22-ناۋرىز كۇنىنەن (3-ايدىڭ 22-كۇنى) باستاعان. بۇل كەز كوكتەم  ماۋسىمىنىڭ ءدال باسىنا تۋرالانىپ،تىرشىلىك اتاۋلى شىت جاڭا تىرلىككە  كىرىسكەن،جىل قۇستارى قايتا ورالعان،ءار ادامعا جاس قوسىلعان مەزگىل. قورىتىپ ايتقاندا،جىل باسى دەگەن ءسوز.

   22 -ناۋرىز كۇن مەن ءتۇننىڭ تەڭەلگەن، الاۋلى كۇننىڭ التىن  شۋاعىن اڭساپ، اق قىراۋ قىستىڭ اق سۇڭگى كورپەسىنە ورانىپ  جاتقان ساعىم دالا  سامارقاننىڭ كوك تاسى جىبىگەن ۇلىستىڭ ۇلى كۇنى ساي سۇيەگى بالقىپ،مارعاۋ ۇيقىدا جاتقان ون سەگىز مىڭ عالامنىڭ تىرشىلىك دۇنيەسى، كوكتەمنىڭ كەرىم ساۋمالدى ۋىز يىسىنە ءيسىنىپ،جەلپىنىپ تۇلەجي،بۋى بۇرقىراپ،جەر بەتىنىڭ بۋسانعان  كۇنى. بوتا بوزداپ،قوي قوزداپ،جان-جانۋار،وسىمدىكتەردىڭ ءوسىپ-ونەتىن،جەر   انادان قۋات الىپ،ەرەكشە كۇيگە ەنەتىن كۇن. دانا قارتتارىمىز بۇدان بىلايعى اتار تاڭ،كورەر جىلدارىمىز بۇگىنگىدەي قۋانىش مەرەكەمەن باستالار بولسىن دەپ تىلەك ايتىپ،ەلدى بەرەكەگە شاقىرىپ،جەتى دامنەن قۇرالعان ناۋرىز كوجەسىن بولىسە   ءىشىپ،ايدان امان،جىلدان ەسەن ءوتىپ،كۇلىمدەگەن كوكتەمگە جەتكەندەرىنە ءماز-مايرام بولىپ،تۇس-تۇستان ءبىر اراعا باس قوسىپ،جاراسىمدى ورتانى تىلگە تيەك ەتىپ،سىر شەرتىسەتىن ساليقالى ساتتە ءبىز جەتى دامنەن قۇرالعان ءبيداي كوجەمىزدىڭ جاسالۋ بارىسى جونىندە ۇسىنىس ەتىلگەن ءتىلشىمىز تاۋلە قۇماش ۇلىنىڭ شاعانتوعاي اۋدانى التىن ەمىل اۋىلىنداعى «التىن ساۋساق» شەبەرحاناسىنىڭ ارنايى ۇيىمداستىرعان قيمىلىن فوتو كوزىنەن كورۋلەرىڭىزگە ۇسىنىپ وتىرمىز. 

                                           -رەداكسيادان 


رەداكتورى: ارداق  كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

مسالى: «تارباعاتاي اقپارات تورابىنان» الىندى.