ءتىلشىمىز سۇڭ جۇنفاڭ حابارلايدى. 5-ايدىڭ 30-كۇنى شاۋەشەك پويەز بەكەتىنە پويەز قاتىنادى،سول كۇنى پويەزبەن سىرتقا شىعۋعا نەمەسە تۇڭعىش پويەز قاتىناعانىنا كۋا بولۋعا كەلگەندەر كوپ بولعانىمەن، قازىرگە دەيىن پويەز بەكەتىنەن جولاۋشىلاردىڭ اياعى ۇزىلمەدى.
ساناققا قاراعاندا، شاۋەشەك بەكەتى 5-ايدىڭ 30-كۇنى 1400 جولاۋشى، 5-ايدىڭ 31-كۇنى 901 جولاۋشى، 6-ايدىڭ 1-كۇنى 1267 جولاۋشى، 6-ايدىڭ 2-كۇنى 866 جولاۋشى اتتاندىرىپ، شاۋەشەكتەن شىققان جولاۋشى سانى كۇنىنە ورتا ەسەپپەن 1100 دەن ارتىق ادامعا جەتكەن.
6-ايدىڭ 3-كۇنى شاۋەشەك قالاسىنىڭ تۇرعىنى ۋاڭ شۋيۋان: «پويەز العاش قاتىناعان كۇنى بالام مەن جۇبايىمدى ەرتىپ،شاۋەشەكتە پويەز تۇڭعىش قاتىناعان ۇلكەن قۋانىشقا كۋا بولۋ ءۇشىن پويەزعا وتىرعام، ال بۇگىن بولسا پويەزبەن ۇرىمجىگە ءىسساپارعا اتتانىپ بارامىن» دەدى.
ۋاڭ شۋيۋان قىزمەت بايلانىسىمەن ۇنەمى شاۋەشەك پەن ءۇرىمجىنىڭ اراسىندا جۇرەدى، ول: «پويەزعا وتىرۋ ەكونوميكا جاعىنان ءتيىمدى بولۋمەن بىرگە، تازا ءارى جايلى،پويەزدىڭ قۇرىلعىلارى تولىق، قىزمەت وتەۋى كەمەلدى، الداعى جەردە جولاۋشىلايتىن بولساق پويەزعا وتىرامىز» دەدى بۇل ونىڭ بىرنەشە كۇننەن بەرگى جاقىن دوس-جاراندارىنا پويەزبەن جولاۋشىلاۋدىڭ تيىمدىلىگىن تانىستىرۋداعى داعدىلى سوزىنە اينالعان.
6-ايدىڭ 3-كۇنى تاڭەرتەڭگى ساعات 10 دا شاۋەشەك قالاسىندا گۇل دۇكەنىن اشاتىن ياڭ حۇي شاۋەشەك پويەز بەكەتىنىڭ پويەز بەلەتىن ساتۋ ورنىنا بارىپ پويەز بەلەتىن ساتىپ الدى،ونىڭ ءۇيى كۇيتڭدە ەدى.
ياڭ حۇي: «مەن العان بەلەت بۇگىن كەشكى ساعات 10 نىڭ پويەز بەلەتى، وسى رەت ۇيگە قايتۋداعى ماقساتىم وتباسىمداعىلارعا امانداسا بارۋ جانە زات كىرگىزۋ، پويەز قاتىناعانى اسا قولايلى بولدى، كەشكى پويەزعا وتىرىپ ۇيگە قايتىپ ەكى كۇن تۇرىپ، زاتتى الىپ بولعان سوڭ شاۋەشەككە قايتاتىن كەشكى پويەزعا وتىرامىن، بۇل ساۋدانى اقساتپاۋدىڭ سىرتىندا، زاتتى كوپتەپ ەنگىزۋگە ءارى گۇلدى جاڭا كۇيىندە ساقتاۋعا بولادى» دەدى.
شاۋەشەك پويەز بەكەتىنىڭ باستىعى جاڭ حىڭ: «وسى بىرنەشە كۇندە ءبىز شاۋەشەك قالاسىنداعى ءار ۇلت حالقىنىڭ پويەزعا وتىرىپ ساپارلاۋ ارمانى مەن قىزعىندىلىعىن ءوز كوزىمىزبەن كوردىك. دۋان-ۋ مەرەكەسى كەلۋ قارساڭىندا ءتىپتى دە كوپ ادامداردىڭ پويەزعا وتىرىپ ساپارلاپ، پويەزدىڭ اكەلگەن قولايلىلىعىنان اسەر الۋىن ءۇمىت ەتەمىز، بارلىق قىزمەتكەرلەر جولاۋشىلارعا حاۋىپسىز، جانعا جايلى جولاۋشىلاۋ ورتاسىن جاراتۋعا قۇلشىنامىز» دەدى.
ىقىلاستى اڭعارتۋ: جاقىنعى مەزگىلدە پويەزعا وتىراتىن جولاۋشىلار كوپ بولعاندىقتان، جولاۋشىلار الدىن الا دايىندالىپ، ءجۇرىس-تۇرىسىنا ۇيلەسىمدى ورنالاستىرۋ جاساۋى مۇمكىندىكتىڭ بارىنشا كەشىگىپ قالماۋى؛پويەز بەلەتىن، كۋالىكتەرىن تولىق الىپ ءجۇرۋى، جولاۋشى كوپ بولعان جاعدايدا قىزمەتكەرلەردىڭ ورنالاستىرۋىنا بويسۇنۋى؛ حاۋىپسىزدىك تەكسەرۋ اسپابىنان وتكەننەن كەيىن جۇكتەرىن تۇگەندەپ،ۇمىتىپ قالۋىنان ساقتانۋى؛ قارتتارعا، بالالارعا جاقسى قارايلاسىپ، اداسىپ قالسا حالىق ساقشىسىمەن دەر كەزىندە بايلانىس جاساۋى كەرەك؛ ءجۇرىس-تۇرىسى قولايسىز،ناۋقاس نەمەسە جارالى، مۇگەدەك جولاۋشى بولسا قىزمەتكەرلەردەن كومەك سۇراۋىنا بولادى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى