ەەڭ جاڭا مازمۇندار
ءۇش فازالى ەلەكتر جەتكىزىپ،تۇرعىنداردى رازى ەتتى
مىڭ گۇيليڭ مەن ءۇش تۋىسىنىڭ ەتەنە قاتىناسى
ەنەرگيا ۇنەمدەپ،ىعىستىرۋ مولشەرىن ازايتۋ ۇگىتىن جۇرگىزدى
جاسىل ساپار،تومەن كومىرتەكتى تۇرمىس
بيڭتۋان مەن جەرلىك ورىن اۋقاتتانۋ تاجىريبەلەرىن ءوزارا ۇيرەندى
ريزۋان مامەتتىڭ «ءتاتتى كاسىبى»
2020-جىلى 7-ايدىڭ 13-كۇنى 145-سان
2020-جىلى 7-ايدىڭ 11-كۇنى 144-سان
پارتيا مەن حالىق ەڭ قاجەت ەتكەن جەردە جاستىق جالىنىن لاۋلاتتى
شاعانتوعاي اۋدانى ءتۇرلى شارالاردى قاتار قولدانىپ،جازعى استىق ساتىپ الۋ-ساقتاۋدى قامتاماسىز ەتتى
تالپىن ءۇي اشەكەيلەۋ جۇمىسىمەن شۇعىلدانىپ،اۋقاتتانۋ جولىنا ءتۇستى
ماقتا شىرپيتىن كەز كەلدى
نەگىزگى تاقىرىپتىق پارتيا كۇنى قيمىلى پارتيالىلىقتى سىننان وتكىزدى
قايتالاي جۇمىستانىپ،باقىتتى تۇرمىسقا تالپىندى
اسفالت جول سالىنىپ،جۇرت قۋانىشقا بولەندى
ورتالىق تەلەۆيزياسىنىڭ ساحناسىندا ونەر كورسەتىپ،ارماندارى جۇزەگە استى
2020-جىلى 7-ايدىڭ 10-كۇنى 143-سان
نەگىزگى زاڭدى ۇيرەنۋ ۇگىت-تاربيەسىن كۇشەيتىپ، ايماقتى زاڭمەن جونگە سالۋدى ىلگەرىلەتۋ كەرەك لاستانۋدان ساقتانۋ جانە ونى جونگە سالۋدان قامال الۋ شايقاسىنىڭ جەڭىسىنە باتىل قول جەتكىزىپ،ەكولوگيالىق ورتانى قورعاۋ كەرەك
كورىنىسى كوركەم ەگىنجاي
ايماقتىق حالىق قۇرىلتايى قىزمەت كوميتەتى 2020-جىلعى 2-رەتكى ءماجىلىسىن اشتى
شاعانتوعاي: كۇمىس شاعالانى قۇتقاردى
تومەنگى قاراۇڭگىر قىستاعى كىشى-گىرىم ىستەردەن ەلەۋلى ناتيجە جاراتتى
كەدەيلەردى سۇيەمەلدەۋ جولىندا شىنايى سۇيىسپەنشىلىگى ارقىلى بۇقارانىڭ سەنىمىنە يە بولدى
ساۋان اۋدانى رايون ىشىندەگى سەلبەستىك ارقىلى ءپايزاۋات اۋدانىنىڭ كەدەيلىكتەن ارىلتۋدان قامال الۋىنا كۇش ۇستەدى
ساقا پارتيا مۇشەلەرىنەن حال سۇرادى
قىستاق تۇرعىندارىنىڭ تازالىق دارەتحاناسىن سالۋىنا كومەكتەستى
«كەلىنى جاقسى ءۇيدىڭ كەرەگەسى التىن»
مىڭ مەترلىك گۇل ءدالىزىنىڭ كوركى كوز تارتادى
تەلەگراف الدامشىلىعىنان ساقتانۋ ۇگىتىن جۇرگىزدى
شي جينپيڭ جۇڭگو-اراب ەلدەرى سەلبەستىك تالقى مىنبەرىنىڭ 9-كەزەكتى مينيستر دارەجەلىلەر ماجىلىسىنە قۇتتىقتاۋ حات جولدادى

كونەك جانە تالقى

جولدانعان ۋاقىتى : 2017/4/18 17:01:50

     قازاقتىڭ ەرتە زامان تۇرمىسىندا كەم بولسا بولمايتىن دۇنيەلەر بار. ونى ءبىلۋ جاس ۇرپاققا  پارىز.  كونەك _ شيكى تەرىدەن جاسالعان بيە ساۋاتىن ىدىس،ونىمەن بيە ساۋعاندا باۋىن بىلەككە ءىلىپ الىپ،ءتۇبىن تىزەگە تىرەي ساۋادى. كونەك جەڭىلءارى مەتال ىدىستار سياقتى داڭعىرلاپ  دىبىس شىعارمايدى. قازاقتا «كونەكتەن شوشىعان بيە وڭباس،كوپتەن  بولىنگەن ءۇي وڭباس» دەگەن ءسوز بار. سول سەبەپتى،كونەككە ساۋعاندا مال مازاسىزدانباي جاقسى ءيىپ،ءسۇتتى مول بەرەدى.

  كونەكتى كوبىنەسە جىلقىنىڭ جون تەرىسىنەن جانە تۇيەنىڭ مويناعىنان بىتەۋ سويۋ ارقىلى جاسايدى. ول ءۇشىن جاس تەرىسىن تۇگىنەن ارىلتىپ،مويناقتىڭ كەڭ جاعىن تۇپتەپ تارامىسپەن تىگەدى دە،ءبىر بۇيىرىنەن تەرىدەن شۇمەك بەكىتەدى. كونەكتىڭ اۋىز جاعىنا جاس توبىلعىدان ءيىپ شەڭبەر سالىپ،ونى سىرتىنا قاراي تەرىمەن كومكەرەدى. سودان سوڭ كونەكتىڭ ىشىنە قۇم تولتىرىپ،جاس تەرى كولەڭكەدە ابدەن كەۋىپ،كونگە اينالعان سوڭ ىشىندەگى قۇمدى توگىپ تاستايدى. تەرى كەپكەندە ءمۇيىز سىزعىشپەن باتىرا ورنەك سالادى. ءىشى-سىرتىنا تۇزدالماعان جىلقى مايىن سىڭىرە جاعادى دا،توبىلعى،ارشا ءتارىزدى اعاشتاردىڭ جاس بۇتاقتارىن جالىنداتپاي بىقسىتىپ جاعىپ، تۇتىنىنە ىدىستىڭ اۋزىن توڭكەرە ءىلىپ،بىرنەشە ساعات ىستايدى. ىس سىڭگەن سوڭ تەرى قىزىل قوڭىر تۇسكە   ەنىپ،ارلەنە تۇسەدى ءارى قۇيىلعان استىڭ  ءيىسى مۇرنىڭدى جارىپ بابىنا كەلەدى.

  كونەكتىڭ ەكى بۇيىرىنەن (اۋىز جاعىنا تاياۋ)  مەتال شىعىرىقتار ورناتىلادى دا،وعان قايىستان  ورىلگەن باۋ تاعىلادى. جاقسى ىستالعان كونەككە ءبىر-ەكى كۇن اشىعان ايران قۇيىپ،شيكى ءدامىن كەتىرگەن سوڭ پايدالانا  بەرۋگە  بولادى. تەرىدەن  جاسالعان ىدىستار وڭەزدەنىپ،كوگەرىپ كەتپەۋى ءۇشىن ايىنا ءبىر نە ەكى رەت  مايلاپ، ىستاپ  وتىرعان ءجون.

    تالقى _ تەرىنى كەرىپ-سوزىپ ءيىن قاندىرا جۇمسارتاتىن اعاش اسپاپ. تالقىنىڭ يرەك،سۇزگى، سوزعى، باسپا تالقى،ءتىس اعاش دەيتىن تۇرلەرى بولادى. تالقىنىڭ بۇل ءتۇرى قاتار وسكەن اشا    اعاشتان جاسالادى. ەكى اشانىڭ ورتاسىنا ەركىن  سياتىن،استىندا كەرتىلگەن تىستەرى بار باستىرعى بولادى. تالقىنىڭ ەكى اشاسىنا باستىرعىنىڭ كەرتىلگەن تىستەرى قاراما-قارسى ورناتىلادى.  ونىمەن تەرى يلەۋدى «تەرىنى تالقىعا سالۋ» دەيدى. تالقىمەن تەرى يلەگەندە ءبىر ادام تەرىنى تۇگىن  ىشىنە قاراتا شيىرشىقتاپ بۇكتەپ،باستىرعىنىڭ استىنا توسەپ، جايلاپ اينالدىرىپ وتىرادى. ەكىنشى ادام باستىرعىنى كوتەرىپ-باسۋ ارقىلى تەرىنىڭ قۇرىس-تىرىسىن جازىپ،جۇمسارتادى. ەرتەرەكتە قۇرۋلى تۇرعان تالقىنى كورە تۇرا باسپاي كەتۋ جاس جىگىتتەر  ءۇشىن ۇلكەن ابەستىك بولىپ سانالعان. ال تالقىدان شىققان تەرىنى «كەرمەلەگەن تەرى» دەيدى. تىلىمىزدەگى «تالقىعا ءتۇستى»،«تالقىعا سالىندى» دەگەن ءسوز تىركەستەرى وسىدان شىققان بولسا كەرەك. «تالقى ەرگە پايدا،تامشى جەرگە پايدا» دەگەن اتالى ءسوز دە وسىعان قاتىستى جارىققا شىقسا كەرەك.

    تالقىدان شىققان تەرى قازاقتىڭ قارا سابىنىن   جاسايتىن ساقارمەن جۋىلادى.
 
 «حالىق تورابىنان»
    رەداكتورى: اراي ەركىن قىزى 

    تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

    مسالى: «تارباعاتاي اقپارات تورابىنان» الىندى.
 

 
powered by IlgharCMS 3.2 www.ilghar.cn