ەەڭ جاڭا مازمۇندار
2019-جىلى 10-ايدىڭ 18-كۇنى 241-سان
حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ جونىندەگى اڭگىمە ماجىلىستە سويلەنگەن ءسوز
ءوزارا سەنۋ، ءوزارا كومەكتەسۋ، ءوزارا پايدا جەتكىزۋ پرينسيبىن ۇستانىپ، دۇنيە جۇزىندەگى ءار ەل حالىقتارىن تەڭىز-مۇحيت ەكونوميكاسىنىڭ دامۋ جەتىستىكتەرىنەن بىرگە يگىلىكتەندىرەيىك
«مەيىرىم ساتراشحاناسى» قارتتاردىڭ كوڭىلىنەن شىقتى
ەكسكۋرسيالاپ، ۇيرەنىپ، پارتيالىلىق جاقتان شىنىقتى
حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ جونىندەگى
باتىس قالاماڭى الەۋمەتتىك اۋماعى شىنايى سۇيىسپەنشىلىكپەن حالىقتىڭ مۇڭ-مۇقتاجىن شەشىمدەدى
اۋەلگى ماقساتتى، بورىشتى ەستە بەرىك ساقتاپ، نەگىزگى تاقىرىپتىق تاربيەنى تىڭعىلىقتى ورىستەتىپ، ورنىقتىلىق،
قابىر كۇزەتۋشى جاڭ چيۋلياڭ حۋ شيانجىن قۇرباننىڭ تۋىس-تۋعاندارىن ىستىق ىقىلاسپەن قارسى الىپ الدى
زۇيجياڭحۋ وزگەشە ءدامدى قۋىرماشتارى
2019-جىلعى سۋ يگىلىگى ارقىلى شينجياڭعا كومەكتەسۋ قىزمەتى ءماجىلىسى ۇرىمجىدە اشىلدى
قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن جانە قوقىر-قوقسىقتى تۇرگە ايىرۋ قىزمەتىن اقىلداسىپ ورنالاستىردى
«تۇرمىسىم كۇن سايىن جاقسارىپ كەلەدى، ولارعا شىنايى العىس ايتامىن»
اكىمشىلىك مەكەمەسى القاسى «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەنىڭ 2-رەتكى توپتىق ۇيرەنۋ، زەرتتەۋ-تالقىسىن ورىستەتتى
شىبارجيدە جاڭا رايونى دارىلەۋ ۆانناسى مەن ىندەتتىڭ الدىن الۋ ورنىن سالىپ، ەگىنشى-مالشىلارعا قولايلىلىق جاراتتى
تۇرعىنداردىڭ مادەني تۇرمىسىن بايىتتى
2019-جىلى 10-ايدىڭ 17-كۇنى 240-سان
جين شين: بۇقارانىڭ ءىسىن كوكەيىمدە ساقتايمىن
قۇرباننىڭ تۋىس-تۋعاندارى كەلىپ ازا ءبىلدىرىپ، 46 جىلدان كەيىن اقىرى «جۇزدەستى»
2019-جىلى 10-ايدىڭ 16-كۇنى 239-سان
جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، تياناقتاندىرىپ، نازاردى باس نىساناعا شوعىرلاندىرىپ، جاراسىمدى، ەكولوگياسى كوركەم، قونىستانۋعا جايلى تارباعاتاي قۇرايىق
«ەكىدەن تارىقتىرماۋ، ۇشتە قامتاماسىز ەتۋ»دى تىعىز ارقاۋ ەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە تاباندىلىقپەن، باتىلدىقپەن قول جەتكىزەيىك
بالا كۇنىنەن اتويشىلداردان ۇيرەنىپ، ەسەيگەندە اتويشىل بولىپ، ۇلتتىڭ گۇلدەنۋى ۇلى مىندەتىن ارقالاي الاتىن ءداۋىردىڭ جاڭا ادامى بولىپ ەسەيىپ-ەرجەتۋگە قۇلشىنايىق
قىزمەت اترەتى ۇيرەنۋدى مال شارۋاشىلىق رايونىنداعى ساقا پارتيا مۇشەلەرىنىڭ وتباسىنا جەتكىزدى
اۋەلگى ماقساتتى ۇمىتپاي، بورىشتى ەستە بەرىك ساقتاپ، نەگىزگى تاقىرىپتىق تاربيەنىڭ ناقتى ناتيجەلەرىن ايگىلەپ، ايماقتىڭ ورنىقتىلىق، دامۋ قىزمەتتەرىنىڭ تاعى دا تىڭ ساتىعا كوتەرىلۋىن جەبەيىك
جوعارى مەكتەپ ەمتيحانى قاقپاسىن قايتا اشۋ
عىلىمنىڭ كوكتەمى
ۇلى بۇرىلىس
ەكونوميكالىق ەرەكشە رايون قۇرۋ
شيحۋ قالاسى: شارۋالاردىڭ كۇزگى جيىن-تەرىن جۇمىسىنا كومەكتەستى

كانادا كومانداسى دۇنيە جۇزىلىك ايەلدەردىڭ مۇز شاۋگىم جۇلدەگەرلىگىنە تالاسۋ جارىسىنىڭ اعا جۇلدەگەرلىگىن ەنشىلەدى

جولدانعان ۋاقىتى : 2017/4/18 17:44:16

   2017-جىلعى دۇنيە جۇزىلىك ايەلدەردىڭ مۇز شاۋگىم جۇلدەگەرلىگىنە تالاسۋ جارىسى 26-ناۋرىزدا اياقتالدى، كانادا كومانداسى شەشۋشى جارىستا 3 كە قارسى 8 ۇپايمەن رەسەي كومانداسىن جەڭىپ، ءۇرتىس 13 مايدان جەڭۋدەي تاماشا ناتيجەمەن 9 جىلدان كەيىن دۇنيە جۇزىلىك جۇلدەگەرلىككە تالاسۋ جارىسىنىڭ اعا جۇلدەگەرلىگىن قايتالاي ەنشىلەدى.

   مۇز شاۋگىم سپورتى كانادادا ەرەكشە قارسى الۋعا بولەنگەن بولىپ، تۇتاس مەملەكەتتە ءبىر ميلليون 500 مىڭ مۇز شاۋگىم اۋەسكەرى بار، وسى رەتكى اعا جۇلدەگەرلىكتى قوسقاندا كانادا ايەلدەر مۇز شاۋگىم كومانداسى دۇنيە جۇزىلىك جۇلدەگەرلىككە تالاسۋ جارىسىنىڭ التىن مەدالىن 16 رەت ەنشىلەدى، بۇل ەكىنشى ورىندى يەلەگەن شۆەتسيا كومانداسىنىڭ ءبىر ەسەسىنە بارابار كەلەدى، الايدا، ولار وسىدان بۇرىنعى اعا جۇلدەگەرلىكتى 2008-جىلعى بەيجيڭ وليمپياداسىندا ەنشىلەگەن ەدى. ال بيىل بەيجيڭدەگى استانا دەنە تاربيە سارايىندا كانادا كومانداسى بارىنشا باسىمدىلىق بايقاتىپ، اينالمالى جارىستا ءۇرتىس 11 مايدان جەڭىستىك الدى، ونىڭ ۇستىنە ارالىق جارىس پەن شەشۋشى جارىستا رەسەي كومانداسىن  ەكى رەت ءسۇرىندىردى.

   رەسەي كومانداسى 2014-جىلدان 2016-جىلعا دەيىن ءۇرتىس ءۇش رەت دۇنيە جۇزىلىك جۇلدەگەرلىككە تالاسۋ جارىسىنىڭ قولا مەدالىن ەنشىلەگەن ەدى، تۇڭعىش رەت شەشۋشى جارىسقا قاتىناسقان ولار ءبىرشاما دەگبىرسىزدىك بايقاتىپ، شەشۋشى كەزەڭدە اعاتتىعى كوبەيدى، ال كانادا كومانداسى   ونەرىن ورنىقتى ساۋلەلەندىردى، اسىرەسە، كوماندا باستىعى مەن حولماننىڭ جارىستاعى بەينەسى وتە جاقسى بولىپ، ارت-ارتىنان ۇپاي الدى. كورەرمەندەر دە ۇپاي العانداردىڭ ونەرىنە ءسۇيىنىپ قىزۋ شاپالاق سوقتى.

   6- مايدانداعى جارىستا كانادا كومانداسى 1 گە قارسى 6 ۇپايمەن باسىمدىلىقتى يەلەدى. رەسەي كومانداسى 7-مايداندا ەكى ۇپاي قايتارىپ العانىمەن، 8-مايدانعا بارعاندا سيدوروۆا ويلاماعان جەردەن قاعيداعا قايشىلىق جاساپ، قارسىلاسىنا 2 ۇپاي ۇتتىرىپ قويدى. سونىمەن ەڭ سوڭىندا 8 گە قارسى 3 ۇپايمەن كەنجەلەپ قالعان رەسەي كومانداسى الدىن الا جەڭىلگەندىگىن مويىندادى.

   جارىستان كەيىن حولمان: « وتە قۋانىشتامىن، وسى ناتيجەگە قول جەتكىزۋىمىز وڭايعا سوقپادى، كاناداعا تاعى ءبىر رەت التىن مەدال الىپ بەرگەنىمە توتەنشە قۋانىشتامىن » دەدى.

   26-ناۋرىز تۇستەن بۇرىن وتكىزىلگەن قولا مەدالعا تالاسۋ جارىسىندا، شوتلانديا كومانداسى 4 كە قارسى 6 ۇپايمەن شۆەتسيا كومانداسىن جەڭدى. وتاعاسى ەل بولعان   ەلىمىز كومانداسى اينالمالى جارىستا 2 رەت جەڭىپ، 9 رەت جەڭىلىپ، جالپى 12    كوماندانىڭ ىشىندە ارتىنان ساناعاندا ەكىنشى ورىندى  يەلەدى.

   دۇنيە جۇزىلىك مۇز شاۋگىم بىرلەستىگىنىڭ ءتوراعاسى كەسنەس جابىلۋ سالتىندا ءسوز سويلەپ: « بۇل 2014-جىلعى بەيجيڭدە وتكىزىلگەن دۇنيە جۇزىلىك ەرلەر مۇز شاۋگىم جۇلدەگەرلىگىنە تالاسۋ جارىسىنان كەيىنگى بەيجيڭنىڭ استانا دەنە تاربيە سارايىندا وتكىزىلگەن ەكىنشى رەتكى دۇنيە جۇزىلىك جۇلدەگەرلىككە تالاسۋ جارىسى بولدى. كورەرمەندەردىڭ قىزعىندىلىعىنان تارتىپ، مۇز ۇستىندەگى جوعارى دارەجەلى ونەر باسەكەسىنە دەيىنگى بارلىق بارىس كوپشىلىكتىڭ ءۇمىتىن سەلگە كەتىرمەدى » دەدى.

   بەيجيڭ قالالىق دەنە تاربيە مەكەمەسىنىڭ باستىعى سۇن شۋەساي: « وسى كەزەكتى دۇنيە جۇزىلىك مۇز شاۋگىم جۇلدەگەرلىگىنە تالاسۋ جارىسى مۇز شاۋگىم سپورتىنىڭ جالپىلاسۋى مەن دامۋىنا، ءار ەل سپورت مادەنيەتىنىڭ  اۋىس-كۇيىسىنە جانە تارالۋىنا بەلسەندى   ۇلەس قوسىپ قانا قالماستان، بەيجيڭنىڭ 2022-جىلعى قىسقى وليمپيادا سپورت جارىسىن ءساتتى وتكىزۋىنە مول تاجىريبە توپتاۋىنا تاماشا ورتا جاراتتى » دەدى.

   دۇنيە جۇزىلىك مۇز شاۋگىم بىرلەستىگىنىڭ بەلگىلەمەسىنە نەگىزدەلگەندە، 2016-، 2017-جىلعى ەكى كەزەكتى دۇنيە جۇزىلىك جۇلدەگەرلىككە تالاسۋ جارىسىنىڭ جالپى جيناق ءنومىرى الدىڭعى 7 ورىندى يەلەگەن كوماندالاردىڭ عانا پيوڭچاڭ قالاسىندا وتكىزىلەتىن قىسقى وليمپيادا سپورت جارىسىنا قاتىناسۋ  تولىمدىلىعىنا يە بولادى ەكەن. كەزەكتە، 2018-جىلعى پيوڭچاڭدا وتكىزىلەتىن قىسقى وليمپيادا سپورت جارىسىنا قاتىناساتىن الدىڭعى 8 كوماندا تۇراقتانىپ بولدى، ولار  جەكە-جەكە كانادا، ۇلى بريتانيا، جاپونيا، رەسەي، شۆەتسيا، شۆەتساريا، ا ق ش جانە وتاعاسى ەلى بولعان وڭتۇستىك كورەيا كومانداسى.
   ەلىمىز كومانداسى بىلتىرعى دۇنيە جۇزىلىك جۇلدەگەرلىككە تالاسۋ جارىسىنا قاتىناسپاعاندىقتان، ونىڭ ۇستىنە، بيىلعى جارىس   ناتيجەسى ويداعىداي بولماعاندىقتان، جىل سوڭىنداعى سوڭعى سارالاۋ جارىسىنا قاتىناسىپ، پيوڭچاڭ قىسقى وليمپيادا سپورت   جارىسىنىڭ تولىمدىلىعىن الۋدىڭ سوڭعى ەكى سانىنا تالاسپاقشى. 2014-جىلعى سوچي قىسقى وليمپيادا سپورت جارىسىنىڭ ايەلدەر مۇز شاۋگىم  جارىسىندا  ەلىمىز كومانداسى جەتىنشى بولعان ەدى.

  رەداكتورى: اراي ەركىن قىزى 

  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

   مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn