ەەڭ جاڭا مازمۇندار
ۇلتتار ىنتىماعىنىڭ بەرەكەلى شاڭىراعى
ءسوز مادەنيەتى تۋرالى
پارتياعا قاي - قاشان دا ادال بولىپ، كوممۋنيستەردىڭ اسىل قاسيەتىن ماڭگى ساقتايمىن
جاڭا داۋىردە جاڭا بەينەمەن تىڭ جۇمىستار تىندىرايىق
پارتيا 19 - قۇرىلتايىنىڭ رۋحىن جەتەكشى ەتىپ، جاڭا داۋىردە تىڭ جۇمىستار تىندىرامىن
پارتياعا ادالدىعىمدى ءىس جۇزىندىك ارەكەتىم ارقىلى ايگىلەيمىن
19-قۇرىلتاي رۋحىءار ۇلت حالقىنىڭ كوكەيىنە ۇيالادى
وتىرىكتىڭ سىباعاسى
«تۋىستاسۋ اپتالىعى» قيمىلىن ورىستەتتى
ايماعىمىزدا ۇلتتار ىنتىماعى بويىنشا « تۋىستاسۋ اپتالىعى» قيمىلى جاپپاي باستالدى
قۇرىلتاي رۋحى ءار جۇرەككە ءنار بەردى
مالدىڭ قىس قىرىنان امان-ەسەن وتۋىنە كەپىلدىك ەتتى
راديو قابىلداعىش ءوز رولىن كورسەتتى
ۇلى ارماندى ورىنداۋ ءۇشىن جۇڭگو كوممۋنيستىك پارتياسىنىڭ باسشىلىعىنا،ءسوزسىز،تاباندى بولۋىمىز كەرەك
«قىستاق ىستەرىن باقىلاۋ كوميتەتىن قۇرۋ، كەمەلدەندىرۋ جونىندەگى جەتەكشى پىكىردى» باسىپ تاراتتى
پارتيا 19-قۇرىلتايىنىڭ رۋحىن ىشكەرىلەي دايەكتىلەندىرىپ، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە تاباندىلىقپەن قول جەتكىزۋدى باسا دارىپتەدى
«اۋەلگى ماقساتتى ۇمىتپاي، بورىشتى ەستە ساقتايمىز»
پارتيا 19-قۇرىلتايى رۋحى قارتتارعا قۋات بەردى
لاشىقتار رايونىن وزگەرتىپ سالۋ ينجەنەرياسى بۇقارانى يگىلىككە كەنەلدىردى
ۇسىنىلىمدى ارتتىرىپ، حالىقتىڭ باقىت كورسەتكىشىن جوعارىلاتتى
ءدوربىلجىن اۋدانى قارامايلى ـ شاۋەشەك تەمىر جولى قۇرىلىسىن پارمەندى جەبەدى
سوتسياليستىك وزەكتى قۇن كوزقاراسى تاربيەسىن كۇشەيتتى
پارتيا مۇشەسىنىڭ «قول سومكەسى»
مەيىربان انالار كەدەي وتباسىلارعا جىلۋ اتادى
ەكى تامشى
ايقىن تۋ ۇستاپ، پارتياعا باتىل ىلەسەمىن
بورىشتى ەستە بەرىك ساقتاپ، نەگىزگى ساتىدا تامىر تارتىپ، باس نىسانانى ىسكە اسىرۋعا اقىل-پاراساتىم مەن كۇش-قۋاتىمدى ارنايمىن
شينجياڭدا جاساپ جاتقانىمدى ماقتانىش ەتەمىن
پارتيانىڭ ابزال ساياساتىنىڭ ارقاسىندا تاماشا تۇرمىسقا قول جەتكىزدىك
ءدوربىلجىن اۋدانى تۇراقتى مۇلىككە قارجى قوسۋ نىساندارىن ءتۇيىندى ىلگەرىلەتتى

جۇگەرىنىڭ سوڭعى مەزگىلىندەگى بابى

جولدانعان ۋاقىتى : 2017/8/31 18:38:04

كادىرقان ءابىلقايىر ۇلى
 
  جۇگەرى ءوسىپ-جەتىلۋ مەرزىمى ۇزاق، قورەكتىك زاتتار مەن سۋعا جانە باپتاپ - باسقارۋعا بولعان تالابى جوعارى،مول ءونىمدى داقىل ەسەپتەلەدى. جۇگەرىدەن مول  ءونىمدى قولعا كەلتىرۋ ءۇشىن ءارقايسى   ءوسىپ-جەتىلۋ كەزەڭىندە تىڭايتقىش بەرۋ مەن سۋارۋعا بولعان قاجەتىن قامتاماسىزداندىرىپ وتىرۋ تالاپ ەتىلەدى. الايدا، ءوندىرىس بارىسىندا ونىڭ ءوسىپ-جەتىلۋ كەزەڭىندەگى تىڭايتقىش بەرۋدى،سۋارۋدى جانە دەرت-دەربەزدەن ساقتانۋدى ءتۇيىن ەتكەن باپتاپ-باسقارۋ شارالارى ويداعىداي جۇرگىزىلمەسە، جەبەسىندەگى ءدانى تولىمسىز بولىپ، مۋ باسىندىق ءتۇسىمى ارتپايتىن ءجايت كورىلەدى. سوندىقتان دا جۇگەرى مايساسىنىڭ العاشقى، ورتاڭعى ءوسىپ-جەتىلۋ مەزگىلىندەگى    باپتاپ-باسقارۋدى كۇشەيتۋگە كوڭىل ءبولۋ كەرەك.

  ۇستەمە تىڭايتقىش تولىقتاپ بەرۋ. جۇگەرىنىڭ سوڭعى ءوسىپ-جەتىلۋ مەزگىلىندە تامىر جۇيەلەرى ءالسىز بولىپ، توپىراق قاباتىنداعى قورەكتىك زاتتار مەن سۋدى ءسىمىرىپ پايدالانۋ قۋاتى تومەندەي بەرەدى، ونىڭ ۇستىنە، العاشقى جانە ورتاڭعى ءوسىپ-جەتىلۋ مەزگىلىندە ۇستەمە تىڭايتقىش جەتكىلىكتى بەرىلمەگەندە جەبە باسىنىڭ ۇلكەيۋى مەن ءدان الۋى قالىپسىز بولعان جاعدايدا دەر كەزىندە ۇستەمە تىڭايتقىش (ءدان تىڭايتقىشى دەپ تە اتالادى). تولىقتاپ بەرگەندە ءدان الۋى مەن ءدان سالماعىن ارتتىرۋعا تيىمدىلىك جاسالادى. ۇستەمە تىڭايتقىش ءۇشىن ۋرەادان 尿素)) مۋ باسىنا 1.5 - 2 كيلوگرامعا دەيىن ۇستەمەلەپ بەرۋگە بولادى.

  سۋارۋ. گۇل اشىپ، توزاڭدانعان  كەز جۇگەرى جەبەسىنە ءدان قالىپتاسۋ مەزگىلى بولىپ، بۇل كەزدە مايسانىڭ ساباق-جاپىراعىنداعى زاپاس قورەكتىك زاتتار تەك سۋدىڭ كومەگىندە عانا جەبەدەگى دانگە تاسىمالدانادى. اتىزدى وسى كەزدە ۇيلەسىمدى مولشەردە  سۋارعاندا جۇگەرى مايساسىنىڭ ءوسىپ-جەتىلۋ ورگاندارىنداعى زات الماسۋدى تەزدەتتىپ،جەبەنىڭ ءدان سالماعىن ارتتىرۋعا بولادى. ادەتتەگى جاعدايدا بالاۋىزدانىپ پىسۋ كەزەڭىنە دەيىن جۇگەرى اتىزىن 1 دە 2 رەت سۋارۋعا،ءار رەتكى سۋارۋ مولشەرىن مۋ باسىنا 50 دە 60 تەكشە مەترگە دەيىن تەڭشەۋگە بولادى.

  توپىراعىن قوپسىتىپ، ارام ءشوپ وتاۋ. جۇگەرى ءدان تولتىرۋ مەزگىلىندە اتىزدىڭ ءبىر رەت توپىراعىن قوپسىتىپ، ارام ءشوبىن وتاۋ جۇمىسىن جۇرگىزگەندە ارام شوپتەردىڭ سوڭعى زيانىن تەجەۋمەن بىرگە، توپىراق تەمپەراتۋراسىنىڭ جوعارىلاۋىنا ءتيىمدى بولىپ، جۇگەرىنىڭ پىسۋ ۋاقىتى تەزدەيدى ءارى ونىڭ ءدان تولتىرۋىنا دا پايدالى بولادى. كوڭىل بولەتىن ءبىر ءجايت، توپىراعىن قوپسىتىپ، ارام ءشوبىن وتاعاندا قوپسىتۋ تەرەڭدىگىن ۇيلەسىمدى ولشەمنەن اسىرماي، جۇگەرىنىڭ تامىر جۇيەلەرىنىڭ زاقىمدالۋىنان ساقتانۋ كەرەك.

  جاساندى جولمەن توزاڭداندىرۋ. جۇگەرىنىڭ توزاڭدانۋ بارىسى كوبىنەسە، جەلدىڭ نەمەسە ناسەكومداردىڭ كومەگىمەن جۇرىلەدى. الايدا جۇگەرىنىڭ اتالى شاشاعى مەن انالىق شاشاعى اشىلعان كەزدە تومەن تەمپەراتۋراعا جانە قالىپسىز دىمقىلدىق سياقتى جاعدايعا ۇشىراسا، توزاڭدانۋ سالىستىرماسى تومەندەپ، جەبەدەگى ءدان سانى ارتپايدى. سوندىقتان جۇگەرىنىڭ اتالىق جانە انالىق شاشاعى اشىلعان كەزدە ۋاقىتتى قولدان بەرمەي جاساندى جولمەن توزاڭداندىرۋ جۇمىسىن جۇرگىزۋ كەرەك. جاساندى جولمەن توزاڭداندىرعاندا كۇن اشىق كەزدە ەكى ادام ءبىر ارقاننىڭ ەكى ۇشىنان تارتىپ تۇرىپ، ارقانمەن جۇگەرى مايساسىنىڭ ەكى جانىنان جوعارى-تومەن 1 دە 2 رەت سىلكىسە جۇگەرى وزدىگىنەن توزاڭدانادى. 3 تە 5 كۇن وتكىزىپ، 2 رەت جالعاستى جۇرگىزگەندە توزاڭداندىرۋ ونىمدىلىگى ءتىپتى دە جوعارى بولادى.

  قارا كۇيە دەرتىنەن ساقتانۋ جانە ونى جويۋ. جۇگەرىنىڭ قارا كۇيە دەرتى كوبىرەك پايدا بولعان جەرلەردە كۇزگى ءونىم جيناپ الىنعاننان كەيىن اتىزداعى داقىل قالدىقتارىن، ءشوپ - شالاڭ سياقتىلاردى جيناپ الىپ، ايرىم ورىنعا ءۇيىپ ءشىرىتىپ، سونىمەن بىرگە، كۇزدە جەردى تەرەڭىرەك جىرتىپ، توپىراق قىرتىسىنداعى دەرتتى توپىراق استىنا ءتۇسىرىپ، ونىڭ جالعاستى تىرشىلىك ەتۋ مۇمكىندىگىن جويۋ كەرەك.

  اتىز باسىندا تازارتۋ. قارا كۇيە دەرتىنىڭ ميكروبىنىڭ ومىرشەڭدىگى كۇشتى، توپىراققا تارالۋ مولشەرى جوعارى بولاتىندىقتان، ونىڭ قالدىق ميكروبى ەگىس اتىزىنان تۇبەگەيلى  ارىلىپ كەتپەيدى. ونىڭ ۇستىنە، جۇگەرى باس جارعان كەزدە جاڭبىر كوبىرەك جاۋىپ، دىمقىلدىق قالىپتان تىس ارتىپ كەتسە، قارا كۇيە دەرتىنىڭ ميكروبى وڭاي پايدا بولادى. سوندىقتان جۇگەرىنىڭ قارا كۇيە دەرتىن اتىز باسىندا تازارتۋ شاراسىن مىقتى ۇستاۋ كەرەك. مۇندا جۇگەرى مايساسىندا قارا كۇيە دەرتى العاش پايدا بولعاننان باستاپ دەرتتەنگەن   ورىندى ابدەن قىرىپ جۇگەرى جەبەسىندە دەرت بايقالسا دەرتتەنگەن جەبەنى تۇگەل كەسىپ الىپ تاستاۋ كەرەك. ال ەندى قارا كۇيە دەرتى جۇگەرى مايساسىندا تۇتاس پايدا بولسا، دەرتتەنگەن مايسانى تۇبىمەن قوسا الىپ، ايرىم ورىنعا جيىپ ورتەپ جىبەرۋ نەمەسە جەردى تەرەڭ قازىپ كومىپ تاستاۋ كەرەك.  

  رەداكتورى: گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى