ەەڭ جاڭا مازمۇندار
2020-جىلى 7-ايدىڭ 3-كۇنى 137-سان
جاڭا داۋىردەگى پارتيانىڭ ۇيىمدىق لۋشيانىن ويداعىداي دايەكتىلەندىرىپ، تياناقتاندىرىپ، پارتيانى ۇزدىكسىز اناعۇرلىم بەرىك، پارمەندى ەتىپ قۇرىپ شىعايىق
”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى قورىتىندىلاۋ جينالىسىندا سويلەنگەن ءسوز
حالىقتى ماڭگى ەڭ جوعارى ورىنعا قويايىق
گۇلدەنۋ مۇراتىن شىڭداپ، قالتقىسىز ادالدىقتى ماڭگى ساقتايىق
2019-جىلعى جۇڭگو كوممۋنيستىك پارتياسىنىڭ پارتيا ىشىندەگى ساناق مازمۇنداماسى
جاڭا داۋىردەگى پارتيانىڭ ۇيىمدىق لۋشيانىن ويداعىداي دايەكتىلەندىرىپ،تياناقتاندىرىپ، پارتيانى شىن مانىندە اناعۇرلىم بەرىك،پارمەندى ەتىپ قۇرىپ شىعۋ كەرەك
ايماقتىق پارتكوم كەڭسەسى پارتيا باس ياچەيكاسى،اكىمشىلىك مەكەمەسى كەڭسەسى پارتيا باس ياچەيكاسى «1-شىلدە» بايلانىسىمەن مەملەكەت تۋىن شىعارۋ سالتىن وتكىزدى
پارتياعا العىس ايتىپ،پارتيانىڭ سوزىنە قۇلاق اسىپ،پارتياعا ىلەسەمىز
پارتياعا العىس ايتىپ،پارتيانىڭ سوزىنە قۇلاق اسىپ،پارتياعا ىلەسەمىز
جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى
اۋلا شارۋاشىلىعىن دامىتۋ،كەشكى بازار ەكونوميكاسىنىڭ ومىرشەڭدىك كۇشىن قاۋلاتۋ،نان كاسىبىنىڭ اناعۇرلىم جاقسى،اناعۇرلىم تەز دامۋىن كۇش سالا ىلگەرىلەتۋ كەرەك
2020-جىلى 7-ايدىڭ 2-كۇنى 136-سان
كاسىپ قۇرىلىمىن رەتتەپ،كىرىستىڭ ارتۋىن جەبەدى
تارباعاتاي كاسىپتىك تەحنيكا شۋەيۋانى ۆيۋەسكا ءىلدى
شينجياڭ جۇڭتاي توبى ۋاكىلدەر ۇيىرمەسى ايماعىمىزدا تەكسەرۋ جۇرگىزدى
ايماق ورگاندار پارتيا قۇرىلىسى قىزمەتى ءماجىلىسىن اشتى
ءدوربىلجىن اۋدانىنداعى قىستاق تۇرعىندارى شارۋاشىلىق قۇرۋ،جۇمىستانۋ جاعىندا كوپ تيىمدىلىككە كەنەلدى
جۇمىستانۋعا تاربيەلەۋ تەحنيكالىق شەبەرلىكتى جوعارىلاتتى
جەردى قورعاۋ ورتاق جاۋاپكەرشىلىگىمىز
شاعانتوعاي 3900 اۋىل-قىستاق تازالىق دارەتحاناسىن سالىپ،قونىس ورتاسىن جاقسارتپاقشى
اۋەلگى ماقساتتان اينىماي،بورىش ارقالاپ،ماڭگى كۇرەس جۇرگىزەمىز
2020-جىلى 7-ايدىڭ 1-كۇنى 135-سان
پارتيانىڭ مەيىرىن جىرلاپ،اۋەلگى ماقساتتان اينىمادى
شي جينپيڭ تاسقىننان ساقتانۋ،اپاتتان قۇتقارۋ قىزمەتى جونىندە ماڭىزدى نۇسقاۋ بەردى
قول ۇستاسا وتىرىپ ۇكىمەت،بانكە،كاسىپورىن سەلبەستىگىنىڭ ۇلگىسىن قالىپتاستىرىپ،سەلبەستىك ورناتىپ،ءوزارا پايدا جەتكىزىپ،تەڭ يگىلىككە كەنەلۋدىڭ جاڭا پاراعىن بىرگە جازۋعا كىرىستى
پارتيالى كادرلار قىستاق تۇرعىندارىنىڭ ماقسارى گۇلىن تەرۋىنە كومەكتەستى
بوس تۇرعان اۋلا كىرىس باقشاسىنا اينالدى
پارتيا مۇشەلەرى مەن كادرلار ۇزدىكتەردەن ۇيرەنىپ، ىشكى قوزعاۋشى كۇشتى تاسقىنداتتى
پانجياجۋاڭ قىستاعى ۇشقىشسىز ۇشاقپەن ءدارى شاشىپ،ەڭبەككۇش پەن ۋاقىتتى ۇنەمدەدى

تورلەت،ۇلىستىڭ ۇلى كۇنى ءاز ناۋرىز

جولدانعان ۋاقىتى : 2017/3/22 13:30:05

ريشات سابىرباي ۇلى
 
   ادامزات ءوزىن تابيعاتتىڭ ءتول پەرزەنتى  سانايدى. تابيعاتتان قۇدىرەتتى نە بار دەيسىڭ.  ادامدار تابيعاتقا تاۋەلدى. بىزگە جارىق كۇن،كەڭ دالا،اسقار تاۋ،جاسىل ورمان، ايدىن كول،ت.ب سيلاعانى ءۇشىن دە ونىڭ الدىندا قارىزدارمىز. سول جارىقتىق تابيعاتتىڭ تۇلەپ، جاڭاراتىن شاعى _ وسى ناۋرىز. جەر _ انانىڭ توڭ كەۋدەسى ءجىبىپ، تاس ەمشەگى ءييدى. اسپان دەنەلەرى ەڭ باستاپقى نۇكتەلەرىندە توعىسادى. كۇن مەن ءتۇن تەڭەلەدى. جان-جانۋارلار ءتول ورگىزەدى. جەر ۇستىنە تىلمەن ايتىپ جەتكىزگىسىز كەرەمەت ءبىر شاتتىق ورنايدى. ال،سول شاتتىعىمىز _ ۇلىستىڭ ۇلى كۇنى  ناۋرىز. 

   دۇرىس-اۋ،بارشامىزدى باۋىرىنا باسىپ، سۇلۋلىققا،كوركەمدىككە،تازالىققا ۇمتىلدىرىپ وتىرعان تابيعاتىمىز جاڭارعان،جايناعان، نۇرلانعان ساتتەن ارتىق ۇلى كۇن،اياۋلى كۇن بار ما ەكەن،ءسىرا؟!

كوكتەم جەتتى كول-كوسىر شۋاق قۋىپ، 

 قىس بارادى قيىلىپ جىلاپ تۇرىپ. 
 شاتىرىندا ۇيلەردىڭ ناۋرىز ءجۇر،
 مۇز كورپەسىن اقپاننىڭ لاقتىرىپ. 
                     -م. ماقاتايەۆ
   ءيا،مۇقاڭنىڭ وسى ولەڭى حالىق ساناسىنداعى قىس پەن جازدىڭ ۇلى كۇرەسىن كوز الدىڭا ەلەستەتەرى حاق. قىتىمىر قىستىڭ سۋىق ىزعارمەن شەڭگەلدەپ العان ءۇش ايلىق ايازدى تاعدىرى اقپان ايىن اتتاندىرىپ بارىپ   ورالعان ناۋرىزبەن بىرگە شەشىمگە كەلەدى  ەكەن.  

   اشالاپ ايتقاندا،شىعىس كۇن ەسەبى بويىنشا جىلدىڭ العاشقى ايى. گريگوريان كۇن ەسەبىندە دە،جىلدىڭ العاشقى ايى ەسەبىندە دە كۇن مەن ءتۇننىڭ ۇزاقتىعى تەڭەسەدى. سول سەبەپتەن ناۋرىز جىل باسى بولىپ سانالعان. سونىمەن بىرگە، قىستىڭ سوڭى، كوكتەمنىڭ باسى. كۇن جىلىنىپ،قار ەرىپ،جىل قۇستارى كەلە باستايدى. مىنە،بۇل ناۋرىزعا بۇكىل حالىقتىڭ اسا قۇرمەتپەن قاراپ،ونى ەستە  قالارلىق قاسيەتتى اي ەسەبىندە باعالاۋىنىڭ سەبەبى.

   ناۋرىز اتاۋى پارسى تىلىندە «ناۋ» _ جاڭا،«رىز» _ كۇن،ياعني «جاڭا كۇن» دەگەن سوزىنەن شىققانى كوپكە بۇرىننان-اق بەلگىلى. بۇل قازىرگى كۇن ەسەبى بويىنشا ناۋرىزدىڭ  22-جۇلدىزىنا سايكەس كەلەدى. حالىق ناۋرىز مەرەكەسىنە الدىن الا دايىندالادى. توقشىلىقتىڭ بەلگىسى رەتىندە ىرىمدار جاسالادى.  بۇلاقتار  تازارتىلىپ، اعاش  ەگىلەدى. «بۇلاق كورسەڭ،كوزىن اش» دەگەن ءسوز وسىدان شىققان بولۋ كەرەك. قازاقتار دا  بۇل  كۇندى «ۇلىستىڭ ۇلى  كۇنى»  دەپ  اتاپ،جاڭا  جىل، ىرىس،بەرەكە،مەرەكە ەسەپتەيدى. ۇلىس كۇندى قارسى الۋ ارقىلى جاس،وسكەلەڭ ۇرپاقتىڭ بويىنا وتان سۇيگىشتىك،تابيعاتتى قورعاۋ،ەڭبەكتىڭ قادىر-قاسيەتىن  سەزىنۋ،ۇلكەندى سيلاۋ،جامان ادەتتەردەن جەرىنۋ تاعى  سول سياقتى  ىزگى قاسيەتتەردى سىڭىرۋگە تىرىسادى. 

   تىرلىگىمىز تۇتامداي عانا بۇل ومىردە  ءارقانداي پەندەشىلىك _ ادام ساناسى مەن جۇرەگىن ءتۇرلى سەبەپپەن شايلىقتىرىپ،دوس پەن دوستىڭ،الىس پەن جاقىننىڭ ارازداسۋىنا تينامداي وكپەنىڭ،رەنىشتىڭ دانەكەر بولىپ جاتۋى ءالميساقتان تىنباعان اتتەگەن-ايىمىز ەكەنى بەلگىلى. سوسىن دا اتا-بابالارىمىز كوپتەگەن جوسىندار مەن قاعيدالاردى بەرەكە-بىرلىكتىڭ،كەشىرىمشىلدىكتىڭ كۋاسى رەتىندە قاراپ،كوپتىڭ كوڭىلىن كوكتەمگە، جىلىلىققا باۋليتىن ءۇردىستى ساقتاعان. سونىڭ ءبىرى،ناۋرىزعا ءتان بولماق. بۇل كۇنى ادام قاتەلىگى بولسا،كەشىرىم سۇراۋعا جانە وعان كەشىرىم  بەرۋگە  ءتيىس. كەشىرمەسە  «بۇل كۇنى  سامارقاننىڭ دا كوك تاسى ءجىبيدى،سەن تاستان قاتتىسىڭ با؟» دەپ توقتاتىپ وتىرعان. سول سياقتى بۇل كۇننىڭ دە وزىندىك قاسيەتى مەن كيەسى ادامنىڭ سانا-سەزىمىمەن دە   قاتىسقا تۇسەتىنى بار.  

كەلگەنىنشە قۇتتىقتاپ ءبىرىن-ءبىرى، 
 قۋانىشتا كورىسىپ كارى-جاسى. 
 كوڭىلى تۇگىل ادامنىڭ سەن كەلگەن سوڭ، 
 سامارقاننىڭ ەلجىرەپ تۇسكەن تاسى (ا. بايتۇرسىنوۆ).

   تاريحي ايتىلىمداردا ناۋرىزدىڭ تاعى ءبىر ءمانى _ توعىستىڭ كۇنى. كۇن مەن ءتۇن، ۇلىلىق پەن كىشىلىك،دانالىق پەن بالالىق، توقشىلىق پەن جوقشىلىق،بايلىق پەن كەدەيلىك تەڭەسىپ،حان قاراشانىڭ حالىن ۇعىپ، قاراشا حاننىڭ تورىنە شىعاتىن كۇن دەلىنەدى ەكەن. راس-اۋ،پارتيا مەن ۇكىمەتتىڭ نۇر شۇعىلاسىنا مالىنىپ،جاراسىمدىلىقتىڭ تۋى جەلبىرەگەن بۇگىنگى تاڭدا اۋقاتتانىپ،جاپپاي دوڭگەلەك داۋلەتتى ورەگە ۇمتىلعان حالىق بۇقاراسىنىڭ باي-باياشاتتى تۇرمىسى كوكتەمنىڭ جانعا جايلى شۋاعىنداي بارلىق ۇلتتى شاتتاندىرۋى سول تاريحتان بەرگى ەل تىلەگىمەن ساباقتاسىپ جاتقانى دا شىندىق.

   ناۋرىز كۇنى ادامدار باقاي ەسەپ،پەندەشىلىك اتاۋلىدان تازارىپ،ار-ۇجدانى الدىندا ارىلۋعا قۇلشىنادى. «ۇلىس كۇنى الدىڭا كەلسە،اتاڭنىڭ قۇنىن كەش»،«جاقسىلىققا   جاقسىلىق _ جاي ادامنىڭ ءىسى،جاماندىققا  جاقسىلىق _ ەر جىگىتتىڭ ءىسى»،«تاس اتقانعا اس ات» سەكىلدى ناقىلداردى توڭىرەكتەپ نىسانا ەتكەن اقساقالدار مەن ەل  اعالارى ات قۇيرىعىن كەسىسىپ،اراعا جىك تۇسكەن اعايىن،دوس-جارانداردى ءبىر داستارقاننان ءدام تاتتىرىپ،تابىستىرىپ جاراستىرعان،بىرلىگىن بەكەمدەۋمەن قوسا،وتباسىن تەنتىرەتىپ   جىبەرگەندەردى قايتا قوسىپ،جالعىز جارىم جەتىمدەردى ۇيلەندىرىپ،جەكە وتاۋ قىلعان.  «سۇيەككە داق،ەتكە تاڭبا بولماسىن» دەپ كەمباعال،مۇگەدەكتەردى جاقىن تۋىستارىنىڭ قاراۋىنا ارنايى  مىندەتتەپ  تاپسىرىپ وتىرعان.

   ناقتىلاپ ايتار بولساق،ناۋرىزدىڭ ايرىقشا ءتالىم-تاربيەلىك،ۇلگى-ونەگەلىك،ءسان-سالتاناتتىق،ءمارت-جومارتتىق،قادىر- قاسيەتتىلىك نىشان بەلگىلەرى  مەن  تانىم  ۇعىمدارىنىڭ ۇلگى تۇرلەرى وتە كوپ.
ونىڭ بارلىعى ءار ادامدى جوعارى سانالىلىققا،ادەپتىلىككە،ونەگەلىككە،باۋىرمالدىققا،كورگەندىلىككە،ىزگىلىك پەن بىلىمدىلىككە باۋليدى. 

   ءيا،وسىناۋ القاپتى شۋاققا بولەگەن ناۋرىز مەرەكەسىندە وتانىمىزدىڭ،مەكەنىمىزدىڭ نۇرلى ولكەسىندە باقىتتىڭ بالىن تاتىپ،شاتتىقتىڭ جىرىن جىرلاعان ءار ۇلت حالقىنىڭ  جاراسىمدىلىعى ارتا ءتۇسىپ،باي دا سان  سالالى رۋحاني مۇرالارى جارقىن بولاشاق جولىنداعى جارقىن ىستەرىنە قۋات بەرسىن  دەگەن تىلەگىمىز،جۇرەكجاردى جىرىمىز  ەشقاشان تىنباس-اۋ... 

   تورلەت،ۇلىستىڭ ۇلى  كۇنى  ءاز  ناۋرىز! ءوزىڭدى اسىعا كۇتكەن بارشا حالىق نيەت- پەيىلىن جاقسىلىققا باعىشتاي وتىرىپ،باقىتتى بولاشاققا نىق قادام باسۋدا. ءاز ناۋرىز سامارقاننىڭ كوك تاسىن ەرىتىپ،كوكتەمنىڭ جىلى شۋاعىمەن تۋعان جەر توسىندە اۋەلەپ ۇشقان قۇستار اۋەنى ۇلىستىڭ ۇلى  كۇنىن ءپاش   ەتىپ،جەر دۇنيەگە بەيبىتشىلىك دارىتىپ، قۇت-بەرەكە اكەلە بەرسىن. 

   تورلەت،ۇلىستىڭ ۇلى كۇنى ءاز ناۋرىز!  جالپى ىزگىلىك پەن جاڭارۋ، مەيىرىم مەن شاپاعات ۇيلەسىم تاپقاندا عانا قۇت قونىپ، بەرەكە ورناپ،تابيعات پەن قوعامنىڭ،ادام مەن ادامنىڭ،ەل مەن ەلدىڭ ارا قاتىناسىنداعى جاراسىمدىلىق زاڭىن ساقتايتىن باستاۋ-بۇلاقتار مەن تالانتتاردىڭ قاينار كوزدەرىنىڭ اشىلۋىنا مۇمكىندىك تۋعىزاتىن ءسان-سالتاناتتى،   ءماندى دە ءساندى،ماعىنالى كۇندەر ادامدارعا ارمان مەن ادالدىق،قۇشتارلىق پەن سۇلۋلىق سيلار ەدى. 

   قاڭقىلداپ قازدار كەلىپ،قىرلاردا قىزعالداق بۇرشىك اتىپ،تابيعات _ انا گۇل كورپەگە  ورانىپ،شۋاقتى ءوڭىردىڭ اسپانى نۇرلانا بەرسىن. 

   تورلەت،ۇلىستىڭ ۇلى كۇنى ءاز ناۋرىز! 




رەداكتورى: ارداق  كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn