21 - تامىزدا اشىلعان اۆتونوميالى رايوننىڭ ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتۋ جونىندەگى اقپار جاريالاۋ ماجىلىسىنەن ۇعىسۋعا قاراعاندا، بيىل رايونىمىز ەمدەۋ، ەمدەۋ قامسىزداندىرۋى جانە ءدارى - دارمەك بىرلەسكەن تۇلعاسى رەفورماسىن اناعۇرلىم تەرەڭدەتىپ، ەمدەۋ بىرىككەن تۇلعا قۇرىلىسىن بارىنشا ىلگەرىلەتىپ، ءدارى - دارمەككە ۇستەمە قۇن قوسۋدى تۇگەلدەي كۇشىنەن قالدىرىپ، ەمدەۋ قامسىزداندىرۋى بويىنشا تولەۋ تاسىلىنە جاڭالىق ەنگىزىپ، ەمدەۋ قۇرىلىمىنىڭ يقۋاتتىق دەڭگەيىن تياناقتاندىرىپ، دياگنوز قويۋ ناتيجەسىن قوس باعىتتا جولداۋدى عىلمي اتقارىپ، بۇقارانىڭ الاڭسىز، قولايلى، جان - جاقتى، از اقشا جۇمساپ ەمدەلۋىنە مۇمكىندىك جاسايدى ەكەن.
12 ايماق، وبلىس، قالا دارەجەگە ايىرىپ تەكسەرۋ - ەمدەۋدى اتقارىپ، ايماق، وبلىس، قالانىڭ %85 ىندە دارەجەگە ايىرىپ تەكسەرۋ - ەمدەۋ ءتۇزىمىن اتقارۋ مىندەتىن 4 اي بۇرىن تامامدادى. ءۇرىمجى قالاسى، قاشقار ايماعى سياقتى 8 ايماق (وبلىس، قالا) سوزىلمالى اۋرۋلاردان ساقتانۋ - ەمدەۋدى نەگىز ەتكەن دارەجەگە ايىرىپ تەكسەرۋ - ەمدەۋ قىزمەتىن تۇيىندەردە سىناق ەتۋدى ىركەس - تىركەس جالپىلاستىردى، جەر - جەر ەمدەۋ - دەنساۋلىق ساقتاۋعا قىزمەت كورسەتۋ جۇيەسى جوسپارىن العا قويىپ، بايلىقتى ۇيلەسىمدى جايعاستىرۋدى، بىركەلكى ورنالاستىرۋدى جەبەدى؛ ۇكىمەتتىك شيپاحانالاردىڭ جان - جاقتى رەفورماسى كەڭ كولەمدە جەدەلدەتىلدى؛ وتباسى شيپاگەرلەرىنىڭ كەلىسىم - شارت بويىنشا قىزمەت كورسەتۋى ورنىقتى ىلگەرىلەپ، تۇيىندەردە سىناق ەتۋ نەگىزىندە بۇكىل رايونىمىزداعى 14 ايماق، وبلىس، قالا وتباسى شيپاگەرلەرىنىڭ كەلىسىم - شارت بويىنشا قىزمەت كورسەتۋىن جاپپاي ورىستەتتى؛ ەمدەۋگە قىزمەت كورسەتۋدى جاقسارتۋ قيمىلىن ۇزبەي اتقارىپ، ۋادەلەسىپ تەكسەرۋ - ەمدەۋ، كۇندىزگى ەمدەۋگە قىزمەت كورسەتۋ سياقتى 11 ماڭىزدى قىزمەتتى ءتۇيىندى تۇردە ىلگەرىلەتتى، قازىر ۋادەلەسىپ تەكسەرۋ - ەمدەۋ 3 - دارەجەلى شيپاحانالاردا جاپپاي ورىستەتىلدى.
مۇنان تىس، ءدارى - دارمەك رەفورماسى ءتارتىپتى ورىستەتىلۋدە، رايونىمىز تور جەلىسىنەن پايدالانىپ ءدارى - دارمەكتەردى شوعىرلى ساتىپ الۋ مەحانيزمىن كەمەلدەندىرىپ، ۇكىمەتتىك شيپاحانالاردىڭ ءدارى - دارمەكتەردى تۇرگە ايىرىپ ساتىپ الۋىن تياناقتاندىرىپ، شوعىرلى، مولشەرلى ساتىپ الۋ پرينسيبىنە تاباندى بولىپ، ءدارى - دارمەككە جانە پايدالانىلاتىن ماتەريالدارعا ساياتىن اينالىم كاسىبىنىڭ قامداۋ قۋاتىن بىركەلكى ورنالاستىرۋعا جەتەكشىلىك ەتتى. ۇكىمەتتىك شيپاحانالاردىڭ جان - جاقتى رەفورماسى سىناق ەتىلەتىن قارامايلى قالاسى، تۇرپان قالاسى، قۇمىل قالاسى سىندى 3 قالا ۇكىمەتتىك ەمدەۋ قۇرىلىمدارىنىڭ «2 بەلەت ءتۇزىمىن» جاپپاي اتقارۋ قىزمەتىنىڭ الدىڭعى مەرزىمدىك دايىندىق جۇمىسىن ورىستەتتى.
اۆتونوميالى رايوندىق دەنساۋلىق ساقتاۋ، جوسپارلى تۋىت كوميتەتى پارتيا باسشىلىق گرۋپپاسىنىڭ ورىنباسار شۋجيى، كوميتەتتىڭ ورىنباسار مەڭگەرۋشىسى پىڭ يۇڭ بىلاي دەپ تانىستىردى: باسقا قاتىستى سالالاردىڭ رەفورماسى دا ءبىر تۇتاس ورنالاستىرىلىپ، ىلگەرىلەتىلۋدە، مەديتسينالىق وقىتۋدى باسقارۋ ءتۇزىلىسى مەن مەحانيزمى رەفورماسىندا رايونىمىز تىڭ ناتيجەلەرگە قول جەتكىزدى، مەديتسينا دارىندىلارىن ىستەتۋ، شابىتتاندىرۋ مەحانيزمى كەمەلدەندىرىلدى؛ دەنساۋلىق ساقتاۋ، جوسپارلى تۋىت قىزمەتىن ينفورماتسيالاندىرۋ قۇرىلىسى جەدەل ىلگەرىلەتىلۋدە؛ رايونىمىز قوعامدى شيپاحانا قۇرۋعا شابىتتاندىراتىن جانە قولدايتىن ساياسات، شارالاردى العا قويدى، رايونىمىزدا حالىقتىق شيپاحانالاردىڭ جالپى سانى 500 دەن استى؛ سۋبيەكتتىك جاۋاپكەرلىكتى، دەنساۋلىق تەكسەرۋدى، ساپاسىن مەڭگەرۋدى، قۋزاۋ - جەتەكشىلىك ەتۋدى تياناقتاندىرۋدان باستاپ كىرىسىپ، دەنساۋلىق تەكسەرۋدى ۇدايىلاندىردى؛ كوپ شارانى قاتار قولدانىپ، سالاماتتىق جاعىنان كەدەيلەردى سۇيەمەلدەۋدىڭ ۇتىمدى جولىن قاراستىردى.
«شينجياڭ گازەتىنەن»
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.